Teḛ-Raga 20:5 - Maktub gə́ To gə Kəmee

⁵ I a kunda barmba dəb kəmi naŋg no̰ dee’g el ləm, i a kula kəm rɔi ndòo mbata lə dee el ləm tɔ, mbata ma Njesigənea̰, Ala ləi lé ma m’to Ala gə́ kəm əḭ dɔ koso-dəwje’g ləm gə́ m’ar bo̰ néra yèr lə bɔ ŋganje gə́ d’ḛjim bəḭ-bəḭ lé ɔs ta ŋgan deeje’g saar njéboakojije lə dee gə́ kudu munda əsé gə́ kudu sɔ tɔ,

Teḛ-Raga 20:5 ပူးပေါင်းရင်းမြစ်များ

2 Samel 21:1

Mee ndəa’g lə Dabid lé ɓoo-boo o̰ orè goo na̰ goo na̰ as ləb munda. Togə́bè Dabid dəji Njesigənea̰ ndá Njesigənea̰ ulá pana: Gelee to mbata Sawul gə njémeekəije ləa gə́ d’ila məs lé, mbata Sawul ar dee tɔl Gabao̰je.

2 Samel 21:6

maji kar dee d’ar sí dəwje siri mbuna ŋganeeje gə́ diŋgam’g mba kar sí n’tɔ deeje tar no̰ Njesigənea̰’g mee ɓee gə́ Gibea’g lə Sawul, yeḛ gə́ Njesigənea̰ ɔree lé. Ndá mbai lé pana: M’a kwa dee kar sí ya.

1 Mbaije 19:10

Yeḛ tel ilá keneŋ pana: Ma m’riba dɔ ri Njesigənea̰, Ala gə́ njeboo-néje lé gə goo malee gə́ ram ŋgwɔd-ŋgwɔd ya, mbata Israɛlje d’uba goo manrɔ ləi d’ya̰ ləm, deḛ tɔs loo-nékinjanéməsje ləi tila ləma, deḛ tɔl njéteggintaje ləi gə kiambas ləm tɔ, ma nja m’nai gə karm ba ndá deḛ saŋg loo mba tɔlm tɔ.

1 Mbaije 21:29

See i oo né gə́ Akab ra ula ne dəa nɔm’g lé ya wa. To gə́ yeḛ ula dəa nɔm’g ndá m’a kar némeeko̰ teḛ ndɔ si kəmba’g ləa el, a to mee ndɔ si kəmba’g lə ŋgonee ɓa m’a kar némeeko̰ teḛ dɔ njémeekəije’g ləa ɓəi.

2 Mbaije 17:35

Kédé lé Njesigənea̰ man rəa ar dee ne ndukun neelé pana: D’a ɓəl magəje el ləm, d’a kunda barmba dəb kəm dee naŋg no̰ dee’g el ləm, d’a pole dee el ləma, d’a kinja nékinjanéməsje kar dee el ləm tɔ.

2 Mbaije 17:41

Ginkoji dəwje gə raŋg neelé ɓəl Njesigənea̰ ya nɛ deḛ pole néndaji magəje tɔ, bèe ɓa ŋgan deeje gə ŋgan meḛ ŋgan deeje ra to gə́ bɔ deeje-je ra saar teḛ ne mee ndəa gən lé.

2 Mbaije 23:26

Lée togə́bè kara Njesigənea̰ uba goo boo-oŋg ləa gə́ to asəna gə pər gə́ o̰ bilim-bilim bèe lé dɔ Judaje’g ya̰ el mbata néje lai gə́ Manasə ra ar mée ḭ ne səa pu lé.

2 Mbaije 5:18

Nɛ maji kar Njesigənea̰ ar mée ti mbidi dɔ kura’g ləa mbata né gə́ kára ba nee: Loo gə́ mbai ləm a kaw kəi lə magə gə́ ria lə Rimo̰ gə mba kunda barmba keneŋ ɓa yeḛ nduna rəa jim’g am m’unda barmba səa na̰’d mee kəi magə-Rimo̰’g lé maji kar Njesigənea̰ ar mée ti mbidi dɔ kura’g ləa loo gə́ yeḛ a kunda barmba mee kəi magə-Rimo̰’g lé tɔ.

2 Mbaije 5:27

Bèe ɓa ba̰ji lə Naaman a tilai ləm, gə ŋgakaije ləm tɔ saar gə no̰. Loo gə́ Gehaji ḭ rɔ Elije’g unda loo teḛ ndá ba̰ji lé ndá rəa’g hododo tɔ.

2 Sôrta Gḭka Israɛlje 25:14

Loo gə́ Amasia ḭ loo dum dɔ Edɔmje’g tel ndá yeḛ ar dee ree gə magəje lə Seirje d’aree ndá yeḛ unda dee gə́ magəje ləa, tɔɓəi yeḛ unda barmba no̰ dee’g tuu ne néje gə́ ə̰də sululu ar dee tɔ.

2 Sôrta Gḭka Israɛlje 7:19

Nɛ ɓó lé seḭ telje gir sí amje ləm, ɓó lé seḭ ubaje godndumje gə torndumje gə́ ma m’un m’ar sí lé ya̰je ləm, ɓó lé seḭ poleje magəje undaje ne barmba no̰ dee’g ləm tɔ ndá

Maktub gə́ wɔji dɔ Jɔb 21:19

See seḭ pajena: Bo̰ néra njemeeyèr gə́ a kɔs təa’g lé Ala unda kul mbata lə ŋganeeje wa. Nɛ to kəm kar Ala ar bo̰ nérea ɔs təa-yeḛ’g ya ɓa mba karee gər.

Maktub gə́ wɔji dɔ Jɔb 5:4

Loo teḛkɔr lə ŋganeeje godo, Maji kar dee mbɔḭ dee loo-gaŋg-rəwta’g mba kar dəw kára gə́ njetaa dɔ dee godo.

Pakɔsje 109:14

Maji kar Njesigənea̰ ar mée olé Teḛ dɔ néra gə́ kori-kori’g lə bɔbeeje-je lé ta-ta ya ləm, Kaiya ra kea̰je lé kara maji karee ɔr dəa’g nda̰ el ya ləm tɔ!

Pakɔsje 78:58

D’ar oŋg ḭ ne səa pu Dɔ looje lə dee gə́ ndəw’g lé ləm, D’ɔs ne gel kəmkəḭ ləa Gə Magəpoleje lə dee lé ləm tɔ.

Pakɔsje 79:8

Ar məəi olé teḛ dɔ néra kori-korije’g lə sí gə́ ləw lé el ŋga. Maji kar némeekaw taḭ-taḭ ləi lé ree gə tɔgee tila kəm sí Mbata jeḛ lé kəm sí to ndòo yaa̰.

Pakɔsje 81:15

Léegəneeya m’a dum dɔ njéba̰je lə dee ləm, M’a tel jim kunda ne njékula kəm dee ndooje lé ləm tɔ.

Teḛ-Raga 23:24

Seḭ a kundaje barmba no̰ magəje’g lə dee pai godo ləm, seḭ a raje kula kulaje ne rɔ sí ndòo kar deeje el ləm tɔ, seḭ a ndajije kula ra dəwje neelé el, nɛ tuji ɓa seḭ a tuji deeje ləm, a tədje néndajije lə dee gə́ to magəje lé njigi-njigi ləm tɔ.

Teḛ-Raga 34:14

Seḭ a kundaje barmba no̰ magə’d el, mbata Njesigənea̰ lé ria lə kəmkəḭ ləm, yeḛ to Ala gə́ kəmee əḭ dɔ koso-dəwje’g ləa ləm tɔ.

Gosota-Kəmkàrje 8:36

Nɛ yeḛ gə́ ra kaiya ɔsm ne rəw ndá Yeḛ ula kəm rəa-yeḛ nja ndòo, Deḛ lai gə́ d’ḛjim bəḭ-bəḭ lé Deḛ ndigi yoo ya.

Esai 44:15

Kagje neelé to mba kar dəw ra ne pər, Yeḛ odo dee yel ne pər ndibi ləm, Yeḛ ra ne pər kɔré ne muru ləm tɔ, Nɛ yeḛ tel unda dee gə́ magəje wa dee mée’g ləm, Yeḛ tɔl dee gə́ magəje unda barmba no̰ dee’g ləm tɔ.

Esai 44:19

Yeḛ la̰ji tor ta mée’g el, Gə mba karee pa pana: M’roo ges kag lé pər ləm, M’yel pəree m’koro ne muru ləma, M’nuŋga ne da m’usɔ ləm tɔ Ndá gesee gə́ nai lé m’a telee gə́ né gə́ mina̰ bèe ləm, M’a kunda barmba no̰ dubu kag’d ləm tɔ lé Gosɔnégər əsé kəmkàr mba karee pa ne bèe lé godo.

Jeremi 2:9

Gelee gə́ nee ɓa ma m’ndigi Kɔr ne kəm ta kila dɔ sí’g ləm, Ma m’ndigi kɔr ne kəm ta Kila dɔ ŋgan meḛ ŋgan síje’g ləm tɔ, Njesigənea̰ ɓa pa bèe.

Jeremi 32:18

I ra meemaji gə ŋgaka dəwje gə́ goo na̰ goo na̰ loo tɔl-dɔg (1.000) ləm, i ar bo̰ néra kori-kori lə bɔ ŋganje ɔs ta ŋgan deeje gə́ goo dee’g ləm tɔ. I to Ala gə́ boo gə njesiŋgamoŋ, Njesigənea̰ gə́ njeboo-néje ɓa gə́ rii.

Ejekel 18:19

Seḭ pajena: See gelee ban ɓa ta néra gə́ kori-kori lə bɔ ŋgonje lé ŋgon a kuba pəree el wa. To mbata ŋgon lé ra né gə́ danasur gə́ gə dɔ najee ləm, mbata yeḛ aa dɔ tornduje lə neḛ lai ra née ləm tɔ, yeḛ a si kəmba ya.

Ejekel 18:2

See ban ɓa seḭ paje gosota nee mee ɓee gə́ Israɛl pajena: Bɔ-ŋganje d’usɔ besere nduú Ndá tɔl ŋgaŋ ŋganje wa.

Ejekel 20:7

Neḛ n’ula dee m’pana: Maji kar nana kara uba goo néje gə́ mina̰ gə́ tel kəmee lé ya̰ ləm, d’ar rɔ dee mina̰ gə mbata magəje gə́ Ejiptə el ləm tɔ. Neḛ n’to Njesigənea̰, Ala lə dee.

Ejekel 39:25

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Ɓasinè n’a tel gə njé’g lə Jakob gə́ d’aw sə dee ɓee-ɓər’g lé ree sə dee ləm, n’a koo kəmtondoo lə gel-bɔje lə Israɛl lai ləma, n’a kaḭ bada dɔ ri neḛ gə́ to gə kəmee lé ləm tɔ.

Ejekel 8:3

Yeḛ ula né gə́ tana gə ji dəw bèe naŋg wa ne yiŋga dɔm. Ndil lé unm naŋg aw səm mbuna naŋg gə dara’g ndá yeḛ unm dan némḭdije gə́ ḭ rɔ Ala’g lé aw səm Jerusalem, tarəw gə́ mee kəi gə́ to par gə́ kel dɔgel, loo gə́ magə-kəmkəḭ gə́ ɔs gel kəmkəḭ lə Njesigənea̰ lé to keneŋ.

Loo gə́ killa rea kəm Daniel’g 1:2

Mbaidɔmbaije ya ya̰ Jojakim, mbai gə́ Juda lé jia’g ləm, ya̰ ges nékulaje gə́ to mee kəi-Ala’g jia’g ləm tɔ. Nebukadnesar odo nékulaje neelé aw ne mee ɓee gə́ Sineyar mee kəi-magə’d ləa, tɔɓəi yeḛ ɔm dee mee kəi-nébaoje’g lə magə ləa tɔ.

Loo gə́ killa rea kəm Daniel’g 3:18

Nɛ lé bèe el kara, əi mbai, maji kari gər gao, jeḛ lé j’a ra né kar magəje ləi el ləm, j’a kwa néndaji gə́ ra gə larlɔr gə́ i uree tar lé meḛ sí’g el ya ləm tɔ.

Ləbije 20:5

ma nja m’a kun kəm rəw dɔ dəw’g neelé ləm, gə dɔ njémeekəije’g ləa ləm tɔ, tɔɓəi m’a kɔree mbuna koso-dəwje’g ləa na̰’d gə deḛ lai gə́ ndolè gée mba pole ne Molok səa na̰’d togə́bè lé tɔ.

Ləbije 26:1

Seḭ a ndajije magəje nda̰ el ləm, seḭ a tɔlje magəje gə́ to ər əsé a kuruje mbal tar ndaŋgje né keneŋ el ləma, seḭ a tɔlje mbal gə́ ndaji né keneŋ kára kara mee ɓee’g lə sí gə mba kunda barmba nea̰’g el ləm tɔ, mbata ma m’to Njesigənea̰, Ala lə sí ya.

Ləbije 26:29

Seḭ a sɔje dakasrɔ ŋgan síje gə́ diŋgam gə njé gə́ dené ya.

Nahum 1:2

Njesigənea̰ to Ala gə́ kəmee əḭ dɔ dəwje’g ləa ləm, Yeḛ to njedalba̰ ləm tɔ, Njesigənea̰ to njedalba̰, Oŋg taa mée pəl-pəl, Njesigənea̰ dal ba̰ gə njékoma̰ səaje ləm, Yeḛ ar mée aw biri-biri dɔ njéba̰je’g ləa ləm tɔ.

Bula lə Israɛlje 14:18

Njesigənea̰ lé oŋg ḭ səa kalaŋ el ləm, yeḛ to bao-meemaji ləma, yeḛ ar mée ti mbidi dɔ néra gə́ kori-kori’g ləm gə dɔ kal dɔ godndu’g ləm tɔ, nɛ yeḛ gə́ ta wa dəa mba̰ lé yeḛ a kée gə́ njegelgodo el ləm, yeḛ a kar bo̰ néra gə́ gə goo rəbee el lə bɔ ŋganje ɔs ta ŋgan deeje’g saar teḛ ne dɔ ŋgakadɔg deeje gə́ loo munda əsé sɔ ləm tɔ.

Bula lə Israɛlje 14:33

tɔɓəi ŋgan síje d’a kila tar dɔdilaloo’g ləb dee rɔ-sɔ ləm, koo gə́ seḭ oomje gə́ dəw el lé taree a kwa dɔ dee ləm tɔ, saar kar nin sí lai a to naŋg dɔdilaloo’g rib-rib.

Bula lə Israɛlje 25:11

Pines, ŋgolə Eləajar gə́ to ŋgolə Aaro̰ gə́ njekinjanéməs lé ar meekḭ jugugu ləm lal oso dɔ Israɛlje’g mbata yeḛ nja ɓa malm rəa ŋgwɔd-ŋgwɔd mbuna dee’g ar mbɔl dəa ɓa ma m’tuji ne Israɛlje dan oŋg’d ləm el gə mbəa.

Matiyo 4:9

Ɓó lé i a kunda barmba dəb kəmi naŋg nɔm’g ndá néje lai gə́ i oo gə kəmi neelé m’a kari gə́ kaḭ ya.

Tagə́maji gə́ Ja̰ ndang 15:18

Ɓó lé njé gə́ dɔ naŋg nee d’wa sí gə meḛ dee ndá maji kar sí gərje gao to gə́ d’wam gə meḛ dee kédé ɓa d’wa sí gə meḛ dee kən ɓəi.

Tagə́maji gə́ Ja̰ ndang 7:7

Njé gə́ dɔ naŋg nee d’ə̰ji sí bəḭ-bəḭ el, nɛ ma lé deḛ d’ə̰jim mbata ma lé m’to gə́ njekɔrgoo néra gə́ majel lə dee gə́ deḛ ra lé gə́ raga.

Tagə́maji gə́ Ja̰ ndang 9:2

Njékwakiláje dəjee pana: Mbai, see na̰ ɓa ra kaiya wa. See dəw neelé əsé njékojeeje ɓa ra kaiya ɓa d’ojee ne gə́ njekəmtɔ bèe wa.

Njé gə́ Rɔmə 1:30

Deḛ to njéndo̰-gwɔs dəwje ləm, gə njétədtaje ləm, gə njékɔs Ala rəwje ləm, gə njékəmtɔgje ləm, gə njébeeleje ləm, gə njéti rɔ deeje ləm, gə njétum gel néyèrje gə́ sigi ləm, gə njékɔs ta lə njekoji deeje rəw ləma, kəmkàr godo rɔ dee’g ləm tɔ.

Njé gə́ Rɔmə 8:7

Yeḛ gə́ wa goo rəa dɔ darɔ’g ndá yeḛ wa ba̰ gə Ala, mbata darɔ lé oso kul dɔ godndu Ala’g lé el mbata asəna̰’d aree el.

1 Njé gə́ Kɔrḭtə 10:22

See j’a kɔs gel kəmkəḭ lə Mbaidɔmbaije wa. See siŋga sí ur dɔ kea̰’g wa.

Tel tura Godndu 32:21

Deḛ d’ar kəm əḭ dɔ dee’g Mbata lə né gə́ to gə́ Ala el ləm Deḛ d’ar məəm ḭ səm jugugu Mbata lə magə-poleje lə deḛ gə́ kari ba ləm tɔ Ndá m’a kara m’a kar kəm dee əḭ Mbata lə ginkoji dəwje gə́ kari ba ləm M’a kar meḛ dee o̰ dee Mbata lə ginkoji dəwje gə́ to mbə-dəwje ləm tɔ.

Tel tura Godndu 32:41

Ɓó lé m’ɔl ta kiambas ləm gə́ ndɔḭ pèl-pèl ləm, Ɓó lé m’wa rəwta-gaŋg gə́ gə dɔ najee jim’g ləm tɔ ndá, M’a dal ba̰ gə njéba̰je ləm ləm, M’a kar bo̰ néra dee Gə́ njékḛjim bəḭ-bəḭje ɔs ta dee’g ləm tɔ.

Tel tura Godndu 4:24

Mbata Ala lə sí gə́ Njesigənea̰ lé to pər gə́ roo loo ləm, to Ala gə́ kəmee əḭ mba njé’g ləa ləm tɔ.

Tel tura Godndu 5:10

nɛ deḛ gə́ d’undam dan kəm dee’g ar dee d’aa ne dɔ ndukunje ləm kər-kər ndá m’a k’oo kəmtondoo lə dee saar teḛ ne dɔ ŋgaka deeje gə́ tɔl-tɔl-dɔg’d (1.000) tɔ.

Tel tura Godndu 5:9

I a kunda barmba dəb kəmi naŋg no̰ dee’g el ləm, i a kula rɔi ndòo mbata lə dee el ləm tɔ, mbata ma Ala ləi gə́ Njesigənea̰ lé m’to Ala gə́ kəm əḭ gə mba njé’g ləm, nɛ deḛ gə́ d’ḛjim bəḭ-bəḭ lé ma m’to njekar bo̰ néraje lə bɔ ŋganje ɔs ta ŋgan deeje’g saar teḛ ne dɔ ŋgaka deeje gə́ njekɔm’g munda əsé sɔ’g tɔ,

Tel tura Godndu 6:15

mbata Ala lə sí gə́ Njesigənea̰ gə́ si mbuna sí’g lé to Ala gə́ kəmee əḭ mbata njé’g ləa. Oŋg lə Ala lə sí gə́ Njesigənea̰ a kḭ səa to gə́ pər bèe dɔ sí’g ndá yeḛ a kar sí uduje ne guduru dɔ naŋg nee tɔ.

Tel tura Godndu 7:10

Nɛ yeḛ uga dɔ ji deḛ gə́ d’ə̰jee bəḭ-bəḭ aree wɔji dɔ dee ndá ar dee d’udu ne guduru, yeḛ gə́ ə̰jee bəḭ-bəḭ lé, yeḛ aree nékoga dɔ jia gə́ wɔji dəa njoroŋ ya.

Maktub gə́ Jak ula ne ar ngan-Allaje 4:4

Seḭ ram-dəwje, see seḭ gərje el wa. Yeḛ gə́ unda naŋg nee dan kəmee’g ndá yeḛ wa ba̰ gə Ala. Bèe ndá yeḛ gə́ ndigi kɔr kura gə naŋg nee ndá yeḛ nja tel to njekwaba̰ gə Ala tɔ.

Jujé 23:16

Ɓó lé seḭ alje ta ta manrɔ gə́ Njesigənea̰, Ala lə sí ar sí ləm, ɓó lé seḭ poleje magəje undaje ne barmba no̰ dee’g ləm tɔ ndá oŋg lə Njesigənea̰ a kḭ səa pu dɔ sí’g ndá seḭ a tujije ne kalaŋ mee ɓee’d gə́ maji gə́ yeḛ ar sí lé ya.

Jujé 23:7

Maji kar sí ulaje rɔ sí na̰’d gə ginkoji dəwje gə raŋg neelé gə́ nai mbuna sí’g lé el ləm, ɓarje ri magəje lə dee el ləm, ubuje rɔ sí gə ri dee el ləm, raje né ar deeje el ləma, undaje barmba no̰ dee’g el ləm tɔ.

Jujé 24:19

Juje ula koso-dəwje lé pana: Seḭ lé siŋga sí a kaskəm kwa Njesigənea̰ meḛ sí’g el mbata yeḛ to Ala gə́ njerɔkunda ləm, gə Ala gə́ ar kəmee əḭ dɔ dəwje’g ləa ləm tɔ. Yeḛ a kar mée oso lemsé dɔ néra kori-korije’g lə sí əsé dɔ kaiyaje’g lə sí el.

Njéga̰g-Rəwtaje 2:19

Nɛ goo kwəi’g lə njegaŋ-rəwta lé deḛ tel d’ar rɔ dee mina̰ gɔl kára ya tɔɓəi d’aree ur dɔ ka̰ bɔ deeje-je gə́ d’aw ne goo magəje’g mba pole dee ləm, d’unda ne barmba no̰ dee’g ləm tɔ, tɔɓəi deḛ d’aar njaŋg dɔ panjaa dee’g ləm, gə dɔ meendər’g lə dee ləm tɔ.