Teḛ-Raga 27:2 - Maktub gə́ To gə Kəmee

² D’a ra néndajije sɔ gə́ asəna gə gaji da bèe dɔ kum loo-nékinjaməs’d gə́ sɔ lé kar dee teḛ tar ndá loo nékinjaməs lé d’a kɔr giree gə larkas tɔ.

Teḛ-Raga 27:2 ပူးပေါင်းရင်းမြစ်များ

1 Mbaije 1:50

Adonija ɓəl Salomo̰ kədm-kədm ndá yeḛ kara uba naŋg ḭ aw wa dɔ kum loo-nékinjaməs gə́ ḭta lé.

1 Mbaije 2:28

Ta neelé oso mbi Joab’g, yeḛ gə́ un goo Adonija nɛ yeḛ aw goo Absalɔm’g kédé el lé. Yen ŋga Joab aḭ aw iya rəa mee kəi-kubu-si-Njesigənea̰’g ndá wa dɔ kum loo-nékinjaməs gə́ ḭta lé.

1 Mbaije 8:64

Mee ndəa gən lé mbai unda ŋgaw dan loo gə́ to no̰ kəi’g lə Njesigənea̰ lé gə kəmee, mbata lé nee ɓa yeḛ inja nékinjanéməsje gə́ ka̰ roo, gə nékarje, gə ubu nékinjanéməsje gə́ wɔji dɔ kɔm na̰’d keneŋ mbata loo-nékinjaməs gə́ ra gə larkas gə́ to no̰ Njesigənea̰’g lé to gə́ lam ba bèe ɓó as mba kɔm nékinjanéməsje gə́ ka̰ roo, gə nékarje, gə ubu nékinjanéməsje gə́ wɔji dɔ kɔm na̰’d lé keneŋ el.

2 Mbaije 16:14

Yeḛ ɔr loo-nékinjaməs gə́ ra gə larkas gə́ to no̰ Njesigənea̰’g mbɔr tarəwkəi’g mba karee to mbuna loo-nékinjaməs’d gə́ sigi gə kəi lə Njesigənea̰ lé el, ndá yeḛ ŋgəs ne par gə́ kel dɔjigel lə loo-nékinjaməs gə́ sigi lé.

2 Sôrta Gḭka Israɛlje 4:1

Yeḛ ra loo-nékinjaməs gə larkas, ŋgalee as kəmkil dəw rɔ-joo ləm, tadee as kəmkil dəw rɔ-joo ləma, dəree gə́ ḭ gə́ tar as kəmkil dəw dɔg ləm tɔ.

Pakɔsje 118:27

Njesigənea̰ lé to Ala gə́ njekar loo àr dɔ sí’g. Né gə́ ka̰ kinja məs lé maji kar sí tɔje gə kúla Awje ne saar teḛje ne dɔ dɔ kum-looje gə́ ḭta gə́ to loo-nékinjaməs’g lé.

Teḛ-Raga 27:3

D’a ra bai ləm, gə əb-kuba-pərje ləm, gə baije ləm, gə kag-larje gə́ ta dee tɔ ja̰-ja̰ ləma, gə jo-pərje ləm tɔ mbata lə loo-nékinjaməs neelé, nékulaje lai gə́ wɔji dəa neelé d’a ra dee gə lar gə́ kas ya.

Teḛ-Raga 29:12

I a taa məs bɔ maŋg neelé ndá a kula ŋgon ji-i keneŋ mba rad dɔ kum loo-nékinjanéməsje gə́ ḭta lé ləm, a kɔm məs gə́ nai lé gɔl loo-nékinjaməs’g lé ləm tɔ.

Teḛ-Raga 38:30

Yee ɓa deḛ ra ne néje gə́ ka̰ kunda tula gel ta kəi-kubu-kiŋga-na̰ ləm, gə loo-nékinjaməs gə́ ra gə larkas gə ba̰də-lar gə́ wɔji dəa ləm, gə nékulaje gə́ wɔji dɔ loo-nékinjaməs lé ləm,

Ejekel 43:15

Loo-nékinjaməs lé dəree as kəmkil dəw sɔ, tɔɓəi deḛ ndaji gajije sɔ ar dee d’ḭta dɔ loo-nékinjaməs’g neelé.

Ləbije 16:18

Yeḛ a kunda loo teḛ gə mba kaw par gə́ loo-nékinjaməs gə́ to no̰ Njesigənea̰’g ɓa yeḛ a ra né mba kɔr ne ndɔl kaiya dɔ loo-nékinjaməs’g lé ɓəi ndá yeḛ a kun məs bɔ maŋg ləm, gə məs bàl bya̰ ləm tɔ mba rad dɔ kum loo-nékinjanéməsje gə́ ḭta lé gugu ne dəa sub.

Ləbije 4:18

Yeḛ a rad məs dɔ kum loo-nékinjanéməsje gə́ ḭta gə́ to no̰ Njesigənea̰’g mee kəi-kubu-kiŋga-na̰’g, ndá a kɔm ges məs bɔ maŋg lé naŋg no̰ loo-nékinjaməs gə́ ka̰ roo né keneŋ gə́ to tarəw kəi-kubu-kiŋga-na̰’g lé tɔ.

Ləbije 4:25

Njekinjanéməs lé a kula ŋgaw jia dan məs da-kul gə́ ka̰ kiŋga meekoso lemsé lé ndá a rad dɔ kum loo-nékinjanéməsje gə́ ḭta gə́ ka̰ roo né keneŋ, tɔɓəi yeḛ a kɔm məs naŋg no̰ loo-nékinjaməs gə́ ka̰ roo né keneŋ lé tɔ.

Ləbije 4:7

Ŋgɔ-njekinjanéməs neelé a rad məs lé dɔ kum loo-tuu-néje gə́ ə̰də sululu gə́ ḭta gə́ to no̰ Njesigənea̰’g mee kəi-kubu-kiŋga-na̰’g lé, ndá yeḛ a kɔm ges məs bɔ maŋg lé gel loo-nékinjaməs gə́ ka̰ roo né keneŋ gə́ to tarəw kəi-kubu-kiŋga-na̰’g lé tɔ.

Ləbije 8:15

Moyis inja gwɔbee ndá yeḛ taa məsee tɔɓəi rad məs neelé gə ŋgaw jia dɔ kum loo-nékinjanéməsje gə́ ḭta undá ne gə kəmee, yeḛ ɔm ges məs lé naŋg no̰ loo-nékinjaməs’g undá ne gə kəmee mba kinja ne nékinjaməs gə́ ka̰ kuga dɔ kaiya lé tɔ.

Jakari 9:15

Njesigənea̰ gə́ njeboo-néje a kaa dɔ dee, D’a tuji loo pugudu ləm, D’a dum dɔ kɔri-ər yɔroŋ-dooje lə njéba̰je lə dee ləm tɔ, D’a kai né ləm, D’a kunda bula to gə́ njékai mán-nduú gə́ mḭje bèe ləm tɔ, Nékai a rusu meḛ dee to gə́ mán gə́ rusu ŋgo-dɔ-mán bèe ləm, To gə́ məs gə́ aḭ dɔkum loo-nékinjaməs’g bèe ləm tɔ.

Bula lə Israɛlje 3:31

Néje gə́ d’ɔm ji dee’g ɓa nee: Sa̰duk ləm, tabul ləm, kag pərndɔje ləm, loo-nékinjaməs gə loo-tuu-né gə́ ə̰də sululu ləm, nékulaje gə́ wɔji dɔ kəi gə́ to gə kəmee mba kar dee ra ne kula keneŋ ləma, gə kubu gaŋg mee kəi gə néje gə́ wɔji dəa ləm tɔ.

Ǝbrəje 6:18

mba kar mbɔl dɔ ndu gə́ gel joo gə́ to njaŋg gə́ Ala a koo loo mba pəl ta dɔ’g el lé ɓa jeḛ nja j’iŋga ta gə́ ula diŋgam meḛ sí’g jugugu-jugugu ləm, jeḛ n’taa ta neelé sagm j’unda ne meḛ sí yel dɔ’g ləm tɔ ndá j’uru ne njo̰loo’g pḛ́ tɔ.