Teḛ-Raga 27:3 - Maktub gə́ To gə Kəmee

³ D’a ra bai ləm, gə əb-kuba-pərje ləm, gə baije ləm, gə kag-larje gə́ ta dee tɔ ja̰-ja̰ ləma, gə jo-pərje ləm tɔ mbata lə loo-nékinjaməs neelé, nékulaje lai gə́ wɔji dəa neelé d’a ra dee gə lar gə́ kas ya.

Teḛ-Raga 27:3 ပူးပေါင်းရင်းမြစ်များ

1 Mbaije 7:40

Iram léḛ larkas gə́ bai-girje ləm, gə əb-kuba-pərje ləma, gə baije ləm tɔ. Togə́bè ɓa Iram tɔl ne kulaje lai gə́ mbai Salomo̰ aree ra mbata lə kəi lə Njesigənea̰ lé tɔ.

1 Mbaije 7:45

Bai-girje gə əb-kuba-pərje gə baije tɔ. Nékulaje lai gə́ mbai Salomo̰ ar Iram léḛ dee mbata lə kəi lə Njesigənea̰ neelé, to néje gə́ léḛ dee gə larkas gə́ ndɔḭ ləd-ləd ya.

1 Mbaije 7:50

Bai-gelje gə́ ka̰ togo rɔ gə kiaje Gə baije gə ka-larje gə əb-pər gə́ ra gə larlɔr gə́ àr ŋgad-ŋgad, Kula larje gə́ ka̰ tɔ tabidi-rəwkəije gə́ ra gə larlɔr Mbata mée gə́ kəi gə́ to tarəwkəi gə́ to gə kəmee doi ləm, Gə mbata tabidi rəw-kəi gə́ to tarəwkəi lə kəi-si-Ala gə́ to gə kəmee ləm tɔ.

2 Mbaije 25:14

Deḛ d’odo bai-girje ləm, gə əb-kuba-pərje ləm, gə kiaje ləm, gə baije ləma, gə nékulaje lai gə́ ra gə larkas gə́ d’aw ra ne kula lé ləm tɔ.

2 Mbaije 25:15

Ɓé-njéŋgəmlooje lé odo jo-larje ya tɔɓəi gə ka-larje, néje gə́ ra dee gə larlɔr, gə néje gə́ ra gə larnda lé tɔ.

1 Sôrta Gḭka-Israɛlje 28:17

Yeḛ tɔjee kag-larje gə́ ta dee tɔ ja̰-ja̰ ləm, gə bai-girje ləma, gə ŋgo-dɔ-manje ləm tɔ gə́ ra dee gə larlɔr gə́ àr ŋgad-ŋgad, yeḛ tɔjee rəw ra karmbije gə larlɔr gə kwɔi lə karmbije kára-kára ləm, gə karmbije gə́ ra dee gə larnda gə kwɔi lə karmbije kára-kára ləm tɔ.

2 Sôrta Gḭka Israɛlje 4:11

Huram ra bai-girje gə əb-kuba-pərje gə baije tɔ. Togə́bè ɓa Huram tɔl ne kulaje lai gə́ mbai Salomo̰ aree ra mbata lə kəi lə Ala gə néje gə́ nee:

2 Sôrta Gḭka Israɛlje 4:16

Bai-girje gə əb-kuba-pərje Gə karmbi-larje gə́ ta dee tɔ ja̰-ja̰ ləm tɔ. Nékulaje nee lai gə́ mbai Salomo̰ ar Huram-Abi ra mbata kəi lə Njesigənea̰ lé to larkas gə́ ndɔḭ wər-wər ya.

Teḛ-Raga 24:6

Moyis taa ges məs ɓa ɔm mee baije’g lé ndá ges məs gə́ nai lé yeḛ saga dɔ loo-nékinjaməs’g lé.

Teḛ-Raga 27:19

Nékulaje lai gə́ wɔji dɔ kula gə́ mee kəi-kubu-si-Ala’g neelé ləm, gə kagje gə́ tɔl dɔ dee gə́ ɓər naŋg tiá ne ləma, gə kagje gə́ tɔl dɔ dee gə́ ɓər naŋg tɔ ne ndògo-kubu ləm tɔ lé d’a ra dee gə larkas ya.

Teḛ-Raga 27:2

D’a ra néndajije sɔ gə́ asəna gə gaji da bèe dɔ kum loo-nékinjaməs’d gə́ sɔ lé kar dee teḛ tar ndá loo nékinjaməs lé d’a kɔr giree gə larkas tɔ.

Teḛ-Raga 27:4

D’a k’ṵji kúla lar gə́ kas karee to to gə́ ba̰də-lar bèe mbata lə loo-nékinjaməs ndá d’a tula nḭgá larkasje sɔ dɔ kum ba̰də-lar gə́ sɔ’g neelé tɔ.

Teḛ-Raga 38:3

Yeḛ ra nékulaje gə́ wɔji dɔ loo-nékinjaməs lé lai, baije gə́ tad ləm, gə əbje ləm, gə baije gə́ ka̰ saga məs ləm, gə kag-larje gə́ ta dee tɔ ja̰-ja̰ ləma, gə jo-pərje ləm tɔ, nékulaje lai neelé yeḛ ra dee gə lar gə́ kas ya.

Ləbije 16:12

Yeḛ a kun əb gə́ kul gə́ taa pər gəgəgə rusu gə́ d’ɔr loo-nékinjaməs’g no̰ Njesigənea̰’g lé ləm, gə nduji né gə́ ə̰də sululu as ŋgo jia joo ləm tɔ, yeḛ a kodo néje neelé kaw ne njal gir kubu gə́ gaŋg ne mee kəi gə́ to gə kəmee doi’g lé.

Bula lə Israɛlje 4:14

nékulaje lai gə́ deḛ ra ne kula keneŋ lé d’a kunda dee dɔ kubu’g lé togə́bè: jo-pərje ləm, kag-larje gə́ ta dee tɔ ja̰-ja̰ ləm, əbje ləm, baije ləma, gə nékulaje lai gə́ wɔji dɔ loo-nékinjaməs ləm tɔ, tɔɓəi d’a lab nékɔn dəa gə́ ra gə ndar da gə́ ɓaree dopḭ dɔ’g, tɔɓəi d’a tula kunda kagje ka̰ kodo loo-nékinjaməs lé keneŋ tɔ.