Teḛ-Raga 2:3 - Maktub gə́ To gə Kəmee

³ Nɛ loo gə́ yeḛ askəm kiyá el ŋga ndá yeḛ un budu gə́ d’ɔs gə mu-bər, ɔr tibi bia̰ gə tibi ɓida gir budu’g ləm, gə mée’g ləm tɔ gərərə-gərərə ɓa yeḛ ila ŋgon neelé mèe’g ndá unda mbuna kó-ab’d gə́ to ta baa’g.

Teḛ-Raga 2:3 ပူးပေါင်းရင်းမြစ်များ

Gḭ-Néje 11:3

Deḛ d’ula na̰ pana: Ar sí j’aw j’ɔrje bɔrɔ gə mba nuŋga. Bɔrɔje neelé deḛ ra ne kula to gə́ mbal bèe ləm, né gə́ asəna gə tibi bia̰ bèe gə́ deḛ ɓaree bitumə lé yee ɓa to gə́ sima̰ lə dee ləm tɔ.

Gḭ-Néje 14:10

Wəl loo gə́ Sidiim lé bwa-manje gə́ né gə́ asəna gə tibi bia̰ bèe taa loo keneŋ pəl-pəl. Mbai gə́ Sɔdɔm gə mbai gə́ Gɔmɔr lé buŋga na̰ d’aḭ ndá deḛ d’oso keneŋ. Ges dee gə́ nai lé d’aḭ gə́ dɔ mbal’g tɔ.

Gḭ-Néje 6:14

Maji kari ra kəi-kag gə kag gə́ ɓaree goper. Kəi-kag neelé i a gaŋg mee ɓəd-ɓəd gə́ ŋgan kəije ndá i a rḛdə mée gə giree gə tibi né gə́ to asəna gə tibi ɓida bèe.

Teḛ-Raga 1:22

Togə́bè ɓa Parao̰ un ndia ar koso-dəwje ləa lai pana: Ŋganje gə́ diŋgam lai gə́ to Ǝbrəje gə́ d’oji dee lé seḭ a kɔm deeje dan mán baa’g nɛ ŋganje gə́ dené ɓa seḭ a kya̰ deeje kəmba ya.

Esai 18:2

I gə́ ula njékaḭkulaje Gə rəw gə́ dan baa-boo-kad’g Gə toje gə́ d’ɔs dee gə mu ŋgawlal Gə́ to dɔ mán’d pana: Awje, seḭ njékaḭkulaje gə́ njérɔkwɔilɔje, Awje gə́ rɔ ginkoji dəwje gə́ to ɓəl kədm-kədm’g ləm, Gə́ rɔ dee to kɔgərɔ-kɔgərɔ ləm tɔ, Awje rɔ dəwje gə́ to ɓəl kədm-kədm’g Un kudee ləw ba gə́ deḛ d’isi ne ləm, Rɔ ginkoji dəwje gə́ to njésiŋgamoŋje Gə́ to njétuji néje lai ləma, Deḛ gə ɓeeje lə dee lé mán baaje unda dee dana gaŋg dee ləm tɔ.

Esai 19:6

Man-kuuje d’a kə̰d mbo̰ ləm, Kəm-rəw-manje gə́ Ejiptə d’a rəm gə d’a tudu ləma, Ŋgawlal gə tatɔg d’a tudu kwa mèŋgèŋgḛ̀ ləm tɔ.

Esai 35:7

Naŋgəra gə́ nuŋga kəd-kəd a tel to duu-mán Kar naŋg gə́ tudu kurum-kurum tel to ŋgira manje tɔ, Mee loo-si-kiya-rɔ lə tàlje lé Ko-ab gə ŋgawlal d’a kuba keneŋ.

Matiyo 2:13

Loo gə́ deḛ d’ḭ d’ɔd d’aw mba̰ ndá né gə́ mḭdi ɓa kura lə Mbaidɔmbaije gə́ dara ur ne dɔ Jisəb’g ulá ne pana: Maji kari uba naŋg ḭta un ŋgonkas gə kea̰je lé aḭ sə dee aw sə dee Ejiptə saar ma nja m’a kulai né gə́ i a ra ɓəi. Mbata Herɔdə lé a gə saŋg loo mba tɔl ŋgonkas neelé ya.

Matiyo 2:16

Loo gə́ Herɔdə oo to gə́ bao-gosɔnégərje d’əree togə́bè ndá mée ḭ səa pu aree ula kula Betlehem gə loo-loo ɓeeko̰’g ləa mba kar dee tɔl ŋganje gə́ kas, deḛ gə́ ra ləb joo-joo ləm, gə deḛ gə́ ra ləb joo-joo el ɓəi ləm tɔ wɔji ne dɔ ndɔ teḛ lə kérèmé gə́ gəd gə́ bao-gosɔnégərje d’ulá lé tɔ.

Néra Njékaḭkulaje 7:19

Mbai neelé ra gosɔyèr gə ginkoji sí ləm, ra ne bɔ síjeḛ majel ləm tɔ saar ar dee d’ɔm ŋgan deeje ta yoo’g gə mba kar dɔ kal dee nai el.