Ɓó lé nékul maree wa tiee mbidi-mbidi ndá njeŋgəmee lé a ree gə yée ndá yée lé a kɔr kəm ta ləa, bèe ɓa yeḛ a kuga el mbata to nékul maree ɓa tiee mbidi-mbidi tɔ.
Ma m’pana: Wai, Mbaidɔmbaije gə́ Njesigənea̰, aa oo, m’ar rɔm mina̰ gɔl kára el, un kudee gə basəm ba ya saar ɓasinè lé m’usɔ da gə́ wəi gə́ kwəi əsé gə́ maree wá el ləm, dakas da gə́ mina̰ gə́ rara kara ɔrɔ tam el ləm tɔ.
Njesigənea̰ ɓa pa togə́bè pana: Loo gə́ toboḭ wa nékul ndá Njékulbadje tɔr gɔl nékul gə́ joo Esé dɔ mbia gə́ kára ta toboḭ’g bèe lé Togə́bè Israɛlje gə́ d’isi Samari Gə́ to dɔ tira’g əsé d’isi dɔ kubu kila naŋg’d gə́ Damas lé kara Njesigənea̰ a kaji dee togə́bè ya tɔ.
Ɓee-boo gə́ to asəna gə loo-to toboḭ to ra wa, Gə loo-sɔ-né lə ŋgan toboḭje ləma, Gə loo gə́ toboḭ, gə ko̰ toboḭ, gə ŋganeeje d’aw keneŋ Gə́ ar dəw kára kara gə́ njekar dee ɓəl godo ləm tɔ lé See to ra wa.