Teḛ-Raga 24:12 - Maktub gə́ To gə Kəmee

¹² Njesigənea̰ ula Moyis pana: Al gə́ rɔm’g dɔ mbal’g neelé ndá sí keneŋ nee, m’a gə kari bəgərə mbalje, loo gə́ ma m’ndaŋg godndumje gə torndumje keneŋ mba kari ndoo dee lé.

Teḛ-Raga 24:12 ပူးပေါင်းရင်းမြစ်များ

1 Mbaije 19:11

Njesigənea̰ pana: Gə́ teḛ raga, aar dɔ mbal’g no̰ Njesigənea̰’g! Nɛ aa oo, Njesigənea̰ lé dəs tar. Loo gə́ no̰ Njesigənea̰’g lé lel-boo gə́ to ɓəl kədm-kədm ula ar mbalje ta̰ ləm, təd mbalje njigi-njigi ləm tɔ nɛ Njesigənea̰ godo dan lel-boo’g lé. Goo lel-boo’g ndá naŋg yə nɛ Njesigənea̰ godo dan naŋg gə́ yə’g lé tɔ.

Esdras 7:10

Mbata Esdras lé wɔji mée’g njaŋg mba saŋg gin godndu Njesigənea̰ mba ra née ləm, mba ndoo Israɛlje godnduje gə ndukunje gə́ to keneŋ ləm tɔ.

Nehemi 9:13

I risi ur dɔ mbal’d gə́ Sinai Ndá i ula dee ta gə ndui gə́ ḭ mee dara gə́ tar, Tɔɓəi i ar dee ndukunje gə́ danasur ləm, Gə godnduje gə́ to kankəmta ləm, Gə tornduje ləma, gə godnduje gə́ maji dum ləm tɔ.

Nehemi 9:14

I ar dee gər ndɔ-kwa-rɔ ləi gə́ to gə kəmee ləm, I un ndui ar dee godnduije gə tornduije Gə ndu kura ləi Moyis ləm tɔ.

Pakɔsje 19:12

Kura ləi taa ta ndoo keneŋ, Nana ɓa gə́ ra née ndá a kiŋga ne née tɔ.

Teḛ-Raga 19:3

Moyis tuga loo aw rɔ Ala’g lé, Njesigənea̰ ɓaree wəl par gə́ dɔ mbal’g tar pana: I a pa togə́bè kar ŋgaka Jakob gə́ to Israɛlje lé pana:

Teḛ-Raga 24:15

Loo gə́ Moyis si al aw gə́ dɔ mbal’g neelé ndá mum ɔn dɔ mbal lé mbèd.

Teḛ-Raga 24:18

Moyis andə aw dan mum’g ndá yeḛ al aw dɔ mbal’g. Moyis si dɔ mbal’g neelé ndəa rɔ-sɔ dan kàrá gə loondul’g tɔ.

Teḛ-Raga 24:2

Moyis nja gə karee ba ɓa a rəm pər gə́ rɔ Njesigənea̰’g, nɛ njé gə́ raŋg lé d’a rəm gə́ mbɔree’g el ləm, koso-dəwje kara d’a kal ree səa na̰’d el ləm tɔ.

Teḛ-Raga 31:18

Loo gə́ Njesigənea̰ tɔl ta ta gə́ yeḛ ula Moyis dɔ mbal’g gə́ Sinai lé bém ndá yeḛ aree bəgərə mbalje gə́ joo gə́ to ka̰ kɔrgoota lé, to bəgərə mbalje gə́ Ala ndaŋg ta keneŋ gə ŋgaw jia-yeḛ nja.

Teḛ-Raga 32:1

Loo gə́ Koso-dəwje d’oo to gə́ Moyis ḭ dɔ mbal’g tel ree kalaŋ el ndá deḛ mbo̰ dɔ na̰ rɔ Aaro̰’g d’ulá pana: Ḭta, aw ra magə ar sí mba karee njaa no̰ sí’g mbata Moyis nee gə́ ar sí j’unda loo mee ɓee gə́ Ejiptə n’teḛje lé jeḛ n’gərje né gə́ teḛ dəa’g el.

Teḛ-Raga 34:1

Njesigənea̰ ula Moyis pana: I nja gə́ tɔl bəgərə mbalje joo asəna gə njé gə́ kédé lé ndá ta gə́ to bəgərə mbalje gə́ i təd njigi-njigi kédé lé m’a tel ndaŋg gogo ɓəi.

Jeremi 31:33

Njesigənea̰ pana: Aa ooje, man gə́ m’a man rɔm kar gel-bɔje lə Israɛl loo gə́ ndɔje nee a dəs mba̰ lé ɓa nee: M’a kula godndum meḛ dee’g ləm, m’a ndaŋg dee dɔɓəŋgərə dee’g ləm tɔ. M’a to Ala lə dee ləm, d’a to koso-dəwje ləm ləm tɔ.

Matiyo 5:19

Yeḛ gə́ al dɔ godndu gə́ tḛ́-tḛ́ bèe, əsé ndoo mareeje gə mba ra togə́bè kara debee neelé d’a kée gə́ dəw gə́ əḭ el ɓeeko̰ gə́ dara ya. Nɛ dəw gə́ aa dɔ godndu neelé kər-kər ləm, gə ndoo mareeje gə mba kar dee ra togə́bè ləm tɔ ndá debee neelé d’a riba dəa təsərə gə́ dəw gə́ boo ɓeeko̰ gə́ dara lé tɔ.

2 Njé gə́ Kɔrḭtə 3:3

Tɔgərɔ ya, seḭ toje asəna gə maktub kɔrginrɔ sí gə́ ḭ rɔ Kristi’g gə goo kula gə́ jeḛ n’ra mbuna sí’g. Ta gə́ ndaŋg keneŋ lé jeḛ ndaŋg gə manee kari ba el nɛ Ndil Ala gə́ njesikəmba lé yeḛ nja ɓa gə́ njḛda̰gee ləm, to ta gə́ ndaŋg bəgərə mbal’g el, nɛ seḭ dəwje lé dɔɓəŋgərə sí ɓa gə́ loo ndaŋgee ya ləm tɔ.

2 Njé gə́ Kɔrḭtə 3:7

Ɓó lé kula gə́ ka̰ yoo gə́ Ala ndaŋg dɔ bəgərə mbalje’g lé teḛ dan rɔnduba’g ar Israɛlje d’askəm kun kəm dee kila dɔ Moyis’g el mbata rɔnduba gə́ ar dɔ kəmee ndogó wər-wər lé nɛ rɔnduba neelé tel sané pa ɓəi

Tel tura Godndu 4:14

Mee ndəa’g neelé Njesigənea̰ ulam gə mba karm ndoo sí godnduje gə ndukunje gə mba kar sí raje née mee ɓée gə́ seeḭ a kaw taaje gə́ ka̰ sí lé.

Tel tura Godndu 5:22

Yee gə́ nee ɓa gə́ ta gə́ Njesigənea̰ pa gə ndia gə́ tar wəl dɔ mbal’g, dan pər’d gə dan mum’g ləm, gə dan loo gə́ dəb bigim’g ləm tɔ, yee ɓa gə́ ta gə́ yeḛ ula sí lai loo-mbo̰-dɔ-na̰’g lə sí lal kila ta gə́ raŋg dɔ’g. Yeḛ ndaŋg dee dɔ bəgərə mbal’d gə́ joo lé am tɔ.

Tel tura Godndu 5:31

Nɛ i ɓa yḛ̀ a nai səm nee ndá m’a kulai tornduje lai ləm, gə godnduje ləma, gə ndukunje ləm tɔ gə mba kari aw ndoo dee mba kar dee ra née mee ɓee gə́ m’a gə kar dee gə́ né ka̰ dee lé.

Ǝbrəje 9:4

ndá loo-tuu-né gə́ ra gə larlɔr mba tuu ne néje gə́ ə̰də sululu dɔ’g to keneŋ ləm, sa̰duk-manrɔ gə́ d’ɔr giree lai gə larlɔr to keneŋ ləm tɔ. Jo gə́ léḛ gə larlɔr gə́ d’ɔm muru gə́ ḭ dara mée’g lé to mee sa̰duk’g ləm, kag-tɔs lə Aaro̰ gə́ idi to keneŋ ləma, bəgərə mbalje gə́ ndaŋg ta manrɔ dɔ’g to keneŋ ləm tɔ.