Teḛ-Raga 20:10 - Maktub gə́ To gə Kəmee

¹⁰ Nɛ ndɔ gə́ njekɔm’g siri lé to ndɔ-kwa-rɔ gə́ ka̰ Ala ləi gə́ Njesigənea̰, I a ra kula kára kara keneŋ el, i əsé ŋgoni gə́ diŋgam əsé yeḛ gə́ dené əsé kura ləi gə́ diŋgam əsé yeḛ gə́ dené əsé nékulje ləi əsé dəw-dɔ-ɓee gə́ ree si mee ɓee’g ləi kara a ra kula mee ndɔ’g neelé el.

Teḛ-Raga 20:10 ပူးပေါင်းရင်းမြစ်များ

Nehemi 10:31

Jeḛ j’unje ndu sí mba kar dəwje gə́ ɓee gə́ nee ɓa taa ŋgan síje gə́ dené el ləm, mba taa ŋgan dee-deḛje gə́ dené kara kar ŋgan síjeḛje gə́ ŋgaw el ləm tɔ.

Teḛ-Raga 16:26

As ndɔ sí misa̰ lé seḭ a daaje nésɔ neelé kodoje ya, nɛ ndɔ gə́ njekɔm’g siri gə́ to ndɔ-kwa-rɔ lé né neelé a godo keneŋ.

Teḛ-Raga 31:13

I lé, maji kari ula Israɛlje pana: Lé riri kara seḭ a kaaje dɔ ndɔ-kwa-rɔje ləm kər-kər mbata yee ɓa to nétɔji gə́ a to mbuna síjeḛ sə síje’g ləm, gə mbuna ŋgaka síje’g ləm tɔ, mba kar dee gər to gə́ ma lé m’to Njesigənea̰ gə́ m’unda sí gə kəmee lé.

Teḛ-Raga 34:21

Seḭ a raje kula ndɔ sí misa̰ ndá ndɔ gə́ njekɔm’g siri lé seḭ a kwaje rɔ sí, lé to naḭ ndɔ əsé naḭ kinja kó kara seḭ a kwaje rɔ sí keneŋ ya.

Teḛ-Raga 35:2

Seḭ a raje kula ndɔ sí misa̰, nɛ ndɔ gə́ njekɔm’g siri lé a to ndɔ gə́ to gə kəmee mbata lə sí, to ndɔ-kwa-rɔ gə́ d’ɔr d’unda gə kəmee mbata lə Njesigənea̰ ya. Yeḛ gə́ ra kula gə́ rara kara mee ndəa’g neelé ndá d’a tɔlee gə́ tɔl ya.

Ejekel 14:7

Mbata dəw gə́ rara gə́ mbuna gel-bɔje’g lə Israɛl əsé mbuna dəw-dɔ-ɓeeje gə́ d’isi Israɛl gə́ uba neḛ ya̰ neḛ aw wa magəje ləa mée’g ləm, gə orè kəmee sḭ dɔ né gə́ aree oso ne dan néra gə́ kori-kori’g ləm tɔ lé, ɓó lé yeḛ ree rɔ njetegginta’g ulá gə mba karee dəji neḛ ta ndá neḛ Njesigənea̰ nja n’a kilá keneŋ ya.

Ləbije 23:3

D’a ra kula ndɔ dee misa̰, nɛ ndɔ gə́ njekɔm’g siri lé to ndɔ-kwa-rɔ gə́ to ndɔ kya̰ goo kula ləm tɔ loo-mbo̰-na̰ gə́ to gə kəmee mba kwam ne meḛ sí’g ləm tɔ. Seḭ a raje kula mee loo-si síje’g lai el tɔ, to ndɔ-kwa-rɔ lə Njesigənea̰ ya.

Lugu 23:56

ndá deḛ d’ɔs tel d’aw ɓée, d’aw d’uru kuma̰ gə ubu gə́ ə̰də sululu lé na̰’d podé ne. Tɔɓəi deḛ rəm d’isi d’wa rɔ dee gə ndɔ-kwa-rɔ gə goo godndu lé tɔ.