Teḛ-Raga 23:6 - Maktub gə́ To gə Kəmee

⁶ Né gə́ kəm kar njendoo iŋga loo-gaŋg-rəwta’g lé seḭ a bugureje dɔ’g el.

Teḛ-Raga 23:6 ပူးပေါင်းရင်းမြစ်များ

2 Sôrta Gḭka Israɛlje 19:7

Ɓasinè, maji kar ɓəl lə Njesigənea̰ ɔm dɔ sí’g, undaje kəmkàr dɔ rɔ sí’g mbata rɔ Njesigənea̰, Ala lə sí lé néra gə́ kori-kori godo keneŋ ləm, yeḛ ɔr kəm dəwje gə goo maji lə deḛ gə́ raga ba el ləma, yeḛ ndigi néndogo-gel el ləm tɔ.

Maktub gə́ wɔji dɔ Jɔb 31:13

Ɓó lé m’ə̰ji né gə́ wɔji dɔ kura ləm gə́ diŋgam əsé yeḛ gə́ dené bəḭ-bəḭ Loo gə́ jeḛ sə deeje j’aw gə na̰ gə ta dɔ’g ndá

Gosota-Kəmkàrje 18:5

Loo-gaŋg-rəwta lé maji koo njemeeyèr gə́ né Mba kila ne ta dɔ njemeekarabasur’g lé bèe el.

Gosota-Kəmkàrje 22:22

Wa njendoo né ləa təa mbata to gə́ yeḛ to njendoo el ləm, Buguru njekəmndoo tarəwkɔg’d el ləm tɔ.

Gosota-Kəmkàrje 31:5

Nà banelə loo gə́ d’ai ndá meḛ dee a kwəi dɔ ta godndu’g ləm, D’a gər gin né gə́ wɔji dɔ njénékəmndooje’g sur el ləm tɔ.

Njekillamber 5:8

Né gə́ maji mbata lə ɓee dan néje’g lai lé To gə́ mbai gə́ ula rɔnduba dɔ kula ndɔ’g.

Esai 5:23

Dɔ deḛ gə́ d’ɔr ta dɔ yeḛ gə́ ta wa dəa’g Gə mbata lə néndogo-gel ləma, Gə deḛ gə́ ta wa dɔ dee el kara D’ɔg dee né gə́ wɔji dɔ dee ləm tɔ.

Jeremi 5:28

Deḛ d’ər ndɔl-ndɔl D’ar rɔ dee àr wəd-wəd Nɛ néra majel lə dee al dɔ loo sula. Deḛ d’isi dan nékiŋgaje’g bèdèg Nɛ d’ɔr kəmta lə ŋgonal el ləm, Deḛ d’ya̰ né gə́ wɔji dɔ njéndooje D’ar dee d’iŋga el ləm tɔ.

Jeremi 6:28

Deḛ lai to gə́ njékɔsta-rəwje Gə njétədta kunda ta mar deeje’gje Gə́ kədərə asəna gə larkas gə larndul bèe, Deḛ lai tel to né gə́ ndum.

Jeremi 7:6

ɓó lé seḭ ulaje kəm dəw-dɔ-ɓee gə ŋgonal gə njekəisiŋga ndòo el ləm, ɓó lé seḭ ilaje məs yeḛ gə́ ta wa dəa el lé naŋg loo gə́ nee’g el ləma, ɓó lé seḭ ndolèje goo magəje gə mba kiŋgaje ne némeeko̰ el ləm tɔ ndá

Ləbije 19:15

Seḭ a raje né gə́ lal najee loo-gaŋg-rəwta’g el ləm, seḭ a kɔrje kəmta lə njendoo ɓəd el ləma, seḭ a ndigije ta lə dəw gə́ boo el ləm tɔ, nɛ seḭ a kɔrje kəmta lə mar síje gə goo rəbee ya.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Tel tura Godndu 16:19

Né gə́ to ka̰ dəw lé seḭ a bugureje dɔ’g el ləm, seḭ a kɔrje kəm dəwje gə goo maji lə darɔ dee gə́ raga ba el ləma, seḭ a taaje néndogo gel el ləm tɔ mbata néndogo gel lé tɔ kəm njékəmkàrje ləm, tuji taje gə́ gə goo rəbee ləm tɔ.

Tel tura Godndu 27:19

Meeko̰ a koso dɔ dəw gə́ buguru dəw-dɔ-ɓee əsé ŋgonal əsé njekəisiŋga loo-gaŋg-rəwta’g. Ndá koso-dəwje lai d’a kila dee keneŋ pana: A to togə́bè ya!

1 Samel 8:3

Ŋgalə Samel njaa gə goo rəw gə́ bɔ deeje njaa keneŋ el. Deḛ d’ya̰ rɔ dee dan kəmkəḭ’g ləm, deḛ taa nétɔstaje d’al ne dɔ rəwta gə́ gaŋg gə dɔ najee ləm tɔ.