Teḛ-Raga 23:2 - Maktub gə́ To gə Kəmee

² Seḭ a ndolèje goo koso-dəwje mba ra ne né gə́ majel sə dee na̰’d el ləm, seḭ a kɔmje ta lə sí na̰’d gə koso-dəwje loo gaŋgta’g mba tuji ne gin ta gə́ gə dɔ najee lé el ləm tɔ.

Teḛ-Raga 23:2 ပူးပေါင်းရင်းမြစ်များ

Gḭ-Néje 19:4

Deḛ to naŋg el ya ɓəi ndá dəwje gə́ mee ɓee-boo’d gə́ to dəwje gə́ Sɔdɔm lé ree gugu dɔ kəi sub, un kudee dɔ ŋganje’g saar teḛ ne dɔ ɓugaje’g ya. Koso-dəwje lai lé d’aḭ ree keneŋ ar dəw kára kara naḭ el tɔ.

Gḭ-Néje 6:12

Ala aa loo oo naŋg nee ndá aa oo, to asəna gə né gə́ ndum ya. Mbata darɔ dəwje lai tuji rəw-kaw deḛ gə́ dɔ naŋg nee pugudu-pugudu.

Gḭ-Néje 7:1

Njesigənea̰ ula Noe pana: I gə njémeekəije ləi lai, a̰dje mee kəi-kag’d. Mbata m’ooi gə́ njemeekarabasur nɔm’g mbuna njé gə́ d’isi dɔ naŋg nee ɓasinè lé.

1 Mbaije 19:10

Yeḛ tel ilá keneŋ pana: Ma m’riba dɔ ri Njesigənea̰, Ala gə́ njeboo-néje lé gə goo malee gə́ ram ŋgwɔd-ŋgwɔd ya, mbata Israɛlje d’uba goo manrɔ ləi d’ya̰ ləm, deḛ tɔs loo-nékinjanéməsje ləi tila ləma, deḛ tɔl njéteggintaje ləi gə kiambas ləm tɔ, ma nja m’nai gə karm ba ndá deḛ saŋg loo mba tɔlm tɔ.

Maktub gə́ wɔji dɔ Jɔb 31:34

Mbata ma m’ɓəl koso-dəwje gə́ bula digi-digi ləm, Mbata kḛji bəḭ-bəḭ lə njémeekəije ləm ləm tɔ Ɓa m’aar gə tam gə́ mundu m’lal pata tarəwkəi’g ndá ...

Pakɔsje 72:2

Yeḛ a gaŋgta dɔ dəwje’g ləi gə goo néra gə́ gə dɔ najee ləm, Deḛ gə́ to njénékəmndooje ləi lé Yeḛ a ra ta lə dee gə goo néra gə danasur ləm tɔ.

Gosota-Kəmkàrje 1:15

Ŋgonəm, orè sə dee rəw na̰’d més el ləm, Ila gɔli kila-rəw’g lə dee el ləm tɔ.

Gosota-Kəmkàrje 18:5

Loo-gaŋg-rəwta lé maji koo njemeeyèr gə́ né Mba kila ne ta dɔ njemeekarabasur’g lé bèe el.

Gosota-Kəmkàrje 4:14

Maji kari ila gɔli kila-rəw’g lə njémeeyèrje el ləm, Njaa na̰’d gə dəwje gə́ njéra némajelje el ləm tɔ.

Jeremi 37:15

Meḛ ŋgan-mbaije lé ḭ sə dee jugugu dɔ Jeremi’g ar dee kundá tɔɓəi d’ilá kəi-daŋgai’d gə́ to mee kəi’g lə Jonatan njendaji-maktub lé mbata deḛ d’ar kəi ləa to kəi-daŋgai tɔ.

Jeremi 37:21

Yen ɓa mbai Sedesias, un ndia ar dee gə mba kar dee ŋgəm Jeremi gad kəi-daŋgai’g ləm, gə mba kar dee d’aree pil muru kára gə́ deḛ ndogo mba̰-rəw’g lə njékoro muruje lé gə ndɔje kára-kára lai ləm tɔ saar kar pil muruje gə́ mee ɓee-boo’g neelé godo lai. Togə́bè ɓa Jeremi nai ne mee gad kəi-daŋgai’g lé tɔ.

Jeremi 38:9

Ǝi mbai ləm, né gə́ dəwje nee ra gə Jeremi, njetegginta gə́ d’ilá mee bwa-mán’g lé to né gə́ majel. Yeḛ a kwəi yoo-ɓoo lé’d gə́ yeḛ si keneŋ mbata muru godo mee ɓee-boo’g neelé.

Ejekel 9:9

Yeḛ tel ilam keneŋ pana: Néra kori-kori lə gel-bɔje lə Israɛl gə Juda al dɔ loo sula. Kila məs taa mee ɓee pəl-pəl ləm, néra gə́ lal najee rusu ɓee-boo tub-tub ləm tɔ. Mbata deḛ pana: Njesigənea̰ uba ɓee ya̰ ləm, Njesigənea̰ oo né kára kara keneŋ el ləm tɔ.

Ləbije 19:15

Seḭ a raje né gə́ lal najee loo-gaŋg-rəwta’g el ləm, seḭ a kɔrje kəmta lə njendoo ɓəd el ləma, seḭ a ndigije ta lə dəw gə́ boo el ləm tɔ, nɛ seḭ a kɔrje kəmta lə mar síje gə goo rəbee ya.

Ajee 1:4

See ɓasinè lé to kàr kar sí-seḭ sije mee kəije’g lə sí gə́ maji gə́ tɔs kagje gə́ maji kaar dee’g loo gə́ kəi gə́ to gə kəmee lé tuji lé wa.

Mark 15:15

Pilatə ndigi kar rɔ boo-dəwje lé lel dee dəa’g ndá yeḛ ila Barabas tar ar dee, tɔɓəi yeḛ ar dee kunda Jeju gə ndəi-kɔb ɓa yeḛ wá ulá ji dee’g gə mba kar dee d’aw ɗaree.

Lugu 23:51

nɛ loo gə́ d’wɔji rəw né lə dee gə́ ra lé yeḛ ɔm dee’g el, yeḛ to dəw gə́ Arimate ɓee lə Jibje tɔɓəi yeḛ si ŋgina ɓeeko̰ lə Ala lé pèrèrè tɔ.

Néra Njékaḭkulaje 24:27

Loo gə́ ləb joo dəs ndá d’ar Porsius Pestus taa tor Pelis. Pelis ya̰ Pool daŋgai’g gə mba karee lel Jibje.

Néra Njékaḭkulaje 25:9

Pestus ndigi ra né gə́ a lel kəm Jibje ndá yeḛ dəji Pool pana: See i ndigi kaw Jerusalem mba kar dee gaŋg rəwta néje neelé dɔi’g nɔm’g keneŋ wa.

Njé gə́ Rɔmə 1:32

Godndu Ala gə́ pana: Nana ɓa gə́ ra néje gə́ togə́bè lé a kas yée ya lé deḛ gər gao ya nɛ deḛ nja ra née ləm, mar deeje gə́ ra néje neelé kara deḛ ndigi sə dee ya ləm tɔ.

Tel tura Godndu 1:17

Seḭ a kɔrje kəm dəwje gə mbata lə maji lə dee loo gaŋg rəwta’g lə sí el, seḭ a kooje ta lə dəw gə́ əḭ el gə dəw gə́ boo asəna-na̰: seḭ a ɓəlje dəw kára kara el mbata rəwta-gaŋg lé to ka̰ Ala ya. Tɔɓəi loo gə́ seḭ iŋgaje ta gə́ kədərə yaa̰ gə́ dum sí ndá seḭ a reeje ne rɔm’g gə mba kam m’oo sə sí gée.

Tel tura Godndu 16:19

Né gə́ to ka̰ dəw lé seḭ a bugureje dɔ’g el ləm, seḭ a kɔrje kəm dəwje gə goo maji lə darɔ dee gə́ raga ba el ləma, seḭ a taaje néndogo gel el ləm tɔ mbata néndogo gel lé tɔ kəm njékəmkàrje ləm, tuji taje gə́ gə goo rəbee ləm tɔ.

Tel tura Godndu 24:17

Né gə́ kəm kar dəw-dɔ-ɓee əsé ŋgonal iŋga loo gaŋg-rəwta’g lé seḭ a bugureeje dɔ’g el ləm, seḭ a taaje kubu lə njekəisiŋga gə́ né kɔs naŋg el ləm tɔ.

Jujé 24:15

Nɛ ɓó lé seḭ ooje to gə́ to maji kəm kwa Njesigənea̰ meḛ’g sí el ndá ɓogənè ya maji kar sí mbərje yeḛ gə́ seḭ ndigije poleeje né kaareeje, lé to magəje gə́ ka síje pole dee kel tura-baa gə́ nu əsé lé to magəje lə Amɔrje gə́ seḭ síje mee ɓee’g lə dee nee kara, ma ɓa yḛ̀ jeḛ gə njémeekəije ləm lé j’a kwaje Njesigənea̰ ɓa meḛ sí’g ya.

1 Samel 15:24

Yen ŋga Sawul ula Samel pana: Ma m’ra kaiya mbata m’al ta ta godndu Njesigənea̰’g ləm, m’ila koji dɔ taje’g ləi el ləm tɔ. Ma m’ɓəl njérɔje ndá ma m’oo taje lə dee-deḛ ɓa.

1 Samel 15:9

Nɛ Sawul gə njérɔje d’ya̰ Agag ləm, gə badje gə́ maji-maji ləm, gə bɔ maŋgje gə́ maji-maji ləm, gə da-kulje gə́ maji-maji ləm, gə ŋgan badje gə́ rɔ dee to ndəb-ndəb ləma, gə néje lai gə́ maji ləm tɔ lé kəmba. Deḛ ndigi tɔl dee el nɛ deḛ lai gə́ rɔ dee maji sur el əsé d’əŋ kəŋ-kəŋ ɓa deḛ tɔl dee ya.