Teḛ-Raga 21:1 - Maktub gə́ To gə Kəmee

¹ Aa ooje, godnduje gə́ seḭ a kundaje no̰ dee’g ɓa to nee:

Teḛ-Raga 21:1 ပူးပေါင်းရင်းမြစ်များ

1 Mbaije 6:12

Ɓó lé i njaa gə goo godndumje ləm, ɓó lé i ra né gə goo torndumje ləma, ɓó lé i aa dɔ ndukunje ləm njaa keneŋ ləm tɔ ndá m’a kar ta ndukun ləm gə́ m’un m’ar bɔbije Dabid m’wɔji ne dɔi lé a kaw lée’g béréré ya,

2 Sôrta Gḭka Israɛlje 19:10

Ta gə́ rara gə́ to mbuna ŋgako̰ síje gə́ mee ɓee-booje’g lə deḛ gə́ d’a ree ne no̰ sí’d gə́ wɔji dɔ tɔl dəw ləm, əsé ndukun ləm, əsé godndu ləma, əsé torndu ləm tɔ lé seḭ a ribaje sə dee dəa təsərə gə mba kar ta wa ne dɔ dee no̰ Njesigənea̰’g el ləm, mba kar oŋg lə Njesigənea̰ ḭ ne səa pu dɔ sí-seḭ’g əsé dɔ ŋgako̰ síje’g el ləm tɔ. Yee ɓa gə́ né gə́ seḭ a raje gə mba kar ta wa ne dɔ sí el.

Nehemi 10:29

Ges koso-dəwje ləm, gə njékinjanéməsje ləm, gə Ləbije ləm, gə njéŋgəm tarəwkəije ləm, gə njékɔspaje ləm, gə njéra kula kəi-Ala’d gə́ raje ləm, gə deḛ lai gə́ d’ɔr rɔ dee rɔ dəw-mee-ɓeeje’g mba kun goo godndu Ala ləm, gə denéje lə dee ləm, gə ŋgan deeje gə́ diŋgam gə njé gə́ dené ləma, gə deḛ lai gə́ d’askəm gər né gə gosonégər ləm tɔ lé d’ɔm sə dee na̰’d tɔ.

Pakɔsje 147:19

Ta ləa lé yeḛ riba dəa ar njé’g lə Jakob lé Godndiaje gə ndukunje ləa lé yeḛ riba dəa ar Israɛlje.

Teḛ-Raga 19:7

Moyis tel ree ɓar ŋgatɔgje lə Israɛlje lai ndá yeḛ ndaji taje neelé lai ar dee, to gə́ Njesigənea̰ un ndia dɔ’g aree lé tɔ.

Ejekel 20:11

Neḛ n’ar dee godnduje lə neḛ ləm, n’ar dee gər ndukunje lə neḛ ləm tɔ gə mba kar dəw gə́ ra née ndá a si ne kəmba.

Ejekel 20:25

Neḛ n’ar dee godnduje gə́ to maji sur el ləm, gə ndukunje gə́ d’askəm si ne kəmba el ləm tɔ.

Ləbije 18:26

Bèe ndá seḭ a kaaje dɔ godndumje gə dɔ ndukunje ləm kər-kər ləm, seḭ a raje né kára kara mbuna néje gə́ to kḛji’g neelé el ləm tɔ, kojiɓee a ra el ləm, dəw-dɔ-ɓee gə́ si mbuna sí’g kara a ra bèe el ləm tɔ.

Ləbije 18:5

Seḭ a kaaje dɔ godndumje ləm, gə ndukunje ləm ləm tɔ: Dəw gə́ ra née ndá a si ne kəmba ya. Ma m’to Njesigənea̰.

Ləbije 19:37

Seḭ a kaaje dɔ godndumje, gə dɔ ndukunje ləm lai kər-kər ndá seḭ a raje née tɔ. Ma m’to Njesigənea̰.

Ləbije 20:22

Seḭ a kaaje dɔ godndumje lai kər-kər ləm, gə dɔ ndukunje ləm lai kər-kər ləm tɔ ndá seḭ a raje née ya mba kar dɔ naŋg nee gə́ m’aw sə sí gə́ keneŋ mba kar sí síje’g lé mbad sí el.

Bula lə Israɛlje 35:24

aa ooje, yee ɓa to godnduje gə́ koso-dəwje d’a kɔr ne kəm ta lə njekunda maree ləm, gə njedalba̰ ləm tɔ.

Bula lə Israɛlje 36:13

Yee ɓa to godnduje gə ndukunje gə́ Njesigənea̰ un ar ŋgan Israɛlje gə ndu Moyis mee ndag-loo gə́ Moab gə́ to mbɔr baa gə́ Jurdɛ̰, gə́ wɔji dɔ Jeriko njoroŋ lé tɔ.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Tel tura Godndu 15:12

Ɓó lé dəw kára mbuna ŋgako̰ síje’d gə́ to Ǝbrə, lé to diŋgam əsé dené ɓa aw rab rəa ɓər mee kəi’g lə sí ndá yeḛ a ra kula kar sí as ləb misa̰, nɛ ləb gə́ njekɔm’g siri ndá seḭ a kya̰je gée kaareeje aw loo ləa.

Tel tura Godndu 4:14

Mee ndəa’g neelé Njesigənea̰ ulam gə mba karm ndoo sí godnduje gə ndukunje gə mba kar sí raje née mee ɓée gə́ seeḭ a kaw taaje gə́ ka̰ sí lé.

Tel tura Godndu 4:45

loo gə́ deḛ d’unda ne loo mee ɓee gə́ Ejiptə teḛ lé ɓa nee ləm tɔ.

Tel tura Godndu 4:5

Seḭ gərje gao to gə́ ma m’ndoo sí godnduje gə ndukunje gə́ Njesigənea̰ Ala ləm ulam gə mba kar sí raje née mee ɓee gə́ seḭ a gə kawje keneŋ kaw taaje gə́ né ka̰ sí lé.

Tel tura Godndu 4:8

Esé see ginkoji dəwje gə́ boo gə́ ra ɓa d’aw gə godnduje gə ndukunje gə́ gəd-gəd to gə́ godnduje nee lai gə́ ma m’unda no̰ sí’g ɓogənè lé wa.

Tel tura Godndu 5:1

Moyis ɓar Israɛlje lai nea̰’g ula dee pana: Israɛlje, maji kar sí ooje ta godnduje gə ndukunje gə́ m’a gə kula sí ɓogənè. Maji kar sí taaje gə meḛ sí aaje dɔ dee kər-kər gə mba ra née.

Tel tura Godndu 5:31

Nɛ i ɓa yḛ̀ a nai səm nee ndá m’a kulai tornduje lai ləm, gə godnduje ləma, gə ndukunje ləm tɔ gə mba kari aw ndoo dee mba kar dee ra née mee ɓee gə́ m’a gə kar dee gə́ né ka̰ dee lé.

Tel tura Godndu 6:1

Aa ooje, tornduje, gə godnduje, gə ndukunje gə́ Ala lə sí gə́ Njesigənea̰ am gə mba kam ndoo sí, gə mba kar sí raje née mee ɓee gə́ seḭ a gə kaw taaje gə́ né ka̰ sí-seḭ lé:

Tel tura Godndu 6:20

Loo gə́ ŋgan síje d’a dəji sí pana: See tornduje, gə godnduje gə ndukunje gə́ Ala lə sí gə́ Njesigənea̰ ar sí neelé see gelee to ɗi wa.

1 Njé gə́ Tesalonikə 4:1

Ŋgakɔmje, ta gə́ raŋg ya to ŋga. Né gə́ kəm ra karee taa kəm Ala lé seḭ ooje rɔ sí’g mba̰ ləm, seḭ raje née ləm tɔ ndá jeḛ n’tɔg sí j’wa ta sí gə ri Mbaidɔmbaije Jeju Kristi mba kar sí awje ne kəm sí gə́ kédé-kédé ya.