Teḛ-Raga 24:18 - Maktub gə́ To gə Kəmee

¹⁸ Moyis andə aw dan mum’g ndá yeḛ al aw dɔ mbal’g. Moyis si dɔ mbal’g neelé ndəa rɔ-sɔ dan kàrá gə loondul’g tɔ.

Teḛ-Raga 24:18 ပူးပေါင်းရင်းမြစ်များ

1 Mbaije 19:11

Njesigənea̰ pana: Gə́ teḛ raga, aar dɔ mbal’g no̰ Njesigənea̰’g! Nɛ aa oo, Njesigənea̰ lé dəs tar. Loo gə́ no̰ Njesigənea̰’g lé lel-boo gə́ to ɓəl kədm-kədm ula ar mbalje ta̰ ləm, təd mbalje njigi-njigi ləm tɔ nɛ Njesigənea̰ godo dan lel-boo’g lé. Goo lel-boo’g ndá naŋg yə nɛ Njesigənea̰ godo dan naŋg gə́ yə’g lé tɔ.

1 Mbaije 19:8

Yeḛ ḭta sɔ né ləm, gə ai mán ləm tɔ, gə goo nésɔ nee gə́ aree siŋga lé ɓa yeḛ njaa ne ndəa rɔ-sɔ dan kàrá gə loondul’g saar teḛ ne Oreb, dɔ mbal’g lə Ala ya.

Teḛ-Raga 19:20

Togə́bè ɓa Njesigənea̰ ḭ tar ree ur dɔ mbal gə́ Sinai’g, dɔ sém mbal gə́ tar, Njesigənea̰ ɓar Moyis gə́ dɔ sém mbal gə́ tar. Ndá Moyis al aw ya.

Teḛ-Raga 24:17

Kəm Israɛlje’g lé rɔnduba lə Njesigənea̰ to asəna gə pər gə́ o̰ bilim-bilim bèe sém mbal gə́ tar.

Teḛ-Raga 25:1

Njesigənea̰ ula Moyis pana:

Teḛ-Raga 32:1

Loo gə́ Koso-dəwje d’oo to gə́ Moyis ḭ dɔ mbal’g tel ree kalaŋ el ndá deḛ mbo̰ dɔ na̰ rɔ Aaro̰’g d’ulá pana: Ḭta, aw ra magə ar sí mba karee njaa no̰ sí’g mbata Moyis nee gə́ ar sí j’unda loo mee ɓee gə́ Ejiptə n’teḛje lé jeḛ n’gərje né gə́ teḛ dəa’g el.

Teḛ-Raga 34:28

Moyis nai rɔ Njesigənea̰’g ndəa rɔ-sɔ dan kàrá gə loondul’g. Yeḛ o̰ muru el ləm, yeḛ ai mán el ləm tɔ. Njesigənea̰ ndaŋg ta manrɔ dɔ bəgərə mbalje’g, to godnduje gə́ dɔg lé ya.

Teḛ-Raga 9:29

Moyis ulá pana: Loo gə́ m’a kunda loo mee ɓee-boo’g nee teḛ raga ndá m’a kodo jim par gə́ rɔ Njesigənea̰’g ndá ndi a kəw rəa ndaŋg ləm, ndi kwɔji kara a koso teŋ el ləm tɔ, mba kari gər ne gao to gə́ dɔ naŋg neelé to ka̰ Njesigənea̰ ya.

Teḛ-Raga 9:33

Moyis unda loo mee kəi’g lə Parao̰ teḛ mba kaw raga gir ɓee-boo’g ndá yeḛ odo jia par gə́ rɔ Njesigənea̰’g, bèe ɓa ndi əw ne rəa ndaŋg ləm, ndi kwɔji kara gaŋg ne ŋgəji ləma, ndi oso ne naŋg teŋ el ŋga ləm tɔ.

Gosota-Kəmkàrje 28:1

Njemeeyèr mbudu ŋgwɔd aḭ al kar dəw kore gée ləm, Njemeekarabasur ndá mée kaḭ to gə́ kura toboḭ bèe ləm tɔ.

Matiyo 4:2

As ndɔ rɔ-sɔ, dan kàrá gə loondul’g, Jeju ɔg mée ɓoo ndá lab ɔree.

Mark 1:13

Yeḛ si keneŋ ndəa rɔ-sɔ ndá Njekurai aw rəa’g mba kaḭ mée. Yeḛ si dan daje gə́ yèr gə́ mee wala’g ndá kuraje lə Ala gə́ dara ɓa ree rəa’g ra né d’aree.

Lugu 4:2

ar njekurai aḭ mée keneŋ ndəa rɔ-sɔ. Mee ndəaje’g neelé yeḛ sɔ né keneŋ njagm el ndá loo gə́ rudu ndəa gə́ rɔ-sɔ lé un ɗiao ndá lab ɔree həgəm,

Tel tura Godndu 10:10

Ma m’isi dɔ mbal’g neelé ndɔm rɔ-sɔ dan kàrá gə loondul’g to gə́ kédé lé. Njesigənea̰ oo ndukwɔi ləm ya tɔɓəi, bèe ɓa Njesigənea̰ ndigi tuji sí ne el.

Tel tura Godndu 5:31

Nɛ i ɓa yḛ̀ a nai səm nee ndá m’a kulai tornduje lai ləm, gə godnduje ləma, gə ndukunje ləm tɔ gə mba kari aw ndoo dee mba kar dee ra née mee ɓee gə́ m’a gə kar dee gə́ né ka̰ dee lé.

Tel tura Godndu 9:18

Ma m’oso naŋg rəb m’dəb kəm naŋg no̰ Njesigənea̰’g to gə́ kédé ndɔm rɔ-sɔ dan kàrá gə loondul’g lé lal ko̰ muru ləm, lal kai mán ləm tɔ mbata kaiyaje lai gə́ seḭ raje loo gə́ seḭ raje ne né gə́ majel kəm Njesigənea̰’g gə mba kar mée ḭ ne səa pu lé.

Tel tura Godndu 9:25

M’oso naŋg rəb m’dəb kəm naŋg no̰ Njesigənea̰’g, ndɔm rɔ-sɔ dan kàrá gə loondul’g mbata Njesigənea̰ pana neḛ ndigi tuji sí.

Tel tura Godndu 9:9

Loo gə́ ma m’uba dɔ mbal m’aw tar gə mba kaw taa bəgərə mbalje gə́ ka̰ ndaŋg maktub gə́ to bəgərəjə gə́ ka̰ manrɔ gə́ Njesigənea̰ man ne rəa ar sí lé ma m’isi dɔ mbal’g neelé ndɔ rɔ-sɔ dan kàrá gə loondul’g lal ko̰ muru ləm, lal kai mán ləm tɔ,