Teḛ-Raga 23:1 - Maktub gə́ To gə Kəmee

¹ Seḭ a kunje taŋgɔm kasje ne loo pəd-pəd el. Seḭ a kɔmje na̰’d sad gə njémeeyèrje mba gaŋg ne ta badə-badə gə taŋgɔm el tɔ.

Teḛ-Raga 23:1 ပူးပေါင်းရင်းမြစ်များ

Gḭ-Néje 39:17

Tɔɓəi yeḛ ulá pana: Ɓər Ǝbrə gə́ i ree səa rɔ sí’g lé yeḛ andə dɔm’g gə mba kula sul dɔm’g.

2 Samel 16:3

Mbai lé dəjee pana: See ŋgolə ɓéije si ra wa. Siba tel ila mbai’g lé pana: Aa oo, yeḛ nai Jerusalem mbata yeḛ pana: Ɓogənè ya ginkoji Israɛlje d’a tel gə ɓeeko̰ lə bɔ neḛje kar neḛ.

2 Samel 19:27

Yeḛ tel ilá keneŋ pana: Ǝi mbai ləm, kura ləm ɓa ərm mbata ma kura ləi m’to njemədə ndá m’ulá m’pana: M’a kila kali gir ko̰-mulayḛ̀je’g mba kubá kaw ne gə mbai na̰’d.

Pakɔsje 101:5

Yeḛ gə́ təd ta unda ta maree’g gə goo ŋgəḭ lé M’a karee udu bo̰ ya, Yeḛ gə́ aa loo gə beelé əsé ti-rɔ kara M’a kila məəm po̰ dəa’g el.

Pakɔsje 120:3

I gə́ ndɔḭ su kəm loo lé see ɗi ɓa Ala ari wa. Esé see ɗi ɓa i iŋga keneŋ wa.

Pakɔsje 15:3

Yeḛ gaŋgta unda ta maree’g el ləm, Ra majel gə maree el ləma, Ila rɔkul dɔ njeboatakəi’g ləa el ləm tɔ.

Pakɔsje 27:12

Maji kari ilam ji njéba̰je’g ləm Gə mba kar dee ra səm né gə́ meḛ dee ndigi lé el, Mbata njékɔrgoota gə́ ŋgɔmje d’ḭ səm, Deḛ to dəwje gə́ d’əmə kəmə néra gə́ kərm-kərm ɓa dɔm’g.

Pakɔsje 35:11

Njékɔrgootaje gə́ ŋgɔm d’uba naŋg d’ḭ, Deḛ dəjim ta dɔ né gə́ m’gər ginee’g el.

Teḛ-Raga 20:16

I a təd taŋgɔm kunda ta mari’g el.

Teḛ-Raga 23:7

Seḭ a kundaje rɔ sí ɓad dɔ taŋgɔm’g ləm, yeḛ gə́ ta wa dəa gə njemeekarabasur lé seḭ a tɔl deeje kari ba el ləm tɔ, mbata dəw gə́ ta wa dəa lé m’a kila kam dəa’g el.

Gosota-Kəmkàrje 10:18

Yeḛ gə́ iya dɔ kḛji loo bəḭ-bəḭ mée’g lé Tea pa taŋgɔm, Tɔɓəi yeḛ gə́ təd ta unda ta maree’g lé To mbə-dəw.

Gosota-Kəmkàrje 12:17

Yeḛ gə́ pa kankəmta lé Riba ne dɔ néra gə́ gə dɔ najee, Nɛ njegaŋgta lé Riba ne dɔ ta sukəmloo.

Gosota-Kəmkàrje 14:5

Njekɔrgoota gə́ to majikoji lé Pa taŋgɔm el, Nɛ njegaŋgta lé Pa taŋgɔmje gə́ kédé-kédé.

Gosota-Kəmkàrje 17:4

Njemeeyèr lé ur mbia gèŋ gə́ dɔ taŋgɔm’g ləm, Njetaŋgɔm lé ur mbia njor gə́ dɔ ndo̰ dəw’d Gə́ njepa ta gə́ majel ləm tɔ.

Gosota-Kəmkàrje 19:28

Njekɔrgoota gə́ to dəw gə́ mḭdé ba lé Ula sul dɔ né gə́ to gə dɔ najee’g, Njémeeyèrje lé néra gə́ majel ɓa d’oo gə́ nésɔ lə dee.

Gosota-Kəmkàrje 19:5

Njegaŋgta lé a lal kar bo̰ né rəa ɔs təa’g el ləm, Yeḛ gə́ njepa taŋgɔmje lé a teḛ ta’g el ləm tɔ.

Gosota-Kəmkàrje 19:9

Njegaŋgta lé a lal kar bo̰ nérea ɔs təa’g el ləm, Yeḛ gə́ njepa taŋgɔmje lé a tuji pugudu ləm tɔ.

Gosota-Kəmkàrje 21:28

Njekɔrgoota gə́ gə ŋgɔm lé a kudu, Nɛ dəw gə́ oo ta lé a pa taree gə́ kédé-kédé ya.

Gosota-Kəmkàrje 24:28

Maji kari ɔr goo ta gə mḭdé ba ɔs ne njeboatakəi ləi rəw el, See i ndigi su kəm loo gə tapaije wa.

Gosota-Kəmkàrje 25:18

Dəw gə́ gaŋgta badə-badə ɔm ta njeboatakəi’g ləa lé To asəna gə gòl ləm, gə kiambas ləma, gə kandə ɓandaŋg gə́ adə njal-njal ləm tɔ.

Gosota-Kəmkàrje 25:23

Lel gə́ ḭ dɔgel lé ree gə ndi ləm, Ndo̰ gə́ pata gə́ to loo-kiya’g lé Ar kəm maree tel wagəsa ləm tɔ.

Jeremi 20:10

Mbata m’oo ta lə dəwje bula Gə́ pata gə́ majel dɔm’g ləm, Ɓəl-boo aḭ dɔm sub ləm tɔ. Deḛ pana: Maji kar sí j’ilaje ta dəa’g Ndá j’a kilaje ta dəa’g ya. Deḛ lai gə́ m’isi sə dee lɔm kara Tənəm gə mba koo see M’a kunda ndolé wa. Deḛ pana: Banelə d’a kiŋga ta tam’g, Yen ɓa d’a dum ne dɔm ləm, D’a dal ne ba̰ dɔm’g ləm tɔ!

Ləbije 19:11

Seḭ a ɓogoje el ləm, seḭ a raje né gə́ ŋgɔm əsé a kundaje goso mbuna na̰’d el ləm tɔ.

Ləbije 19:16

Seḭ a kundaje nani mbuna koso-dəwje’g lə sí el. Seḭ a kilaje ta dɔ mar síje’g kar məs dee ɔm ne naŋg el tɔ. Ma m’to Njesigənea̰.

Matiyo 19:18

Basa neelé tel ilá keneŋ pana: See godnduje gə́ ban ɓəi wa. Jeju tel ulá pana: Dee ɓa to nee: I a tɔl dəw el ləm, i a ndal mɔdkaiya el ləm, i a ɓogo el ləm, i a təd taŋgɔm kunda ta mari’g el ləm,

Lugu 19:8

Jasee aar no̰ Mbaidɔmbaije’g ulá pana: Mbaidɔmbaije, aa oo, nékiŋgamje lé m’unda mée dana loo joo m’un loo kára m’ar njéndooje, ɓó lé m’tuji né lə dəw ndá m’a karee maree toree’g sɔ ya tɔ.

Lugu 3:14

Deḛ gə́ njérɔje tɔ ŋga dəjee pana: Ŋga jeḛ lé see j’a ra ba̰ to wa. Yeḛ ila dee keneŋ pana: Maji kar sí taaje lar lə dəw kára kara dɔ buguru el ləm, seḭ a kilaje taŋgɔm dɔ dəw’g el ləm tɔ. Nékoga-dɔ-ji sí lé ɓa seḭ a kundaje meḛ sí dɔ’g ya.

Tagə́maji gə́ Ja̰ ndang 7:51

Godndu lə sí lé see a kila ta dɔ dəw’g lal koo ne né gə́ debee neelé ra wa.

Njé gə́ Rɔmə 3:8

Ŋga see j’a ra né gə́ majel mba kar né gə́ maji kila ne rəa kɔd wa. Yee ɓa njé gə́ na̰je d’unda ta ta sí’g pana: Jeḛ ndoo sí togə́bè. Dəwje neelé nja ɓa kəm gaŋg rəwta dɔ dee’g gəd ya.

Njé gə́ Epesə 4:25

Gelee gə́ nee ɓa, maji kar sí ɔgje ta sí dɔ taŋgɔm’g. Nɛ kankəmta ɓa, maji kar nana kara aree teḛ təa’g ar maree, mbata jeḛ lai jeḛ n’toje barkəmrɔ na̰.

Tel tura Godndu 5:20

I a təd taŋgɔm kunda ta mari’g el.

2 Timote 3:3

D’a to njémeekədərəje ləm, gə njélal koo kəmtondoo lə mar deeje ləm, gə njétədtaŋgɔm kunda ta mar deeje’g ləm, gə njékwaŋgaŋ rɔ deeje el ləm, gə njéra nékərm-kərmje ləma, gə njéba̰je lə dəwje gə́ njéra néje gə́ maji ləm tɔ.

1 Piɛrə 3:16

Raje néje lai gə́ a kar meḛ sí oso naŋg lemsé gə́ majee dɔ rɔ sí’g mba kar deḛ gə́ səg sí, taji sí dɔ néra gə́ maji gə́ seḭ raje gin Kristi’g lé rɔ dee a kul ne.

Loo gə́ killa rea kəm Ja̰’g 12:10

Ma m’oo ndu dəw gə́ ḭ dara ɓar ɔr loo lɔi-lɔi pana: Kaji lé ɓasinè kàree teḛ mba̰ ndá siŋgamoŋ gə tɔgmbaŋ ləm, gə ko̰ɓee lə Ala lə sí ləma, gə dɔmoŋ lə Kristi ləa ləm tɔ lé ndəa teḛ mba̰ tɔ. Mbata yeḛ wa njegaŋgta gə́ gaŋgta badə-badə ɔm ta ŋgako̰ síje no̰ Ala’g lə sí gə ndəa-ndəa dan kàrá ləm gə loondul’g ləm tɔ lé yeḛ wá ilá naŋg nee ya.