Teḛ-Raga 24:4 - Maktub gə́ To gə Kəmee

⁴ Moyis ndaŋg taje lə Njesigənea̰ lé lai. Tɔɓəi yeḛ ḭta gə ndɔ rad, ndá yeḛ unda loo-nékinjaməs mbɔr mbal’g, yeḛ tɔs kɔr mbalje dɔg-gir-dee-joo dɔ na̰’d wɔji ne dɔ ginkoji lə Israɛlje gə́ dɔg-gir-dee-joo lé.

Teḛ-Raga 24:4 ပူးပေါင်းရင်းမြစ်များ

Gḭ-Néje 12:7

Njesigənea̰ teḛ dɔ Abram’g ulá pana: Ɓee neelé m’a kar ŋgakaije gə́ ka̰ dee-deḛ. Togə́bè Abram ra loo-nékinjaməs ar Njesigənea̰ gə́ teḛ dəa’g lé.

Gḭ-Néje 28:18

Jakob ḭta gə ndɔ rad. Yeḛ un kɔr mbal gə́ yeḛ gəd ne dəa lé unda gə́ nékolé-mee ndá yeḛ tər ubu dɔ’g.

Gḭ-Néje 28:22

Kɔr mbal nee gə́ ma m’unda gə́ nékolé-mee lé a to kəi lə Ala ndá néje lai gə́ i a karm lé m’a kai dee loo dɔg ndá m’a kun təa kára kari ya tɔ.

Gḭ-Néje 31:45

Jakob un kɔr mbal uree tar gə́ nékolé-mee.

1 Mbaije 11:30

Aija wa kubu gə́ sigi gə́ boi yul gə́ yeḛ ula rəa’g lé til dana as loo dɔg-giree-joo

1 Mbaije 18:31

Yeḛ odo kɔr mbalje dɔg-giree-joo gə goo bula lə ginkoji lə ŋgalə Jakob, yeḛ gə́ Njesigənea̰ ulá pana: Israɛl ɓa to ria lé,

Esdras 6:17

Nékinjaməsje gə́ d’inja d’unda ne kəi-Ala gə kəmee lé to bɔ maŋgje tɔl (100) kára ləm, bàl badje tɔl joo (200) ləma, ŋgan badje tɔl sɔ (400) ləm tɔ, tɔɓəi nékinjanéməsje gə́ ka̰ kuga dɔ kaiya lə Israɛlje lai lé bàl bya̰je dɔg-giree-joo gə goo bula lə ginkoji Israɛlje.

Nehemi 10:1

Gə goo néje lai neelé jeḛ j’unje ndu sí gə manrɔ j’ar Ala ndá jeḛ ndaŋgje taree mee maktub’g, ndá mbaije lə sí ləm, gə Ləbije lə sí ləma, gə njékinjanéməsje lə sí ləm tɔ d’unda nétorji dee dɔ’g.

Teḛ-Raga 17:14

Njesigənea̰ ula Moyis pana: Ndaŋ ta neelé mee maktub’g mba kar meḛ dee olé ne dɔ’g, tɔɓəi ula Juje təsərə aree gər to gə́ m’a gə tuji riɓar lə Amalek dɔ naŋg nee pugudu ya.

Teḛ-Raga 17:15

Yen ŋga Moyis ra loo-nékinjaməs unda ria lə Njesigənea̰ ɓa to gə́ nékɔr gelm.

Teḛ-Raga 21:1

Aa ooje, godnduje gə́ seḭ a kundaje no̰ dee’g ɓa to nee:

Teḛ-Raga 24:7

Yeḛ un maktub manrɔ tura kəm dəwje’g, ndá deḛ pana: Jeḛ j’a raje néje lai gə́ Njesigənea̰ pa ləm, j’a kilaje ŋgonkoji dəa’g ləm tɔ.

Teḛ-Raga 28:21

Jərje neelé d’a kas dɔg-gir-dee-joo gə goo ri Israɛlje gə́ diŋgam tɔ, d’a tḭja dee to gə́ tḭja ne nétorjije bèe, jər kára wɔji dɔ gin koji Israɛl kára-kára bèe ya saar as gin dee gə́ dɔg-gir-dee-joo lé.

Teḛ-Raga 34:27

Njesigənea̰ ula Moyis pana: Maji kari ndaŋg taje neelé, mbata to gə goo taje gə́ neelé ɓa ma mán ne rɔm m’ari-i gə Israɛlje.

Esai 19:19

Mee ndəa’g neelé ya loo-nékinjaməs lə Njesigənea̰ a to keneŋ mbuna ɓeeje gə́ Ejiptə ləm, nékolé-mee gə́ d’unda tar gə́ wɔji dɔ Njesigənea̰ a to rəw-nim-ɓee’g lé ləm tɔ.

Ləbije 24:5

I a kun nduji gə́ ndá léréré ndá a kila gə́ mbə dɔg-giree-joo, nduji nékwɔji kwɔi-lə-né misa̰ as mbə kára kára tɔ.

Bula lə Israɛlje 17:2

Ula Eləajar, ŋgolə Aaro̰ gə́ to njekinjanéməs mba karee tɔr əb gə́ to dan pər’g mba kɔm pər gə́ mee dee’g əw, mbata əb lé to néje gə́ to gə kəmee.

Lugu 22:30

mba kar sí sije ta nésɔ’g sɔje gə ta nékai’g aije mee ɓeeko̰’g ləm ləm, gə mba kar sí sije dɔ kalimbaije’g gə mba gaŋgje rəwta lə ginka Israɛlje gə́ dɔg-gir-dee-joo lé ləm tɔ.

Njé gə́ Galati 2:9

Bèe ɓa loo gə́ deḛ d’oo noji gə́ d’wa səm lé ndá Jak gə Képas gə Ja̰ d’oo dee gə́ ŋgaw dan Eglisə lé d’wa jikɔl síjeḛ gə Barnabas d’ɔm sí ne sə dee na̰’d mba kar síjeḛ j’aw gə́ ɓee lə njépole-magəje nɛ deḛ lé d’a kaw gə́ ɓee lə njékḭja tamɔd deeje tɔ.

Tel tura Godndu 31:9

Moyis ndaŋg godndu neelé ndá yeḛ ar ŋgan Ləbije gə́ to njékinjanéməsje gə́ d’odo sa̰duk-manrɔ lə Njesigənea̰ lé ləm, ar ŋgatɔgje gə́ Israɛl lai ləm tɔ.

Jujé 4:20

Kɔr mbalje gə́ dɔg-giree-joo gə́ deḛ tɔr dee dan baa gə́ Jurdɛ̰ lé Juje tɔs dee dɔ na̰’d mee ɓee gə́ Gilgal ya.

Jujé 4:5

Yeḛ ula dee pana: Dəsje no̰ sa̰duk-manrɔ’g lə Njesigənea̰, Ala lə sí gə́ kédé dan mán baa’d gə́ Jurdɛ̰ gə mba kar nana kara dan sí’g un kɔr mbal kára kára dɔ tamee’g tamee’g gə goo bula lə ginkoji Israɛlje lai

Loo gə́ killa rea kəm Ja̰’g 21:14

Ndògo gə́ gugu dɔ ɓee-boo lé deḛ tum gelee dɔg-giree-joo ya ndá deḛ ndaŋg ri njékaḭkulaje lə Ŋgonbad gə́ dɔg-gir-dee-joo lé keneŋ.