Teḛ-Raga 25:9 - Maktub gə́ To gə Kəmee

⁹ Seḭ a raje kəi-kubu-si-Ala mee ndògo’g gə nékulaje lai gə́ wɔji dəa gə goo lée gə́ m’a gə tɔji ɓəi.

Teḛ-Raga 25:9 ပူးပေါင်းရင်းမြစ်များ

Teḛ-Raga 25:40

Oo maji ndá ra gə goo lé gə́ tɔjii dɔ mbal’g lé ya.

Teḛ-Raga 26:30

D’a la kəi-kubu-si-Ala gə goo lé gə́ tɔji-i dɔ mbal’g lé ya.

Teḛ-Raga 39:32

Togə́bè ɓa deḛ tɔl ne kulaje lai gə́ wɔji dɔ kəi-kubu-si-Ala, gə kəi-kubu-kiŋga-na̰ lé bém tɔ. Israɛlje lé ra néje lai gə́ Njesigənea̰ un ne ndia ar Moyis, deḛ ra togə́bè tɔ.

Teḛ-Raga 39:42

Israɛlje lé ra kulaje neelé lai gə goo ndukunje gə́ Njesigənea̰ un ne ndia ar Moyis lé ya.

Teḛ-Raga 39:43

Moyis tən kulaje neelé lai, ndá aa oo, deḛ ra to gə́ Njesigənea̰ un ne ndia ar dee lé deḛ ra togə́bè ya. Bèe ɓa Moyis tɔr ne ndia dɔ dee’g ya.

Bula lə Israɛlje 4:12

D’a kodo nékulaje lai gə́ deḛ ra ne kula mee kəi-kubu-si-Ala’g ndá d’a kɔm dee mee kubu gə́ ndul piro-piro’g, tɔɓəi d’a ndèm dee gə nékɔn dəa gə́ ra gə ndar da gə́ ɓaree dopḭ lé, tɔɓəi d’a kundá dɔ kag kodo dee’g.

Bula lə Israɛlje 8:4

Kag pərndɔ lé deḛ ra gə larlɔr gə́ ra kəi-kɔrɔ un kudee gɔlee gə́ naŋg saar teḛ loo gə́ ra né keneŋ asəna gə pudee bèe lé. To yee gə́ ra gə larlɔr gə́ ra kəi-kɔrɔ ya, kag pərndɔ neelé Moyis ra gə goo tɔji gə́ Njesigənea̰ tɔjee lé ya.

Néra Njékaḭkulaje 7:44

Bɔ síje-je lé loo gə́ deḛ d’aw dɔdilaloo’g ndá kəi-surum gə́ ka̰ kɔr ginta lé to dan dee’g. To yeḛ gə́ Ala lé un ndia ar Moyis ra gə goo lé gə́ yeḛ oo lé.

Ǝbrəje 8:2

Yeḛ ra kula mee kəi-Ala gə́ to gə kəmee gə́ to kəi-kiŋga-na̰ gə́ gəd gə́ Mbaidɔmbaije ɓa unda ɓó ji dəw ɓa ra el.

Ǝbrəje 8:5

Deḛ gə́ ra kula kwa Ala meḛ dee’g lé d’wa néje gə́ naŋg nee tɔji dee ne néje gə́ dara, gə goo né gə́ Ala tɔji Moyis loo gə́ yeḛ a gə la kəi-kubu-kiŋga-na̰ lé pana: Ra lɔr-lɔr to gə́ nékwɔji maree gə́ ma m’tɔjii dɔ mbal’g lé.

Ǝbrəje 9:2

Deḛ la kəi-kubu mee ndògo’g. Mee ŋgon kəi gə́ dɔtar gə́ deḛ ɓaree loo gə́ to gə kəmee lé kag pərndɔ to keneŋ ləm, tabul to keneŋ ləma, pil muru gə́ to gə kəmee to keneŋ ləm tɔ.

Ǝbrəje 9:9

Yee ɓa to ban né gə́ wɔji dɔ ndɔ gə́ ɓasinè loo gə́ dəw gə́ wa Ala mée’g ndá yeḛ un nénojije aree ləm, yeḛ inja nékinjanéməsje aree ləm tɔ nɛ néje neelé d’askəm kar mée to ne maji ɔr njoroŋ el ləm, mée aar kərm ɓəi ləm tɔ.