Teḛ-Raga 26:25 - Maktub gə́ To gə Kəmee

²⁵ Togə́bè ɓa gaji kagje lé d’a kas jinaijoo ləm, gɔl kagje gə́ ra gə larnda gə́ wɔji dɔ dee d’a kas dɔg-giree-misa̰ ləm tɔ mba kar gɔl kagje joo-joo to mba gaji kag kára-kára ya.

Teḛ-Raga 26:25 ပူးပေါင်းရင်းမြစ်များ

Teḛ-Raga 26:19

D’a léḛ larnda ra gə́ gɔl gaji kagje as rɔ-sɔ mba kya̰ kəmbolee keneŋ-keneŋ gə mba kunda gel gaji kagje gə́ rɔ-joo’g neelé ndá néje gə́ ra gə larnda lé d’a ra joo-joo mbata lə gaji kag kára-kára mba tula teaje gə́ goré joo-joo lé keneŋ tɔ.

Teḛ-Raga 26:24

gaji kagje neelé d’a kwa dee na̰’d, un kudee gel dee gə́ bər lé pə̰ dee a to lam ndá d’a kwa dee gə nḭgá na̰’d més par gə́ dɔ gə́ tar, a to togə́bè gə mbata lə dee joo bɔr gə́ d’unda dee dɔ kumeeje gə́ joo lé tɔ.

Teḛ-Raga 26:26

D’a tɔl kunda kag-akasiaje mi mbata lə kagje gə́ gel kəi-kubu-si-Ala gə́ kára’g ləm,

Teḛ-Raga 36:30

Togə́bè ɓa kagje gə́ tɔl dee lé d’as jinaijoo ləm, bəgərə gə́ ka̰ tula-gel kagje gə́ ra gə larnda gə́ wɔji dɔ dee d’as dɔg-giree-misa̰ ləm tɔ, ar bəgərə gə́ ka̰ tula-gel kagje joo-joo to gel kagje gə́ tɔl dee kára kára tɔ.

Teḛ-Raga 38:27

Larnda gə́ deḛ léḛ ra ne bəgərə gel kəi-kubu-si-Ala gə bəgərə gel pal-kubu gaŋg mee kəi-kubu-si-Ala as nékwɔji kwɔi-lə-né tɔl-dɔg-loo munda (3.000): yee ɓa bəgərəjə gə́ tɔl lé deḛ ra dee gə larnda as nékwɔji kwɔi-lə-né tɔl-dɔg-loo munda (3.000) ya, bèe ɓa larnda as nékwɔji kwɔi-lə-né rɔ-munda ndá wɔji dɔ bəgərə kára kára ya tɔ.