Teḛ-Raga 2:7 - Maktub gə́ To gə Kəmee

⁷ Tɔɓəi kɔnan ŋgonje neelé dəji ŋgolə Parao̰ gə́ dené lé pana: See i ndigi kam m’aw m’ɓar njekodo ŋgon kára mbuna dené Ǝbrəje’g m’ari gə mba karee ula mbà ta ŋgon’g neelé wa.

Teḛ-Raga 2:7 ပူးပေါင်းရင်းမြစ်များ

Teḛ-Raga 15:20

Miriam, njetegginta gə́ dené gə́ to kɔnan Aaro̰je lé un dalè bajiŋ jia’g, ar denéje lai kara ree gə dalè bajḭgje gée’g ndá deḛ ndam ne.

Teḛ-Raga 2:4

Konan ŋgonje neelé aar gə kuree ɗegəse mba koo né gə́ a gə teḛ dəa’g lé.

Teḛ-Raga 2:6

Loo gə́ yeḛ ree ɔr ta budu lé ndá yeḛ oo ŋgon lé, to ŋgon gə́ diŋgam gə́ to no̰. Mée tɔsee gə no̰ mbigi-mbigi dəa’g aree pana: To ŋgon Ǝbrə ya.

Teḛ-Raga 2:8

Ŋgolə Parao̰ gə́ dené lé ndigi təa’g pana: Aw ya. Togə́bè ɓa ŋgoma̰də neelé aw ɓar ko̰ ŋgonje neelé ya ree səa.

Bula lə Israɛlje 12:1

Miriam gə Aaro̰ pata gə́ yèr ndɔl ne Moyis d’wɔji ne dɔ dené gə́ Etiopi gə́ yeḛ təa, mbata to gə́ yeḛ to gonkoji gə́ Etiopi ya.

Bula lə Israɛlje 26:59

Dené lə Amram lé to Jokebed, ŋgolə Ləbi gə́ yeḛ ojee mee ɓee gə́ Ejiptə lé, ŋganeeje gə́ yeḛ oji dee gə Amram ɓa nee: Aaro̰ gə Moyis, gə kɔnan dee gə́ Miriam.