Teḛ-Raga 24:11 - Maktub gə́ To gə Kəmee

¹¹ Yeḛ ar jia wɔi ndiŋ-ndiŋ dɔ njekɔrno̰ Israɛlje’g neelé el. Deḛ d’oo Ala ndá deḛ d’usɔ né ləm, d’ai né ləm tɔ.

Teḛ-Raga 24:11 ပူးပေါင်းရင်းမြစ်များ

Gḭ-Néje 16:13

Agar lé ɓar ri Njesigənea̰ gə́ njekwɔji səa ta lé pana: El-rɔi, kɔr gelee pana: Ala gə́ njekoom. Mbata yeḛ pana: Loo gə́ yeḛ oom mba̰ lé see m’oo né kára loo gə́ nee ya ɓəi wa.

Gḭ-Néje 18:18

Tɔgərɔ ya, Abrakam lé a gə tel to ginkoji gə́ a boi yaa̰ ləm, siŋga a to yaa̰ ləm tɔ ndá ŋgaka dəwje lai dɔ naŋg nee d’a kiŋga dɔkaisəgərə rəa’g ya.

Gḭ-Néje 31:54

Jakob inja nékinjaməs dɔ mbal’g nee ndá yeḛ ɓar njénojije ləa loo nésɔ’g. Bèe ɓa deḛ d’usɔ né ləm, deḛ to dɔ mbal’g neelé loondul’g ləm tɔ.

1 Mbaije 21:8

Bèe ɓa yeḛ ra maktubje gə ri Akab, unda ne nétorji Akab dɔ’g ula ne ar njé gə́ tɔg gə njéko̰ɓeeje gə́ d’isi gə Nabot na̰’d mee ɓee-boo’g ləa.

2 Sôrta Gḭka Israɛlje 23:20

Yeḛ ar ɓé-njérɔje gə́ tɔl-tɔl (100) ləm, gə dəwje gə́ boo-boo gə́ dəwje ra torndu dee ləma, gə koso-dəwje lai gə́ mee ɓee’g ləm tɔ d’ḭ gə mbai lé mee kəi’g lə Njesigənea̰ d’unda loo teḛ. Deḛ d’andə mee kəi’g lə mbai gə tarəw gə́ ur dɔ mareeje’g ndá deḛ d’ar mbai si dɔ kalimbai ko̰ɓee’g tɔ.

Nehemi 2:16

Njéko̰ɓeeje gər lookabm el ləm, gər né gə́ m’ra el ləm tɔ. Saar kar kàree neelé kara m’ula Jibje el ləm, gə njékinjanéməsje el ləm, gə dəwje gə́ boo el ləm, gə njéko̰ɓeeje el ləma, gə dəw kára kara mbuna njékulaje’g el ləm tɔ.

Pakɔsje 139:5

I aḭ dɔm sub-sub gogo ləm, kédé ləma, I ila jii dɔm’g ləm tɔ.

Teḛ-Raga 18:12

Jetro gə́ məəm Moyisje lé inja nékinjaməs gə́ ka̰ roo ləm, gə nékinjanéməsje gə́ raŋg ləm tɔ ar Ala. Ndá Aaro̰ gə ŋgatɔgje lə Israɛlje lai ree d’usɔ né na̰’d gə məəm Moyisje no̰ Ala’g lé.

Teḛ-Raga 19:21

Njesigənea̰ ula Moyis pana: Risi ur naŋg, ɔg dəwje rədədə mba kar dee nar na̰ loo mba teḛ ne rɔ Njesigənea̰’g mba koo loo, nà banelə njé gə́ na̰je bula mbuna dee’g d’a tuji ne.

Teḛ-Raga 24:1

Ala ula Moyis pana: Al ree rɔ Njesigənea̰’g i seḭ gə Aaro̰, gə Nadab, gə Abihu, gə ŋgatɔgje lə Israɛlje rɔ-siri ndá seḭ a kundaje barmba gə kuree ɗegəse.

Njekillamber 9:7

Ɔd aw o̰ muru ləi gə rɔlel ləm, Gə ai mán-nduú ləi gə meelel ləm tɔ Mbata néraije lé taa kəm Ala mba̰ ya.

Jeremi 14:3

Dəwje gə́ boo-boo d’ula kuraje lə dee Kar dee d’aw to mán, Kuraje lə dee d’aw bwa-mán’g lé Nɛ d’iŋga mán el Ndá dee tel gə joje lə dee kari ba. Rɔkul gə́ boo gə kəm sɔḭ ra dee, Ar dee d’ila kubu dɔ dee’g.

Loo gə́ killa rea kəm Daniel’g 10:17

See ma gə́ m’to kura lə mbai ləm lé m’a kaskəm kwɔji ta gə mbai ləm tɔ gə́ ban wa. Ɓasinè siŋgam godo ləm, m’oo loo kila kəmə naŋg el ləm tɔ.

Bula lə Israɛlje 12:8

Ma m’wɔji səa ta gə tam ja̰-ja̰ ləm, ma m’riba səa dɔ rɔm lal pa taje gə́ to loo-kiya’g ləma, m’aree oo né gə́ ɔr gin rɔm-ma Njesigənea̰ pai-pai ləm tɔ. See gelee ban ɓa seḭ ɓəlje el ɓa paje ta gə́ yèr ndɔlje ne kura ləm Moyis lé wa.

Bula lə Israɛlje 21:18

Bwa-ma̰je gə́ mbaije d’ur dee ləm, Gə́ mbai dɔ koso-dəwje kara d’ur dee ləm tɔ Gə kag-mbaije lə dee ləm, gə kag-tɔsje lə dee ləm tɔ! D’ḭ dɔdilaloo’g d’aw teḛ Matana: d’ḭ Matana d’aw Nahaliel,

Tel tura Godndu 12:7

Lée gə́ neelé ɓa seḭ a ko̰je muru no̰ Njesigənea̰ Ala’g lə sí keneŋ, seḭje gə njémeekəije lə sí lai a raje rɔlel mbata némeemajije lai gə́ Ala lə sí gə́ Njesigənea̰ ar sí, loo gə́ yeḛ tɔr ne ndia dɔ sí’g lé.

Tel tura Godndu 4:33

See ndɔ kára dəw oo ndu Ala gə́ wɔji səa ta dan pər’g to gə́ i oo ne bèe ya nɛ njea tel si kəmba ya wa.

Njéga̰g-Rəwtaje 13:22

Ndá yeḛ ula dené ləa pana: Jeḛ lé j’a gə kwəi mbata jeḛ j’ooje Ala.

Njéga̰g-Rəwtaje 5:13

Togə́bè ɓa ges koso-dəwje gə́ nai lé Dum dɔ njésiŋgamoŋje ləm, Njesigənea̰ am m’un baŋga dɔ bao-rɔje’g ləm tɔ.