Teḛ-Raga 24:14 - Maktub gə́ To gə Kəmee

¹⁴ Yeḛ ula ŋgatɔgje pana: Ŋgina síje loo gə́ nee’g saar kar sí n’telje reeje rɔ sí’g ya. Aaro̰ gə Hur d’a nai sə sí, ɓó lé dəw aw gə ta mba gɔl ndá yeḛ a kaw ne rɔ dee-deḛ’g ya.

Teḛ-Raga 24:14 ပူးပေါင်းရင်းမြစ်များ

Gḭ-Néje 22:5

Abrakam ula basaje lé pana: síje loo gə́ nee’g gə mulayḛ̀je ndá ma jeḛ gə ŋgon basa lé j’a kaw loo gə́ nu’gən gə mba kwa Ala meḛ sí’g ɓa j’a tel ree rɔ sí’g ɓəi.

Teḛ-Raga 17:10

Juje ra né gə́ Moyis ulá lé gə mba kaw rɔ ne gə Amalekje. Moyis gə Aaro̰, gə Hur, d’uba dɔ sém mbal gə́ tar.

Teḛ-Raga 17:12

Ji Moyis lé wəi njururu ndá deḛ d’un biri mbal d’ila gelee’g d’aree si dɔ’g. Aaro̰ gə Hur gəd jia gə́ tar, yeḛ gə́ kára aar kelee gə́ kára’g ləm, yeḛ gə́ raŋg aar kelee gə́ raŋg’d ləm tɔ. Togə́bè ɓa jia ŋgəŋ ne ŋgəŋ-ŋgəŋ saar ar kàr andə ne.

Teḛ-Raga 18:16

Loo gə́ ta gə́ kəm gɔl to mbuna dee’g ndá deḛ ree ne rɔm’g, ma m’ɔr kəm ta gə́ to mbuna dee’g ndá m’ar dee gər ne ndukunje lə Ala ləm, gə godndiaje ləm tɔ.

Teḛ-Raga 32:1

Loo gə́ Koso-dəwje d’oo to gə́ Moyis ḭ dɔ mbal’g tel ree kalaŋ el ndá deḛ mbo̰ dɔ na̰ rɔ Aaro̰’g d’ulá pana: Ḭta, aw ra magə ar sí mba karee njaa no̰ sí’g mbata Moyis nee gə́ ar sí j’unda loo mee ɓee gə́ Ejiptə n’teḛje lé jeḛ n’gərje né gə́ teḛ dəa’g el.

1 Samel 10:8

Tɔɓəi i a kḭ nɔm’g kédé kaw Gilgal ndá aa oo, m’a kḭ kaw rɔi’g kaw kinja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ. I a ŋgina as ndɔ siri saar kam m’ree rɔi’g gə mba kam m’ulai né gə́ kəm kari ra ɓa.