Teḛ-Raga 2:6 - Maktub gə́ To gə Kəmee

⁶ Loo gə́ yeḛ ree ɔr ta budu lé ndá yeḛ oo ŋgon lé, to ŋgon gə́ diŋgam gə́ to no̰. Mée tɔsee gə no̰ mbigi-mbigi dəa’g aree pana: To ŋgon Ǝbrə ya.

Teḛ-Raga 2:6 ပူးပေါင်းရင်းမြစ်များ

1 Mbaije 8:50

ar məəi oso lemsé dɔ kaiya ra koso-dəwje’g ləi gə dɔ kaltaje’g lə dee gə́ d’al d’ɔsi ne rəw lé, maji kari ɔs deḛ gə́ njékwa dee gə́ ɓərje kaw sə dee lé ɓɔḭ-ɓɔḭ mba kar dee nja kara d’oo kəmtondoo lə dee tɔ.

Nehemi 1:11

Ai, Mbaidɔmbaije, maji kari ur mbii gèŋ oo ne tamaji lə kura ləi ləm, gə tamaji lə kuraje ləi gə́ ndigi ɓəl rii ləm tɔ. Ɓogənè lé, ar kura ləi teḛkɔr ləm, aree taa kəm dəw neelé rəgm ləm tɔ! Mee ndəaje’g neelé ma m’to gə́ njekar mbai nékai ya.

Pakɔsje 106:46

Yeḛ ɔs njékwa dee gə́ ɓərje lé Ar meḛ dee aw taḭ-taḭ dɔ dee’g ləm tɔ.

Teḛ-Raga 1:22

Togə́bè ɓa Parao̰ un ndia ar koso-dəwje ləa lai pana: Ŋganje gə́ diŋgam lai gə́ to Ǝbrəje gə́ d’oji dee lé seḭ a kɔm deeje dan mán baa’g nɛ ŋganje gə́ dené ɓa seḭ a kya̰ deeje kəmba ya.

Teḛ-Raga 2:5

Ŋgolə Parao̰ gə́ dené aw ta baa’g mba ndogo mán, ŋgama̰d mareeje njaa dɔ koŋgo baa’g tɔ. Yeḛ oo budu mee kó-ab’g ndá ula kura ləa gə́ dené kára keneŋ aree aw un.

Teḛ-Raga 2:7

Tɔɓəi kɔnan ŋgonje neelé dəji ŋgolə Parao̰ gə́ dené lé pana: See i ndigi kam m’aw m’ɓar njekodo ŋgon kára mbuna dené Ǝbrəje’g m’ari gə mba karee ula mbà ta ŋgon’g neelé wa.

Gosota-Kəmkàrje 21:1

Mee mbai lé to gə́ kəm-rəw-mán gə́ to meḛ ji Njesigənea̰’g, Yeḛ telee loo gə́ rara kara to gə́ mée ndigi.

Jeremi 34:9

gə mba kar nana kara ya̰ ɓər ləa gə́ diŋgam əsé gə́ dené gə́ to Ǝbrəje ar dee d’aw mba kar dəw kára kara wa ŋgokea̰ gə́ to Jip naŋg gaa-gaa loo kula-ɓər’g el.

Néra Njékaḭkulaje 7:21

tɔɓəi loo gə́ d’ubá d’yá̰ ndá ŋgolə Parao̰ gə́ dené lé wá gə́ rəa’g aw odee asəna gə ŋgonee bèe.

1 Piɛrə 3:8

Tɔɓəi seḭje lai lé ɔmje meḛ sí na̰’d sad ləm, ooje kəmtondoo lə na̰ ləm, waje na̰ gə́ rɔ na̰’d wɔjije ne kag noji ləm, arje meḛ sí oso lemsé dɔ na̰’g ləma, kulje gə na̰ yururu ləm tɔ.