Teḛ-Raga 24:1 - Maktub gə́ To gə Kəmee

¹ Ala ula Moyis pana: Al ree rɔ Njesigənea̰’g i seḭ gə Aaro̰, gə Nadab, gə Abihu, gə ŋgatɔgje lə Israɛlje rɔ-siri ndá seḭ a kundaje barmba gə kuree ɗegəse.

Teḛ-Raga 24:1 ပူးပေါင်းရင်းမြစ်များ

1 Sôrta Gḭka-Israɛlje 6:3

Ŋgalə Keat ɓa ri dee to nee: Amram, gə Jisəar, gə Ebro̰ gə Ujiel.

Teḛ-Raga 1:5

Deḛ lai gə́ to ŋgaka Jakob lé d’as dəwje rɔ-siri, Jisəb ɓa yḛ̀ si Ejiptə mba̰.

Teḛ-Raga 19:20

Togə́bè ɓa Njesigənea̰ ḭ tar ree ur dɔ mbal gə́ Sinai’g, dɔ sém mbal gə́ tar, Njesigənea̰ ɓar Moyis gə́ dɔ sém mbal gə́ tar. Ndá Moyis al aw ya.

Teḛ-Raga 19:24

Njesigənea̰ ulá pana: Risi ur naŋg ya, gée gə́ gogo seḭ gə Aaro̰ a kubaje dɔ mbal lé na̰’d, nɛ njékinjanéməsje gə koso-dəwje lé maji kar dee nar na̰ loo ɓa gə mba teḛ rɔ Njesigənea̰’g el nà banelə yeḛ a tɔl dee ya.

Teḛ-Raga 19:9

Njesigənea̰ ula Moyis pana: Aa oo, m’a ree rɔi’g dan mum’d gə́ dəb bigim’g, mba kar dəwje d’oo ndum loo gə́ ma k’aar kwɔji səi ta ləm, gə mba kar dee d’ɔm ne mee dee dɔi’g ta-ta ləm tɔ. Ndá Moyis lé ndaji ta lə koso-dəwje lé ar Njesigənea̰ ya.

Teḛ-Raga 20:21

Koso-dəwje neelé d’aar ŋgərəŋ, nɛ Moyis rəm pər gə́ rɔ ndi gə́ ḭ ŋgwɔḭ-ŋgwɔḭ’g loo gə́ Ala si keneŋ lé.

Teḛ-Raga 24:15

Loo gə́ Moyis si al aw gə́ dɔ mbal’g neelé ndá mum ɔn dɔ mbal lé mbèd.

Teḛ-Raga 24:2

Moyis nja gə karee ba ɓa a rəm pər gə́ rɔ Njesigənea̰’g, nɛ njé gə́ raŋg lé d’a rəm gə́ mbɔree’g el ləm, koso-dəwje kara d’a kal ree səa na̰’d el ləm tɔ.

Teḛ-Raga 24:9

Moyis deḛ gə Aaro̰, gə Nadab, gə Abihu, gə ŋgatɔgje lə Israɛlje gə́ rɔ-siri lé d’al d’aw dɔ mbal’g tar.

Teḛ-Raga 28:1

Maji kari ar ŋgokɔḭ Aaro̰ gə ŋganeeje gə́ diŋgam rəm pər gə́ rɔi’g ndá ɔr dee mbuna Israɛlje’g mba kunda dee gə kəmee gə mba karee ra kula gə́ wɔji dɔ nékinjaməs kam. Aaro̰ gə ŋganeeje gə́ diŋgam gə́ Nadab, gə Abihu, gə Eləajar, gə Itamar tɔ.

Teḛ-Raga 3:5

Ala pana: Tibi mbɔr loo gə́ nee lé el, tɔr négɔl ləi gɔli’g, mbata loo gə́ i aar keneŋ neelé to loo gə́ to gə kəmee.

Teḛ-Raga 34:2

Wa dɔ gɔl rɔi ndá bèlè gə ndɔ i a kuba dɔ mbal gə́ Sinai, bèe ɓa i a kaar tar nɔm’g dɔ sém mbal’g tar lé tɔ.

Teḛ-Raga 6:23

Aaro̰ taa dené gə́ ria lə Eliseba, ŋgolə Aminadab gə́ dené gə́ to ko̰ na̰ Nasonje, yeḛ oji səa Nadab, Abihu, Eləajar gə Itamar.

Ejekel 8:11

Dəwje rɔ-siri mbuna ŋgatɔgje’g lə gel-bɔje lə Israɛl lé d’aar no̰ magəje’g neelé gə bai roo né gə́ ə̰də sululu lé ji dee’g ji dee’g ar Jaasania, ŋgolə Sapan aar dan dee’g ndá sa néje gə́ ə̰də sululu lé tuu udu loo lus-lus.

Bula lə Israɛlje 11:16

Njesigənea̰ ula Moyis pana: Mbo̰ dəwje rɔ-siri gə́ to ŋgatɔgje lə Israɛlje ree sə dee rɔm’g, deḛ gə́ i gər dee gə́ ŋgatɔgje lə koso-dəwje ləm, gə njékaa dɔ deeje ləm tɔ, aw sə dee kəi-kubu-kiŋga-na̰’g mba kar dee d’aar səi keneŋ na̰’d.

Lugu 10:1

Gée gə́ gogo Jeju ɔr njékwakiláje gə́ raŋg rɔ-siri, wa dee joo-joo ula dee ar dee d’aw nea̰’g kédé mee ɓee-booje lai-lai ləm, gə mee looje lai-lai gə́ yeḛ nja a gə kaw keneŋ lé ləm tɔ.

Lugu 10:17

Deḛ gə́ rɔ-siri lé tel ree rəa’g gə rɔlel d’ulá pana, Mbaidɔmbaije, aa oo, mbɔl dɔ rii nja ɓa ar ndilje gə́ yèr lé d’oso ne kul no̰ sí’g ya.

Tel tura Godndu 1:15

Bèe ɓa ma m’ɔr mbaije mbuna ginkojije’g lə sí gə́ to dəwje gə́ njékəmkàrje gə́ seḭ gər deeje ndá ma m’unda dee dɔ sí’d gə́ mbai dɔ dəwje gə́ tɔl-dɔg-dɔg (1.000) ləm, gə mbai dɔ dəwje gə́ tɔl-tɔl (100) ləm, gə mbai dɔ dəwje gə́ rɔ-mi rɔ-mi ləma, gə mbai dɔ dəwje gə́ dɔg-dɔg ləm tɔ, m’ar dee to njékun dɔ síje mbuna ginkojije’g lə sí.