Teḛ-Raga 20:18 - Maktub gə́ To gə Kəmee

¹⁸ Koso-dəwje lai d’oo ndu ndaŋg lə ndi ləm, gə telje lə ndi ləma, gə ndu to̰to̰ gə́ ɓar ləm tɔ, deḛ d’oo ndo̰ pərje gə sa pər gə́ tuu dɔ mbal’g lé. Koso-dəwje d’oo néje neelé ndá ar dee d’unda bala ləm, ar dee d’ɔr rɔ dee d’aar ne əw ləm tɔ.

Teḛ-Raga 20:18 ပူးပေါင်းရင်းမြစ်များ

Gḭ-Néje 15:17

Loo gə́ kàr andə mba̰ ndá loondul njudu-njudu. Ndá aa oo, loo-kula-bṵda gə́ sa pər teḛ keneŋ teḛ ləm, ndo̰ pərje gə́ ḭ keneŋ andə mbuna daje gə́ riba’g lé tɔ.

Gḭ-Néje 3:10

Yeḛ ilá keneŋ pana: Ma m’oo ndui gə́ ɓar mee ndɔ’g ndá ma m’ɓəl yaa̰ mbata m’aar gə kudum dum ba, yee ɓa ma m’iya ne rɔm gə mbəa.

Pakɔsje 81:7

Nékodo gə́ wɔi gə́ to dɔ tamee’g lé M’wa m’unda naŋg, M’ar jia gə́ wa ne ta karè neelé tusu yag ya̰.

Jeremi 23:23

Njesigənea̰ pana: See neḛ n’to Ala Gə́ n’oo loo rɔ neḛ’g dəb ba wa. Ŋga see neḛ n’to Ala Gə́ n’oo loo gə́ əw to el wa.

Tel tura Godndu 18:16

Yee ɓa to ta gə́ seḭ nja kara dəjije Ala lə sí gə́ Njesigənea̰ loo gə́ Orɛb, loo gə́ seḭ paje ne ta ndɔ mbo̰ dɔ na̰’g lé seḭ pajena: Jeḛ ndigi kooje ndu Njesigənea̰ Ala lə síjeḛje lé el ləm, jeḛ ndigi kooje pər gə́ taa gəgəgə lé el ləm tɔ, nà j’a kwəije lé.

Tel tura Godndu 4:36

Yeḛ ar sí ooje ndia gə́ ɓar mee dara’g gə mba ndoo sí ne né, yeḛ ar sí ooje pər ləa gə́ boo dɔ naŋg nee ləm, seḭ ooje taje ləa gə́ pa dan pər’g ləm tɔ.

Tel tura Godndu 5:23

Loo gə́ seḭ ooje ndu gə́ ɓar dan loo gə́ ndul njudu-njudu’g lé loo gə́ mbal taa pər lai ndá mbai dɔ ginkojije lə sí gə ŋgatɔgje lə sí lai rəm pər gə́ rɔm’g ndá

Tel tura Godndu 5:25

Ŋga ɓasinè gelee ban ɓa j’a kwəije ɓəi wa. Mbata pər-boo neelé a gə roo sí, ɓó lé jeḛ j’ooje ndu Ala lə sí gə́ Njesigənea̰ gə́ kédé-kédé ndá j’a kwəije ya.

Tel tura Godndu 5:27

I ya aw oo ta néje lai gə́ Ala lə sí gə́ Njesigənea̰ a gə pa lé ndá i nja a ndaji ta néje lai gə́ Ala lə sí gə́ Njesigənea̰ a gə kulai lé kar sí ndá jeḛ j’a kooje ya ləm, j’a raje née ya ləm tɔ.

Tel tura Godndu 5:5

Bèe ɓa ma m’aar mbuna sí-seḭ’g gə Njesigənea̰’g gə mba kula sí ta lə Njesigənea̰, mbata seḭ ɓəlje pər ləm, seḭ ubaje ne dɔ mbal awje ne tar el ləm tɔ. Yeḛ pana: