Teḛ-Raga 26:31 - Maktub gə́ To gə Kəmee

³¹ D’a ra pal-kubu gaŋg mee kəi gə kubu gə́ ndul piro-piro gə kas gəḭ gə kas njir-njir ləm, gə kúla palégal gə́ sorè ləm tɔ. Pal-kubu neelé njekɔsee a kɔsee gə ŋgaŋgee béréré-béréré ləm, a ndaji Nékundaje gə́ dara keneŋ ləm tɔ.

Teḛ-Raga 26:31 ပူးပေါင်းရင်းမြစ်များ

2 Sôrta Gḭka Israɛlje 3:14

Deḛ ra kubu gaŋg ne mee kəi gə́ to bədələ ləm, gə ndul piro-piro ləma, gə kas njir-njir ləm tɔ, kubu neelé d’ṵji gə kúla palégal ndá deḛ ndaji Nékundaje gə́ dara lé keneŋ tɔ.

Pakɔsje 137:5

Ɓó lé m’ar məəm wəi dɔi-i, Jerusalem’g ndá Maji kar jikɔlm wəi wɔ!

Teḛ-Raga 25:18

D’a ra néndaji Nékundaje gə́ dara joo gə larlɔr gə́ kunda gə mo̰ ndá a rḛdə dee dɔkum kidata sa̰duk’d gə́ joo lé,

Teḛ-Raga 25:4

dɔ kubuje gə́ ndir ndul piro-piro ləm, gə kas gəḭ ləma, gə kas njir-njir ləm tɔ, gə kubu gə́ ra gə kúla palégal gə́ bḭ-maji ləm, gə bḭ bya̰je ləm,

Teḛ-Raga 26:1

Kəi-kubu-si-Ala d’a ra gə pal-kubuje dɔg gə́ d’ṵji gə kúla palégal gə́ sorè ləm, gə kubu gə́ ndiri ndul piro-piro gə kas gəḭ gə kas njir-njir ləm tɔ, d’a ndaji Nékundaje gə́ dara gə́ tɔs dee gə ŋgaŋgee béréré-béréré keneŋ tɔ.

Teḛ-Raga 26:32

D’a tɔ pal-kubu neelé dɔ gaji kag-akasiaje gə́ sɔ gə́ d’ɔr gir dee gə larlɔr, gaji kagje lé nétugané-ta-na̰’dje gə́ ra gə larlɔr d’a to keneŋ ləm, d’a ɓər dee tar dɔ gɔl gaji kagje gə́ ra dee gə larnda lé ləm tɔ.

Teḛ-Raga 27:16

D’a ra pal-kubu gə́ ŋgalee a kas kəmkil dəw rɔ-joo gə mbata tarəwkɔg lé, ndá pal-kubu neelé d’a ra gə kubu gə́ ndul piro-piro gə kas gəḭ gə́ kas njir-njir ləm, gə kubu gə́ d’ṵji gə kúla palégal gə́ sorè ləma, gə d’ɔsee gə ŋgaŋgee béréré-béréré ləm tɔ ndá gaji kagje d’a kaḭ sɔ ləm,

Teḛ-Raga 27:21

Mee kəi-kubu-kiŋga-na̰’d gə́ to gə kəmee neelé, gir kubu gə́ gaŋg ne mee kəi gə́ to no̰ nékɔrgoota’g lé, lé neelé ɓa Aaro̰ gə ŋganeeje gə́ diŋgam d’a gɔl ubu neelé gə́ mba kar pərndɔje lé d’a ndogó ne no̰ Njesigənea̰’g loondul’g saar kar loo àr. Yee ɓa gə́ godndu gə́ to gə no̰ mbata lə ŋgakadɔg deeje ləm, Israɛlje lé kara d’a kaa dəa kər-kər ləm tɔ.

Teḛ-Raga 28:15

D’a ra ɓɔl kubu gə́ tɔ kaar dee’g gə́ ka̰ gaŋg-rəwta gə́ d’a kɔsee gə ŋgaŋgee béréré-béréré tɔ, d’a ra to gə́ épod bèe ya, d’a rəa gə kúla gə́ ra gə larlɔr ləm, gə kúla gə́ ndul piro-piro, gə kas gəḭ, gə kas njir-njir ləma, gə kubu kúla palégal gə́ sorè ləm tɔ.

Teḛ-Raga 35:12

sa̰duk gə kunda kagje gə́ wɔji dəa ləm, gə kidatea gə́ ka̰ meekoso lemsé ləma, gə pal-kubu mba ko̰ ne dɔ sa̰duk ləm tɔ,

Teḛ-Raga 35:25

Denéje lai gə́ to njégosokulaje lé sorè kúla ndá deḛ ree gə kúla lə dee gə́ ra gə́ to kúla gə́ ndiri ndul piro-piro gə kas gəḭ gə kas njir-njir ləm, gə kubu gə́ ra gə kúla palégal ləm tɔ.

Teḛ-Raga 35:35

Yeḛ ar goso kəmkàr rusu meḛ dee njḭ-njḭ mba kar dee ra kula tɔl néndajije ləm, gə néndajije lai ləm, gə mba kar dee d’ɔs kubu ləm gə sorè kúla gə́ ndul piro-piro gə kas gəḭ gə kas njir-njir ləm, gə kubu gə́ ra gə kúla palégal ləm, gə mba ra kulaje ɓəd-ɓəd ləma, gə mba tum gin kulaje gə́ sigi-sigi ləm tɔ.

Teḛ-Raga 35:6

gə kubu gə́ ndiri gə́ ndul piro-piro gə kas gəḭ gə kas njir-njir ləm, gə kubu gə́ ra gə kúla palégal ləma, gə yee gə́ ra gə bḭ bya̰je ləm tɔ,

Teḛ-Raga 36:35

Deḛ ra pal-kubu gaŋg mee kəi gə kúla gə́ ndul piro-piro gə kas gəḭ gə kas njir-njir ləm, gə kúla palégal gə́ sorè ləm tɔ, kubu neelé d’ar njekɔsee lé ɔsee gə ŋgaŋgee béréré-béréré ləm, deḛ ndaji Nékundaje gə́ dara keneŋ ləm tɔ.

Teḛ-Raga 36:36

Deḛ tɔl gaji kag-akasiaje sɔ mbata lə kubu neelé ndá d’ɔr gir dee gə larlɔr, nékwa-néna̰’dje gə́ ra gə larlɔr to keneŋ ləm, deḛ léḛ larnda ra ne bəgərə gə́ ka̰ tula-gel deeje’g ləm tɔ.

Teḛ-Raga 36:8

Diŋgamje lai gə́ to njégosokulaje gə́ ra kula neelé ndá deḛ ra kəi-kubu-si-Ala gə pal-kubuje dɔg gə́ ra gə kubu gə́ d’ṵji gə kúla palégal gə́ sorè ləm, gə kúla gə́ ndul piro-piro gə kas gəḭ gə kas njir-njir ləm tɔ, deḛ ndaji Nékundaje gə́ dara keneŋ gə́ njekɔsee ɔs gə ŋgaŋgee béréré-béréré tɔ.

Teḛ-Raga 38:23

Oholiab, ŋgolə Ahisamak gə́ ginkoji’g lə Dan lé to njela səa tɔɓəi yeḛ lé to njegosokula tɔl mbalje ləm, gə njetum gin kulaje gə́ sigi-sigi ləma, gə njekɔs kubu gə́ ndiri ndul piro-piro gə kas gəḭ gə kas njir-njir ləm, gə kubu gə́ ra gə kúla palégal ləm tɔ.

Teḛ-Raga 40:21

Deḛ d’aw gə sa̰duk kɔrgoota neelé mee kəi-kubu-si-Ala’g tɔɓəi deḛ tɔ pal-kubu-gaŋg-mee kəi d’aree ɔn dɔ sa̰duk kɔrgoota, to gə́ Njesigənea̰ un ne ndia ar Moyis lé ya.

Teḛ-Raga 40:3

D’a kunda sa̰duk ka̰ kɔrgoota keneŋ ləm, d’a kila pal-kubu-gaŋg-mee-kəi nea̰’g ləm tɔ.

Pa gə́ ur dɔ paje 7:1

Tel ree, tel ree Ŋgoma̰də gə́ Sunem, Gə́ tel ree ar sí j’ooje kəmi! See ban ɓa seḭ aaje loo ooje ŋgoma̰də gə́ Sunem To gə́ kudu njéndamje gə́ joo bèe wa.

Ləbije 16:15

Yeḛ a kinja gwɔb bàl bya̰ gə́ ka̰ kuga dɔ kaiya lə dəwje lé ndá a kaw gə məsee njal mee kubu gə́ gaŋg ne mee kəi gə́ to gə kəmee doi’g. Yeḛ a ra gə məs neelé to gə́ ra ne gə məs bɔ maŋg gə́ kédé lé bèe ndá yeḛ a saga dɔ kidata sa̰duk-manrɔ gə́ wɔji dɔ meekoso lemsé ləm, gə nea̰’g ləm tɔ.

Ləbije 16:2

Njesigənea̰ ula Moyis pana: Maji kari ula ŋgokɔḭ Aaro̰ mba karee andə aw mee loo gə́ to gə kəmee’g dəs njal aw mee kubu gə́ gaŋg ne mee kəi gə́ to no̰ kidata sa̰duk-manrɔ gə́ ka̰ meekoso lemsé’g lé ta-ta el, nà a kwəi, mbata m’a teḛ kəmee’g dan mum’g dɔ kidata sa̰duk-manrɔ gə́ ka̰ meekoso lemsé’g lé ya.

Bula lə Israɛlje 4:5

Loo gə́ d’a gə kḭ mba kaw ndá Aaro̰ gə ŋganeeje gə́ diŋgam d’a ree kɔr kubu gaŋg mee kəi lé ndá d’a kila kubu neelé dɔ sa̰duk kɔrgoota’g,

Matiyo 27:51

Yen ŋga kubu gə́ gaŋg ne mee kəi-Ala lé un tar til dana njal uru naŋg jig ləm, naŋg yə ləm, mbalje kara ta̰ ɓəgəgə-ɓəgəgə ləma,

Mark 15:38

Yen ŋga kubu gə́ boi gə́ gaŋg ne mee kəi-Ala dana lé un tar til njal ur naŋg jig.

Lugu 23:45

Kàr ndul njudu-njudu ləm, kubu gə́ gaŋg ne mee kəi-Ala lé kara riba dana njal teḛ ləm tɔ.

Njé gə́ Epesə 2:14

Mbata yeḛ nja gə́ njegɔl sí kɔm sí na̰’d, yeḛ nja ɓa wa sí joo bɔr orè sí na̰’d ləm, ndògo gə́ kai sí dana lé yeḛ unda naŋg rab, udu ne kəm ba̰ lə sí lé ləm tɔ.