Teḛ-Raga 26:1 - Maktub gə́ To gə Kəmee

¹ Kəi-kubu-si-Ala d’a ra gə pal-kubuje dɔg gə́ d’ṵji gə kúla palégal gə́ sorè ləm, gə kubu gə́ ndiri ndul piro-piro gə kas gəḭ gə kas njir-njir ləm tɔ, d’a ndaji Nékundaje gə́ dara gə́ tɔs dee gə ŋgaŋgee béréré-béréré keneŋ tɔ.

Teḛ-Raga 26:1 ပူးပေါင်းရင်းမြစ်များ

2 Samel 7:2

yeḛ ula Natan, njetegginta lé pana: Oo, ma lé m’isi mee kəi gə́ ra gə kag-sɛdrə nɛ sa̰duk-manrɔ lə Ala to mee kəi-kubu’g ɓa.

1 Mbaije 6:29

Kaar kəi gə́ to gə kəmee doi lé yeḛ ar dee tɔl kagje gə́ mée’g gə giree’g ndaji ne Nékundaje gə́ dara gə kam tumburje gə puduje gə́ bə̰dərə bə̰ keneŋ.

1 Sôrta Gḭka-Israɛlje 17:1

Loo gə́ Dabid si mee kəi’g ləa ndá yeḛ ula Natan, njetegginta pana: Aa oo, ma lé m’isi mee kəi’d gə́ ra gə kag-sɛdrə nɛ sa̰duk-manrɔ lə Njesigənea̰ ɓa to mee kəi-kubu’g.

1 Sôrta Gḭka-Israɛlje 21:29

Nɛ kəi-kubu-si-Njesigənea̰ gə́ Moyis unda dɔdilaloo’g ləm, gə loo-nékinjaməs gə́ ka̰ roo né keneŋ ləm tɔ lé to loo gə́ ndəw gə́ to Gabao̰ ya.

Teḛ-Raga 25:18

D’a ra néndaji Nékundaje gə́ dara joo gə larlɔr gə́ kunda gə mo̰ ndá a rḛdə dee dɔkum kidata sa̰duk’d gə́ joo lé,

Teḛ-Raga 25:4

dɔ kubuje gə́ ndir ndul piro-piro ləm, gə kas gəḭ ləma, gə kas njir-njir ləm tɔ, gə kubu gə́ ra gə kúla palégal gə́ bḭ-maji ləm, gə bḭ bya̰je ləm,

Teḛ-Raga 25:8

Deḛ d’a ra kəi gə́ to gə kəmee ɓəd mbata ləm ndá m’a si mbuna dee’g ya.

Teḛ-Raga 26:2

Pal-kubu kára lé ŋgalee a k’as kəmkil dəw rɔ-joo-giree-jinaijoo ləm, tadee a k’as kəmkil dəw sɔ ləm tɔ, pal-kubuje lai lé d’a kasəna kára ba ya.

Teḛ-Raga 26:31

D’a ra pal-kubu gaŋg mee kəi gə kubu gə́ ndul piro-piro gə kas gəḭ gə kas njir-njir ləm, gə kúla palégal gə́ sorè ləm tɔ. Pal-kubu neelé njekɔsee a kɔsee gə ŋgaŋgee béréré-béréré ləm, a ndaji Nékundaje gə́ dara keneŋ ləm tɔ.

Teḛ-Raga 26:36

D’a ra pal-kubu mba kila ta kəi-kubu-si-Ala’g ndá d’a ra gə kubu gə́ ndul piro-piro gə kas gəḭ gə kas njir-njir ləm, gə kúla palégal gə́ sorè lé ləm tɔ, a to kubu gə́ d’ɔs gə́ kɔs ya béréré-béréré.

Teḛ-Raga 31:7

kəi-kubu-kiŋga-na̰ gə́ to gə kəmee ləm, gə sa̰duk kɔrgoota ləm, gə kidata sa̰duk gə́ to təa’g lé ləma, gə nékulaje lai gə́ wɔji dɔ kəi-kubu lé ləm tɔ,

Teḛ-Raga 35:11

Kəi-kiŋga-na̰ gə́ to gə kəmee gə kəi-kubu gə́ wɔji dəa ləm, gə pal-kubu ko̰ dəa ləm, gə nékwa-néna̰’dje gə́ wɔji dəa ləm, gə kagje gə́ wɔji dəa gə́ tɔl dee ləm, gə kunda kagje gə́ wɔji dəa ləm, gə gaji kagje gə́ wɔji dəa ləma, gə bəgərə gə́ ka̰ tula-gel deeje’g gə́ wɔji dəa ləm tɔ,

Teḛ-Raga 35:35

Yeḛ ar goso kəmkàr rusu meḛ dee njḭ-njḭ mba kar dee ra kula tɔl néndajije ləm, gə néndajije lai ləm, gə mba kar dee d’ɔs kubu ləm gə sorè kúla gə́ ndul piro-piro gə kas gəḭ gə kas njir-njir ləm, gə kubu gə́ ra gə kúla palégal ləm, gə mba ra kulaje ɓəd-ɓəd ləma, gə mba tum gin kulaje gə́ sigi-sigi ləm tɔ.

Teḛ-Raga 35:6

gə kubu gə́ ndiri gə́ ndul piro-piro gə kas gəḭ gə kas njir-njir ləm, gə kubu gə́ ra gə kúla palégal ləma, gə yee gə́ ra gə bḭ bya̰je ləm tɔ,

Teḛ-Raga 36:35

Deḛ ra pal-kubu gaŋg mee kəi gə kúla gə́ ndul piro-piro gə kas gəḭ gə kas njir-njir ləm, gə kúla palégal gə́ sorè ləm tɔ, kubu neelé d’ar njekɔsee lé ɔsee gə ŋgaŋgee béréré-béréré ləm, deḛ ndaji Nékundaje gə́ dara keneŋ ləm tɔ.

Teḛ-Raga 39:3

Deḛ d’unda larlɔr ndəg-ndəg d’aree to pəblə ndá riba dana ŋgərərə-ŋgərərə ɓa tula na̰’d gə kubuje gə́ ndiri ndul piro-piro gə kas gəḭ gə kas njir-njir ləm, gə kubu gə́ ra gə kúla palégal ləm tɔ, njekɔsee ɔsee gə ŋgaŋgee béréré-béréré tɔ.

Teḛ-Raga 40:2

ndɔ gə́ doŋgɔr mee naḭ gə́ doŋgɔr lé i a kar dee la kəi-kubu-kiŋga-na̰ gə́ to gə kəmee lé.

Bula lə Israɛlje 3:25

Kula gə́ wɔji dɔ ŋgalə Gerso̰ lé to kaa dɔ loo gə́ to gə kəmee doi ləm gə kəi-kubu-kiŋga-na̰ gə né kila dɔ’g ləm gə pal-kubu gə́ tɔ ta kəi’g lé ləm tɔ,

Bula lə Israɛlje 4:25

Deḛ d’a kodo pal-kubuje lə kəi-kubu lé gə kəi-kubu-kiŋga-na̰ lé ləm, gə nékɔn dəa gə́ ra gə ndar da gə́ ɓaree dopḭ gə́ d’ila dɔ’g ləma, gə kubu gə́ tɔ tarəw kəi-kubu-kiŋga-na̰’g ləm tɔ,

Tagə́maji gə́ Ja̰ ndang 1:14

TA lé tel to darɔ dəw ndá yeḛ ree si mbuna sí’g. Noji gə kankəmta taa rəa pəl-pəl. Jeḛ lé j’oo rɔnduba ləa gə́ ka̰ ŋgon gə́ gəd-gəd gə́ to darɔ Bɔbee lé ya.

Tagə́maji gə́ Ja̰ ndang 2:21

Nɛ yeḛ pata lə kəi-Ala neelé wɔji ne dɔ rəa-yeḛ nja.

Ǝbrəje 8:2

Yeḛ ra kula mee kəi-Ala gə́ to gə kəmee gə́ to kəi-kiŋga-na̰ gə́ gəd gə́ Mbaidɔmbaije ɓa unda ɓó ji dəw ɓa ra el.

Ǝbrəje 9:2

Deḛ la kəi-kubu mee ndògo’g. Mee ŋgon kəi gə́ dɔtar gə́ deḛ ɓaree loo gə́ to gə kəmee lé kag pərndɔ to keneŋ ləm, tabul to keneŋ ləma, pil muru gə́ to gə kəmee to keneŋ ləm tɔ.

Ǝbrəje 9:9

Yee ɓa to ban né gə́ wɔji dɔ ndɔ gə́ ɓasinè loo gə́ dəw gə́ wa Ala mée’g ndá yeḛ un nénojije aree ləm, yeḛ inja nékinjanéməsje aree ləm tɔ nɛ néje neelé d’askəm kar mée to ne maji ɔr njoroŋ el ləm, mée aar kərm ɓəi ləm tɔ.

Loo gə́ killa rea kəm Ja̰’g 19:8

D’un ndu dee gə mba karee ula kubu gə́ d’ṵji gə kúla palégal gə́ ndɔḭ ləd-ləd ləm, gə́ ndá kələw-kələw ləm tɔ lé rəa’g. Mbata kubu gə́ d’ṵji gə kúla palégal lé yee ɓa wɔji dɔ néra gə́ gə dɔ najee lə dee gə́ to gə kəmee.

Loo gə́ killa rea kəm Ja̰’g 21:3

Ma m’oo ndu dəw ɓar boi wəl gə́ par gə́ loo kalimbai’g lé pana: Aa ooje, kəi-Ala lé to mbuna dəwje ləa. Yeḛ a sí sə dee ləm, deḛ kara d’a to dəwje ləa ləma, yeḛ kara a to Ala lə dee ləm tɔ.