Teḛ-Raga 20:3 - Maktub gə́ To gə Kəmee

³ I a kwa magəje gə́ raŋg məəi’g korè dɔm ma’g joo el.

Teḛ-Raga 20:3 ပူးပေါင်းရင်းမြစ်များ

1 Mbaije 11:4

Loo gə́ Salomo̰ ɓuga ndá denéje ləa tel mée gə́ dɔ magəje’g ndá yeḛ ar mée to kára ba sur dɔ Njesigənea̰, Ala’g lé ləa to gə́ bɔbeeje gə́ Dabid bèe lé el ŋga.

Pakɔsje 29:2

Ulaje rɔnduba dɔ ri Njesigənea̰’g! Néje gə́ bə̰dərə bə̰ gə́ to gə kəmee doi lé Reeje ne undaje ne barmba nea̰’g wáje ne meḛ sí’g.

Pakɔsje 73:25

I nja kára ba to kama gə́ si dara, See yeḛ gə́ raŋg gə́ ra ɓəi wa. Dɔ naŋg nee kara rɔm lelm wɔji dɔi-i nja kára ba.

Pakɔsje 81:10

Maji kar magə kára kara to mbuna sí’g el ləm, Maji kar sí undaje barmba dəbje kəm sí naŋg no̰ magəje gə́ d’ḭ ne dɔ ɓee’g el ləm tɔ.

Pakɔsje 81:9

Seḭ koso-dəwje ləm lé ooje ta gə́ m’a gə ndəji sí ne lé Seḭ Israɛlje lé maji kar sí urje mbi sí gə́ rɔm’g ya.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Teḛ-Raga 20:23

Seḭ a raje magəje gə larnda əsé gə larlɔr mba korè deeje dɔm’g joo el, seḭ a raje togə́bè el ya.

Teḛ-Raga 22:19

Dəw gə́ un nékinjanéməsje ar magəje ɓó ar Njesigənea̰ kára ba kiao el ndá debee neelé d’a tɔlee gə́ tɔl ya.

Teḛ-Raga 23:24

Seḭ a kundaje barmba no̰ magəje’g lə dee pai godo ləm, seḭ a raje kula kulaje ne rɔ sí ndòo kar deeje el ləm tɔ, seḭ a ndajije kula ra dəwje neelé el, nɛ tuji ɓa seḭ a tuji deeje ləm, a tədje néndajije lə dee gə́ to magəje lé njigi-njigi ləm tɔ.

Teḛ-Raga 32:8

Deḛ d’ḭ gə tɔg dee d’ya̰ goo rəw gə́ m’wɔji dee lé, tɔɓəi deḛ léḛ né ndaji ne ŋgon maŋg ndá d’unda barmba nea̰’g ləm, deḛ d’inja né gə́ məs d’aree ləm tɔ, deḛ pana: Yen Israɛlje! Aa ooje, Ala lə sí gə́ ar sí undaje loo mee ɓee gə́ Ejiptə teḛje lé ɓa aa’n.

Teḛ-Raga 34:14

Seḭ a kundaje barmba no̰ magə’d el, mbata Njesigənea̰ lé ria lə kəmkəḭ ləm, yeḛ to Ala gə́ kəmee əḭ dɔ koso-dəwje’g ləa ləm tɔ.

Esai 26:4

Ɔmje meḛ sí jəb-jəb dɔ Njesigənea̰’g saar-saar gə no̰ Oiyo! Ɔmje meḛ sí dɔ Njesigənea̰’g lé, Njesigənea̰ gə́ to kɔr mbal gə ləbee-ləbee gə no̰ lé.

Esai 42:8

Ma m’to Njesigənea̰, yee ɓa to rim, Ndá m’a kya̰ rɔnduba ləm kar dəw gə́ raŋg el ləm, Riɓar ləm kara m’a kya̰ kar magəje el ləm tɔ.

Esai 43:10

Njesigənea̰ pana: Seḭ nja toje njékɔrgootaje ləm Seḭ gə kura ləm gə́ ma m’ɔree Gə mba kar sí gərje gao ləm, Kar sí ɔmje meḛ sí dɔm’g ooje to gə́ to ma nja ləm tɔ. Ma m’to gə́ dɔtar Ɓó Ala gə́ njekunda rəa nɔm’g Ɓa m’orè gée ɓəi lé godo ləm, Yeḛ gə́ a korè goom kara godo ləm tɔ.

Esai 44:8

Ɓəlje el ləm, undaje bala el ləm tɔ, See m’ula sí taree kédé gə́ ləw təsərə el wa. Seḭ toje njékɔrgootaje ləm: See Ala gə́ raŋg to gə́ ma bèe si keneŋ wa. Kɔr mbal gə́ raŋg godo ləm, Ma m’gər yeḛ gə́ raŋg el ləm tɔ.

Esai 46:9

Arje meḛ sí olé dɔ néje gə́ dəs’g Mee ndəaje gə́ ləw’g lé Mbata ma m’to Ala Ɓó yeḛ gə́ njekorè dɔm-ma’g godo, Ma m’to Ala Ɓó yeḛ gə́ njetana səm kára kara godo ya saar.

Jeremi 25:6

Maji kar sí ndolèje goo magəje mba pole dee kunda barmba no̰ dee’g el ləm, arje kula ra sí ar mee neḛ ḭ ne sə neḛ pu el ləm tɔ ndá n’a ra sə sí majel kára kara el tɔ.

Jeremi 35:15

Ma m’ula kuraje ləm lai gə́ to njéteggintaje rɔ sí’g, un kudee gə ndɔ rad ya m’ula dee m’ar dee d’aw d’ula sí pana: Ɔsje badm telje dɔ panjaa sí gə́ majel’g ləm, tel gɔlje néra síje ləma, awje goo magəje gə mba pole dee el ləm tɔ ndá seḭ a síje mee ɓee gə́ m’ar sí ləm, gə m’ar bɔ síje-je ləm tɔ. Nɛ seḭ tugaje mbi sí ooje ne ta ləm el ləm, seḭ unje mbi sí rəw dɔ’g ləm tɔ.

Jeremi 7:9

Ɗi togə́bè wa, ɓogo, tɔl dəw, ndal mɔdkaiya, gə kubu rɔ gə taŋgɔm, roo néje gə́ ə̰də sululu kar magə-Baal ləm, gə kaw goo magəje gə́ seḭ gər deeje el ləm tɔ!

Loo gə́ killa rea kəm Daniel’g 3:18

Nɛ lé bèe el kara, əi mbai, maji kari gər gao, jeḛ lé j’a ra né kar magəje ləi el ləm, j’a kwa néndaji gə́ ra gə larlɔr gə́ i uree tar lé meḛ sí’g el ya ləm tɔ.

Ojee 13:4

Ma Njesigənea̰ ma m’to Ala lə sí Un kudee mee ndəa gə́ seḭ undaje ne loo mee ɓee gə́ Ejiptə teḛje lé. Ma Ala lə sí gə́ kára ba ɓa Seḭ a koomje gə́ Ala lə sí ya Ɓó yeḛ gə́ raŋg godo. Njekaji gə́ raŋg to gə́ ma bèe lé godo.

Matiyo 4:10

Yen ŋga Jeju ulá pana: Njekurai, ɔd tam’g gə gogo mbata deḛ ndaŋg mee maktub’g pana: Mbaidɔmbaije Ala ləi lé yeḛ ya kára ba ɓa i a kunda barmba nea̰’g ləm, yeḛ nja kára ba kiao ɓa i a ra né karee ləm tɔ.

1 Njé gə́ Kɔrḭtə 8:4

Togə́bè ɓa, ta sɔ da nékulje gə́ d’inja gə́ məs d’ar magəje lé jeḛ n’gər gao magəje gə́ dɔ naŋg neelé to gə́ né el. Ala lé yeḛ nja kára ba kiao ɓa si gən.

1 Njé gə́ Kɔrḭtə 8:6

Ndá jeḛ lé Ala lé Bɔ síje lé to kára ba kiao. Néje lai ḭ rəa’g ləm, jeḛ lé j’isi gə́ kea̰-yeḛ nja ləm tɔ. Mbaidɔmbaije lə sí Jeju Kristi lé to gə́ kára ba kiao tɔ. Mbɔl dəa-yeḛ nja ɓa néje lai to ne keneŋ ləm, jeḛje kara j’isi ne keneŋ gə mbəa-yeḛ nja ləm tɔ.

Njé gə́ Epesə 5:5

Maji kar sí gərje gao, dəw gə́ rara gə́ to njemɔdkaiya ləm, əsé njekəmnda ləma, əsé njekwəi-yoo-lar gə́ oo lar asəna gə magəpole ləm tɔ lé deḛje neelé d’askəm kila gɔl dee ɓeeko̰’g lə Kristi gə Ala el.

Tel tura Godndu 5:7

I a kwa magəje gə́ raŋg məəi’g korè dɔm ma’g joo el.

Tel tura Godndu 6:14

I a koo ndòo mbata magəje gə́ raŋg gə́ to magəje lə koso-dəwje gə́ gugu dɔi lé el,

Tel tura Godndu 6:5

I a kunda Njesigənea̰ Ala ləi lé dan kəmi’g ndigee dɔ ɓəŋgəri’g ləm, gə ŋgaw məəi bura ləma, gə sḭgarɔi bura ləm tɔ.

Njé gə́ Pilibə 3:19

Bo̰ néra dee gə́ a kɔs ta dee’g lé yee ɓa to tuji gə́ d’a tuji ne gə no̰ ya. Golé meḛ dee ɓa gə́ Ala lə dee ləm, nérɔkul gə́ deḛ ra lé deḛ beelé dɔ’g ləma, néje gə́ dɔ naŋg ya kára ba ɓa wa meḛ dee ləm tɔ.

Njé gə́ Kolosə 2:18

Maji kar dəwje gə́ d’wa ndòo rɔ dee pole ne kuraje gə́ kára lé su kəm sí nar sə sí néngwɔd lə sí d’wa d’ɔr ji sí’g el. Débeeje neelé d’ya̰ rɔ dee dan némḭdije’g lə dee ləm, deḛ ti ne rɔ dee hər-hər gə goo takə̰jije lə dee gə́ ka̰ darɔ lé ləm tɔ.

Loo gə́ killa rea kəm Ja̰’g 19:10

Yen ŋga, m’oso naŋg rəb gel gɔlee’g mba kwá məəm’g ndá yeḛ ulam pana: Ǝw rɔi! Ma m’to njeboakula ləi gə njeboakula lə ŋgakɔḭje gə́ d’ɔr goo ta lə Jeju lé. Ala nja ɓa maji kari wá məəi’g. Mbata goo ta lə Jeju to kankəmta gə́ ḭ rɔ Ala’g nja.

Loo gə́ killa rea kəm Ja̰’g 22:9

Nɛ yeḛ ulam pana: Ra togə́bè el! Ma m’to gə́ njeboakula mari ləm, gə ka̰ ŋgakɔḭje gə́ njékɔrgootaje ləma, gə ka̰ dee-deḛ gə́ ŋgəm ta gə́ to mee maktub’g neelé dɔɓəŋgərə dee’g lé ləm tɔ. Ala ɓa maji kari wá məəi’g ya.

Njéga̰g-Rəwtaje 6:10

Neḛ n’ula sí m’pana: Neḛ n’to Njesigənea̰, Ala lə sí, ndá seḭ a ɓəlje magəje lə Amɔrje gə́ seḭ síje mee ɓee’g lə dee lé el. Nɛ seḭ ooje ta lə neḛ el tɔ.