Teḛ-Raga 20:2 - Maktub gə́ To gə Kəmee

² Ma m’to Njesigənea̰ Ala lə sí gə́ m’ar sí undaje loo mee ɓee gə́ Ejiptə teḛje mee kəi kula ɓər’g lé.

Teḛ-Raga 20:2 ပူးပေါင်းရင်းမြစ်များ

1 Mbaije 18:39

Loo gə́ koso-dəwje d’oo né neelé ndá d’unda naŋg mburug dəb kəm dee naŋg pana: Njesigənea̰ ɓa to Ala ya! Njesigənea̰ ɓa to Ala ya!

2 Mbaije 17:12

Deḛ pole magəje gə́ Njesigənea̰ ula dee taree pana: D’a ra né gə́ togə́bè el lé.

2 Mbaije 17:7

Néje neelé teḛ dɔ Israɛlje’g mbata deḛ ra kaiya d’ɔs ne Njesigənea̰, Ala lə dee gə́ ar dee d’unda loo mee ɓee gə́ Ejiptə teḛ lé rəw ləm, gə mbata deḛ pole magəje ləm tɔ.

2 Sôrta Gḭka Israɛlje 28:5

Njesigənea̰, Ala ləa ubá yá̰ ji mbai gə́ Siri ndá Aramje dum dəa d’wa ne koso-dəwje ləa bula gə́ ɓər d’aw sə dee Damas. Yeḛ ubá yá̰ ji mbai’d gə́ Israɛl to aree dum dəa tɔ.

Pakɔsje 50:7

Seḭ dəwje ləm lé urje mbi sí, m’a gə pata, Seḭ Israɛlje kara m’a gə ndəji sí kɔr tɔ. Ma lé m’to Ala gə́ to Ala lə sí ya.

Pakɔsje 81:10

Maji kar magə kára kara to mbuna sí’g el ləm, Maji kar sí undaje barmba dəbje kəm sí naŋg no̰ magəje gə́ d’ḭ ne dɔ ɓee’g el ləm tɔ.

Pakɔsje 81:11

Ma m’to Njesigənea̰, Ala lə sí Gə́ m’ɔr sí m’ar sí undaje loo mee ɓee gə́ Ejiptə teḛje lé ya, Teḛje ta sí ndá m’a kɔm né keneŋ kar sí ya tɔ.

Pakɔsje 81:7

Nékodo gə́ wɔi gə́ to dɔ tamee’g lé M’wa m’unda naŋg, M’ar jia gə́ wa ne ta karè neelé tusu yag ya̰.

Teḛ-Raga 13:14

Togə́bè ɓa loo gə́ ŋgan síje d’a dəji sí ta mee ndɔ gə́ raŋg’d pana: See naḭ neelé ginee to wɔji dɔ ɗi wa. Ndá seḭ a kila deeje keneŋ pajena: Mbɔl dɔ ji siŋgamoŋ lə Njesigənea̰ gə́ ɓar mèr-mèr lé yeḛ ar sí j’undaje ne loo mee ɓee gə́ Ejiptə gə́ to ɓee-ɓər lé teḛje ya.

Teḛ-Raga 13:3

Moyis ula koso-dəwje pana: Arje meḛ sí olé dɔ ndɔ’g neelé gə́ seḭ undaje ne loo mee ɓee-ɓər’g teḛje lé, mbata ji siŋgamoŋ lə Njesigənea̰ gə́ ɓar mèr-mèr lé ɓa Njesigənea̰ ar sí undaje ne loo teḛje ya. Loo gə́ seḭ raje naḭ neelé ndá dəw a ko̰ muru gə́ əm-tiné keneŋ pai godo.

Teḛ-Raga 15:13

Mbɔl dɔ meekɔrjol ləi lé ɓa I ɔr ne no̰ dəwje neelé I ɔm dee ne tar, Mbɔl dɔ siŋgamoŋ ləi lé ɓa, I ɔr ne no̰ dee Par gə́ loo-sii gə́ to gə kəmee ɓəd’g lé.

Teḛ-Raga 15:16

Ɓəl gə ndəb lé a teḛ dɔ dee’g wai, Gə goo siŋgamoŋ lə jii lé ɓa D’a tel kisi ne dɔ mundu to gə́ mbal bèe, Saar njen kar dəwje ləi dəs d’aw, əi Njesigənea̰, Saar njen kar dəwje gə́ i uga dee lé dəs d’aw ya.

Teḛ-Raga 15:26

Yeḛ pana: Ɓó lé seḭ tugaje mbi sí ooje ne ndu Njesigənea̰, Ala lə sí ləm, lé seḭ raje né gə́ taa kəmee ləm, lé seḭ urje mbi sí ooje ne torndiaje ləma, lé seḭ raje godndiaje ləm tɔ ndá rɔko̰je gə́ ɓəd-ɓəd gə́ m’tuji ne njé gə́ Ejiptə lé m’a tuji sí ne el, mbata ma lé m’to Njesigənea̰ gə́ njekaji sí ya.

Teḛ-Raga 20:1

Togə́bè ɓa Ala pa taje neelé lai pana:

Teḛ-Raga 29:46

Deḛ d’a gər gao to gə́ ma m’to Njesigənea̰ Ala lə dee gə́ m’ar dee d’unda loo mee ɓee gə́ Ejiptə teḛ lé gə mba kam m’isi mbuna dee’g ya. Ma m’to Njesigənea̰ Ala lə dee tɔ.

Teḛ-Raga 6:6

Gelee gə́ nee ɓa, maji kari ula Israɛlje pana: Ma m’to Njesigənea̰. Kulaje ɓəd-ɓəd gə́ njé gə́ Ejiptə d’ɔm dɔ sí’g lé m’a kɔr dɔ sí’g ləm, m’a kar sí ɔrje dɔ sí kúla ɓər’g lə dee ləm, m’a kaji sí gə goo jim gə́ kula ndiŋ ləma, gə goo rəwta-gaŋgje gə́ boo-boo ləm tɔ.

Esai 43:3

Mbata ma m’to Njesigənea̰, Ala lə sí, Njerɔkunda lə Israɛlje to gə́ njekaji sí, Ma m’ar Ejiptə gə́ nékoga dɔ sí ləm, Ma m’ar Etiopi gə Saba m’taa ne tor sí ləm tɔ.

Jeremi 16:14

Gelee gə́ nee ɓa Njesigənea̰ pa ne pana: Ndɔje gə́ d’a gə ree lé dəw a man rəa pana: Njesigənea̰ to njesikəmba, yeḛ gə́ ar Israɛlje d’unda loo mee ɓee gə́ Ejiptə teḛ lé a pa bèe el ŋga.

Jeremi 2:6

Deḛ dəji ta nee pana: See Njesigənea̰ gə́ ar sí j’undaje loo Mee ɓee gə́ Ejiptə n’teḛje ləm, Yeḛ gə́ ɔr no̰ sí dɔdilaloo’g Gə́ to dɔ naŋg’d gə́ tudu kurum-kurum Gə́ bwaje taa pəl-pəl ləm, Gə́ dɔ naŋg gə́ loo-tudu Gə yoo d’o̰ ɓee keneŋ ləm, Gə́ dɔ naŋg gə́ dəw kára kara Dəs keneŋ el ləma, Dəw kára kara ra ɓee keneŋ el ləm tɔ lé See si ra bèe wa.

Jeremi 31:1

Njesigənea̰ pana: Mee ndəa’g neelé m’a to Ala lə gel-bɔje lə Israɛlje lai ndá deḛ kara d’a to koso-dəwje ləm tɔ.

Jeremi 31:33

Njesigənea̰ pana: Aa ooje, man gə́ m’a man rɔm kar gel-bɔje lə Israɛl loo gə́ ndɔje nee a dəs mba̰ lé ɓa nee: M’a kula godndum meḛ dee’g ləm, m’a ndaŋg dee dɔɓəŋgərə dee’g ləm tɔ. M’a to Ala lə dee ləm, d’a to koso-dəwje ləm ləm tɔ.

Jeremi 34:13

Njesigənea̰, Ala lə Israɛlje pa togə́bè pana: Ma man rɔm m’ar bɔ síje-je mee ndɔ gə́ m’ar dee d’unda ne loo mee ɓee gə́ Ejiptə mee kəi-kula-ɓər’g teḛ lé ma m’ula dee m’pana:

Ejekel 20:19

Neḛ n’to Njesigənea̰, Ala lə sí. Maji kar sí unje goo godnduje lə neḛ lad-lad ləm, aaje dɔ ndukunje lə neḛ kər-kər ləma, raje née ləm tɔ.

Ejekel 20:5

M’a kula dee pana: Mbaidɔmbaije gə́ Njesigənea̰ pa togə́bè pana: Mee ndɔ gə́ neḛ mbər ne Israɛl lé neḛ manrɔ neḛ n’ula ne ji neḛ ndiŋ gə́ dɔ ginka’g lə gel-bɔje lə Jakob ndá neḛ n’ar dee gər neḛ mee ɓee gə́ Ejiptə. Neḛ manrɔ neḛ n’ula ji neḛ ndiŋ gə́ rɔ dee’g m’pana: Neḛ n’to Njesigənea̰, Ala lə dee.

Ejekel 20:7

Neḛ n’ula dee m’pana: Maji kar nana kara uba goo néje gə́ mina̰ gə́ tel kəmee lé ya̰ ləm, d’ar rɔ dee mina̰ gə mbata magəje gə́ Ejiptə el ləm tɔ. Neḛ n’to Njesigənea̰, Ala lə dee.

Ojee 12:10

Nɛ ma nja m’to Ala lə sí gə́ Njesigənea̰, Un kudee mee ɓee gə́ Ejiptə’g, M’a kar sí síje mee kəi-kubuje’g To gə́ mee ndɔ ra naḭje’g bèe.

Ojee 13:4

Ma Njesigənea̰ ma m’to Ala lə sí Un kudee mee ndəa gə́ seḭ undaje ne loo mee ɓee gə́ Ejiptə teḛje lé. Ma Ala lə sí gə́ kára ba ɓa Seḭ a koomje gə́ Ala lə sí ya Ɓó yeḛ gə́ raŋg godo. Njekaji gə́ raŋg to gə́ ma bèe lé godo.

Ləbije 11:45

Mbata ma m’to Njesigənea̰ gə́ m’ar sí undaje loo mee ɓee gə́ Ejiptə teḛje mba kam m’to ne Ala lə sí ləm, gə mba kar sí-seḭje kara toje ne dəwje gə́ to gə kəmee ləm tɔ, mbata ma nja m’to njerɔkunda ya.

Ləbije 19:36

Seḭ a kilaje né gə́ gə goo rəbee ɓa dɔ némbwɔji-né’g ləm, dɔ néje’g lə sí gə́ wɔi ləma, dɔ nduji gə mán’g lə sí ləm tɔ. Ma m’to Njesigənea̰, Ala lə sí gə́ m’ar sí undaje loo mee ɓee gə́ Ejiptə teḛje lé ya.

Ləbije 23:43

mba kar ŋgaka síje gər to gə́ m’ar Israɛlje d’isi mee kəi-kubuje’g loo gə́ m’ar dee d’unda loo mee ɓee gə́ Ejiptə teḛ lé. Ma m’to Njesigənea̰, Ala lə sí.

Ləbije 25:38

Ma m’to Njesigənea̰, Ala lə sí gə́ m’ar sí undaje loo mee ɓee gə́ Ejiptə teḛje gə mba kar sí ɓee gə́ Kana̰ gə́ né ka̰ sí ləm, gə mba to ne Ala lə sí ləm tɔ.

Ləbije 25:42

Mbata deḛ to kuraje ləm gə́ m’ar dee d’unda loo mee ɓee gə́ Ejiptə teḛ, ndá d’a ndogo dee to gə́ ndogo ne ɓərje bèe el.

Ləbije 25:55

Mbata ma nja Israɛlje to ɓərje ləm, deḛ to ɓərje ləm gə́ m’ar dee d’unda loo mee ɓee gə́ Ejiptə teḛ lé. Ma m’to Njesigənea̰, Ala lə sí ya.

Ləbije 26:1

Seḭ a ndajije magəje nda̰ el ləm, seḭ a tɔlje magəje gə́ to ər əsé a kuruje mbal tar ndaŋgje né keneŋ el ləma, seḭ a tɔlje mbal gə́ ndaji né keneŋ kára kara mee ɓee’g lə sí gə mba kunda barmba nea̰’g el ləm tɔ, mbata ma m’to Njesigənea̰, Ala lə sí ya.

Ləbije 26:13

Ma m’to Njesigənea̰, Ala lə sí gə́ m’ar sí undaje loo mee ɓee gə́ Ejiptə teḛje ləm, m’ɔr sí kula ɓər’g ləm tɔ, ma m’gaŋg kúla néməməna̰ gə́ to gwɔb sí’g m’ar sí undaje dɔ sí tar njaaje ne ya.

Amɔs 2:10

Nɛ neḛ lé kédé neḛ n’ar sí undaje loo mee ɓee gə́ Ejiptə teḛje ləm, N’ɔr no̰ sí dɔdilaloo’g as ləb rɔ-sɔ Gə mba kar sí taaje dɔ naŋg ɓee lə Amɔrje gə́ né ka̰ sí-seḭ ləm tɔ.

Njé gə́ Rɔmə 10:12

Jib gə Grek to gə́ ɓəd-ɓəd el mbata Mbaidɔmbaije lə dee to gə́ kára ba kiao. Yeḛ lé to bao-noji mbata lə deḛ lai gə́ to njeɓar riaje lé.

Njé gə́ Rɔmə 3:29

Esé Ala lé see yeḛ to Ala lə Jibje nja gə kar dee ba wa. See yeḛ to ka̰ njétareeje to el wa. Bèe ya, yeḛ to ka̰ njétareeje ya tɔ.

Tel tura Godndu 13:10

Seḭ a tɔleeje gə́ tɔl ya, seḭ nja a kunje né kiláje ne dɔtar gə mba tɔlee ɓa gée’g gogo koso-dəwje lai d’a kula ji dee keneŋ ɓəi.

Tel tura Godndu 15:15

Arje meḛ sí olé dɔ to gə́ seḭ toje ɓərje mee ɓee gə́ Ejiptə kédé ɓa Ala lə sí gə́ Njesigənea̰ ɔr sí keneŋ lé, gelee gə́ nee ɓa ɓogənè m’ar sí ne godndu neelé gə mbəa.

Tel tura Godndu 20:1

Loo gə́ seḭ a gə kawje loo-rɔ’g gə mba rɔ gə njéba̰je lə sí ɓa, a kooje kundaje lə dee gə pusu-rɔje lə dee gə koso-dəwje lə dee gə́ bula d’unda sí ndá seḭ a ɓəl deeje el, mbata Ala lə sí gə́ Njesigənea̰ gə́ ar sí undaje loo mee ɓee gə́ Ejiptə teḛje lé nai sə sí ya.

Tel tura Godndu 5:15

I a kar məəi olé dɔ’g to gə́ kédé lé i to gə́ ɓər mee ɓee gə́ Ejiptə ndá Ala ləi gə́ Njesigənea̰ lé ɓa ari unda loo keneŋ teḛ gə goo ji siŋgamoŋ gə́ ɓar mèr-mèr gə́ yeḛ ula ndiŋ lé, gelee gə́ nee ɓa Njesigənea̰ un ndia gə mba kari aa ne dɔ ndɔ-kwa-rɔje neelé.

Tel tura Godndu 5:6

Ma m’to Mbaidɔmbaije Ala lə sí gə́ m’ar sí undaje loo mee ɓee gə́ Ejiptə teḛje mee kəi kula ɓər’g.

Tel tura Godndu 7:8

To mbata Njesigənea̰ unda sí dan kəmee’g ləm, yeḛ ndigi kaar njaŋg dɔ manrɔ’g ləa gə́ yeḛ man ne rəa ar bɔ síje-je ləm tɔ, yee ɓa Njesigənea̰ ar sí undaje ne loo teḛje ne gə ji siŋgamoŋ ləa gə́ ɓar mèr-mèr ləm, yeḛ ɔr sí ne mee kəi kula ɓər’g ləm, ji Parao̰, mbai’d gə́ Ejiptə ləm tɔ.

Njéga̰g-Rəwtaje 2:1

Kura lə Njesigənea̰ gə́ dara ḭ Gilgal aw Bokim ndá yeḛ pana: Ma m’ar sí undaje loo mee ɓee gə́ Ejiptə teḛje, tɔɓəi m’aw sə sí mee ɓee gə́ ma man rɔm m’ar bɔ síje-je mba kar sí. Ma m’pana: M’a gaŋg kúla manrɔ ləm gə́ ma man ne rɔm m’ar sí lé pai godo.

Njéga̰g-Rəwtaje 6:10

Neḛ n’ula sí m’pana: Neḛ n’to Njesigənea̰, Ala lə sí, ndá seḭ a ɓəlje magəje lə Amɔrje gə́ seḭ síje mee ɓee’g lə dee lé el. Nɛ seḭ ooje ta lə neḛ el tɔ.