Teḛ-Raga 22:30 - Maktub gə́ To gə Kəmee

³⁰ Seḭ a toje dəwje ləm gə́ toje gə kəmee doi. Seḭ a sɔje dakas da gə́ maree wa tiee mbidi-mbidi el, seḭ a kɔmje kɔrɔ karje bisije ɓa tɔ.

Teḛ-Raga 22:30 ပူးပေါင်းရင်းမြစ်များ

Gḭ-Néje 17:12

Ŋgon gə́ diŋgam gə́ rara kara mbuna sí’g lé loo gə́ ndəa aḭ jinaijoo ndá d’a kinja tamɔdee gə goo ŋgaka síje ya, lé to ŋgon gə́ d’ojee mee kəi’g ləi əsé to yeḛ gə́ ndogee gə lar ji dəw-dɔ-ɓee gə́ to ginkoji ləi el kara a raje səa bèe ya tɔ.

Teḛ-Raga 13:12

ndá ŋgondər gə́ rara gə́ d’ojee lé to ŋgondər dəw əsé ŋgondər da-kulje lə sí kara seḭ a kṵdáje gə kəmee kar Njesigənea̰ ya. Ŋgandər daje lə sí lai lé to ka̰ Njesigənea̰ ya.

Ejekel 4:14

Ma m’pana: Wai, Mbaidɔmbaije gə́ Njesigənea̰, aa oo, m’ar rɔm mina̰ gɔl kára el, un kudee gə basəm ba ya saar ɓasinè lé m’usɔ da gə́ wəi gə́ kwəi əsé gə́ maree wá el ləm, dakas da gə́ mina̰ gə́ rara kara ɔrɔ tam el ləm tɔ.

Ləbije 11:44

Mbata ma m’to Njesigənea̰, Ala lə sí, seḭ a kɔrje rɔ sí kundaje gə kəmee ndá seḭ a toje ne dəwje gə́ to gə kəmee mbata ma nja m’to njerɔkunda ya. Seḭ a karje rɔ sí tel to né gə́ mina̰ mbata lə néje nee lai gə́ d’ag naŋg gə ta meḛ dee lé el.

Ləbije 11:45

Mbata ma m’to Njesigənea̰ gə́ m’ar sí undaje loo mee ɓee gə́ Ejiptə teḛje mba kam m’to ne Ala lə sí ləm, gə mba kar sí-seḭje kara toje ne dəwje gə́ to gə kəmee ləm tɔ, mbata ma nja m’to njerɔkunda ya.

Ləbije 12:3

Ndɔ gə́ njekɔm’g jinaijoo ndá d’a kinja tamɔd ŋgon neelé.

Ləbije 17:15

Nana ɓa to gə́ kojiɓee əsé dəw-dɔ-ɓee gə́ a sɔ da gə́ wəi gə́ kwəi əsé da maree ɓa wá tiee mbidi-mbidi ndá yeḛ a togo kubuje ləa ləm, a ndogo mán ləma, rəa a mina̰ saar kàr a kandə ləm tɔ, ɓa yeḛ a kàr ɓəi.

Ləbije 22:27

Ŋgon maŋg əsé ŋgon badə əsé ŋgon bya̰, loo gə́ d’ojee ndá a nai gel kea̰’g as ndɔ siri, un kudee mee ndɔ’g jinaijoo ləa saar gə́ kédé lé yee a kaskəm to nékinjaməs gə́ ka̰ roo kar Njesigənea̰ karee taa kəmee rəgm ya.

Ləbije 22:8

Yeḛ a sɔ da gə́ wəi gə́ kwəi el ləm, əsé yee gə́ da maree wa tɔlee el ləm tɔ gə mba kar rəa mina̰ ne gə mbəa el. Ma m’to Njesigənea̰.

Ləbije 7:23

Ula Israɛlje pana: Seḭ a sɔje ubu maŋg əsé ubu ŋgon badə əsé ubu ko̰ bya̰ el.

Ləbije 7:24

Ubu da gə́ wəi gə́ kwəi əsé yeḛ gə́ da maree gə́ wala wá tiee mbidi-mbidi ndá seḭ asjekəm raje ne né gə́ raŋg ɓa ɓó seḭ a sɔje el.

Ləbije 7:26

Loo gə́ rara gə́ seḭ a síje keneŋ lé seḭ a sɔje məs el, məs yel əsé məs da kara a sɔje el ya.

Tel tura Godndu 14:21

Nékul gə́ wəi gə́ kwəi lé seḭ a sɔje kára kara el, seḭ a karje dəw-dɔ-ɓee gə́ a si mee ɓee’g lə sí ɓa gə mba karee sɔ əsé a karje dəw-dɔ-ɓee lé ndogo sə sí, mbata seḭ toje koso-dəwje gə́ toje gə́ kəmee mbata lə Ala lə sí gə́ Njesigənea̰. Seḭ a ndirije ŋgon bya̰ gə mbà kea̰ el.

Tel tura Godndu 15:19

Ŋgandər nékulje lə sí lai gə́ to bàlje gə́ d’oji dee mbuna nékulje’g lə sí gə́ boi-boi əsé gə́ lam-lam lé seḭ a kunda deeje gə kəmee karje Ala lə sí gə́ Njesigənea̰. Ŋgondər maŋg lə sí lé seḭ a raje ne kula el ləm, seḭ a kinjaje bḭ ŋgondər badə lə sí el ləm tɔ.