Teḛ-Raga 23:7 - Maktub gə́ To gə Kəmee

⁷ Seḭ a kundaje rɔ sí ɓad dɔ taŋgɔm’g ləm, yeḛ gə́ ta wa dəa gə njemeekarabasur lé seḭ a tɔl deeje kari ba el ləm tɔ, mbata dəw gə́ ta wa dəa lé m’a kila kam dəa’g el.

Teḛ-Raga 23:7 ပူးပေါင်းရင်းမြစ်များ

Gḭ-Néje 18:23

Abrakam rəm pər gə́ rəa’g dəjee pana: See i a tuji nje néra gə́ gə dɔ najee gə njemeeyèr na̰’d bɔr wa.

Maktub gə́ wɔji dɔ Jɔb 22:23

Ɓó lé i tel ree rɔ Bao-siŋgamoŋ’d ləm, Ɓó lé i ɔs néraje gə́ kori-kori rɔi’g rəw ləm tɔ ndá I a tel si maji ɓəi.

Pakɔsje 119:29

Rəw taŋgɔm lé maji kari ɔs rɔm’g rəw gə́ raŋg Ndá am siŋgam mba karm m’ndolè ne goo godndui ya.

Pakɔsje 94:21

Deḛ lé d’wa dɔ na̰ mba tɔl njemeekarabasur ləm, Deḛ gaŋgta dɔ yeḛ gə́ ta wa dəa’g el lé ləm tɔ.

Teḛ-Raga 20:13

I a tɔl dəw el.

Teḛ-Raga 20:16

I a təd taŋgɔm kunda ta mari’g el.

Teḛ-Raga 23:1

Seḭ a kunje taŋgɔm kasje ne loo pəd-pəd el. Seḭ a kɔmje na̰’d sad gə njémeeyèrje mba gaŋg ne ta badə-badə gə taŋgɔm el tɔ.

Teḛ-Raga 34:7

meenoji ləa to saar-saar mbata lə ŋgaka deeje gə́ tɔl-dɔg-loo kára ləm, yeḛ ar mée oso lemsé dɔ deḛ gə́ néra dee to gə goo rəbee el ləm, gə dɔ njékal dɔ godnduje ləma, gə dɔ kaiya ra dee’g ləm tɔ, nɛ dəw gə́ ta wa dəa mba̰ lé yeḛ a kée gə́ njegelgodo el ləm, a kar bo̰ néra gə́ gə goo rəbee el lə bɔ ŋganje ɔs ta ŋgan deeje’g ləm, gə ŋgan meḛ ŋgan deeje ləm tɔ saar teḛ ne dɔ ŋgakadɔg deeje’g loo munda əsé loo sɔ bèe ya.

Gosota-Kəmkàrje 11:21

Tɔgərɔ ya, njemeeyèr lé Si lal kar bo̰ nérea ɔs təa’g el, Nɛ ŋgaka njémeekarabasurje lé D’a kɔr ta dɔ dee’g.

Gosota-Kəmkàrje 17:15

Njekɔr ta dɔ yeḛ gə́ ta wa dəa’g gə njegaŋ ta dɔ njemeekarabasur’g lé Deḛ joo bɔr mina̰ kəm Njesigənea̰’g.

Esai 33:15

Yeḛ gə́ njaa dan néra gə́ gə dɔ najee’g ləm, Gə pata gə goo néra gə́ danasur ləm, Yeḛ gə́ ə̰ji néndogo-gel bəḭ-bəḭ ləm, Yeḛ gə́ yə jia ɔs ne néndogo-gel rəw ləm, Yeḛ gə́ udu mbia dɔ sorta kila məs’g ləma, Yeḛ gə́ libi kəmee jib-jib gə mba koo ne né gə́ majel lé el ləm tɔ.

Esai 5:20

Meeko̰ a koso dɔ deḛ gə́ ɓar né Gə́ majel gə́ né gə́ maji ləm, Gə ɓar né gə́ maji gə́ né gə́ majel ləm, Deḛ gə́ d’oo lookàr gə́ loondul ləm, D’oo loondul gə́ lookàr ləm, Deḛ gə́ d’oo né gə́ adə gə́ né gə́ kul ləma, D’oo né gə́ kul gə́ né gə́ adə ləm tɔ.

Ləbije 19:11

Seḭ a ɓogoje el ləm, seḭ a raje né gə́ ŋgɔm əsé a kundaje goso mbuna na̰’d el ləm tɔ.

Ləbije 19:16

Seḭ a kundaje nani mbuna koso-dəwje’g lə sí el. Seḭ a kilaje ta dɔ mar síje’g kar məs dee ɔm ne naŋg el tɔ. Ma m’to Njesigənea̰.

Nahum 1:3

Njesigənea̰ lé to njekar oŋg ḭ səa kalaŋ el, Yeḛ to Bao-siŋgamoŋ: Dəw gə́ njera némajel lé Yeḛ a lal kar bo̰ nérea ɔs təa’g el. Njesigənea̰ njaa dan ko̰ ndi’g ləm, Gə dan lel-mal’g ləm tɔ. Ndije gə́ pélé dara lé to kor gə́ ḭ tor gɔlee’g.

Lugu 3:14

Deḛ gə́ njérɔje tɔ ŋga dəjee pana: Ŋga jeḛ lé see j’a ra ba̰ to wa. Yeḛ ila dee keneŋ pana: Maji kar sí taaje lar lə dəw kára kara dɔ buguru el ləm, seḭ a kilaje taŋgɔm dɔ dəw’g el ləm tɔ. Nékoga-dɔ-ji sí lé ɓa seḭ a kundaje meḛ sí dɔ’g ya.

Njé gə́ Rɔmə 1:18

Ala riba dɔ oŋg ləa gə́ ḭ dara ɔm dɔ ndɔlje lai gə́ dəwje ndɔlee ne ləm, gə dɔ néra majelje lai gə́ dəwje ra d’wa ne dɔ kankəmta d’orè gə́ naŋg lé ləm tɔ.

Njé gə́ Epesə 4:25

Gelee gə́ nee ɓa, maji kar sí ɔgje ta sí dɔ taŋgɔm’g. Nɛ kankəmta ɓa, maji kar nana kara aree teḛ təa’g ar maree, mbata jeḛ lai jeḛ n’toje barkəmrɔ na̰.

Tel tura Godndu 25:1

Loo gə́ ta to mbuna dəwje’g joo ɓa d’aw ne loo gaŋg-rəwtaree’g kar dee gaŋgta dɔ’g ndá, dəw gə́ ta wa dəa el lé d’a kɔr ta dəa’g ya ləm, dəw gə́ ta wa dəa lé d’a kila ta dəa’g ya ləm tɔ.

Tel tura Godndu 27:25

Meeko̰ a koso dɔ dəw gə́ taa néndogo-gel gə mba kila ne məs njegelgodo naŋg. Ndá koso-dəwje lai d’a kila dee keneŋ pana: A to togə́bè ya!

1 Njé gə́ Tesalonikə 5:22

Saaje rɔ sí rəw dɔ né gə́ majel gə́ gə ria-ria.