Teḛ-Raga 2:23 - Maktub gə́ To gə Kəmee

²³ Ndɔje bula dəs ndá mbai gə́ njeko̰ɓee gə́ Ejiptə lé wəi tɔɓəi Israɛlje lé tuma̰ ŋgururu-ŋgururu gin kúla ɓər’g ya ɓəi ləm, deḛ sii gə no̰ mbigi-mbigi ləm tɔ. Ndu no̰je gə́ kúla ɓər ar dee no̰ neelé aw njal oso mbi Ala’g lé pad ya.

Teḛ-Raga 2:23 ပူးပေါင်းရင်းမြစ်များ

Gḭ-Néje 16:11

Kura lə Njesigənea̰ gə́ dara ulá pana: Aa oo, i lé aw gə kèm ndá i a koji ŋgon gə́ diŋgam ndá i a kunda ria lə Ismael. Mbata Njesigənea̰ oo ndui dan némeeko̰ gə́ rai’g ya.

Gḭ-Néje 4:10

Ala dəjee pana: See ɗi ɓa i ra bèe wa. Kaa məs ŋgokɔḭ gə́ ɓar naŋg lé aw njal teḛ rɔm’g ya.

Nehemi 9:9

I oo némeeko̰ lə bɔ síje-je gə́ d’isi Ejiptə ləm, I oo ndu no̰ lə dee ta baa-boo-kad gə́ ɓaree Baa-Kas ləm tɔ.

Maktub gə́ wɔji dɔ Jɔb 35:9

Deḛ no̰ mbata njékula kəm loo ndooje gə́ bula digi-digi lé Deḛ no̰ ɓar njéla sə deeje mbata njébuguru deeje gə́ bula tɔ.

Pakɔsje 102:1

Tamaji ra lə njenékəmndoo kára bèe gə́ yeḛ ra loo gə́ némeeko̰ al dəa sula.

Pakɔsje 102:2

Njesigənea̰, maji kari oo tamaji ləm, Ɓó gə mba kar ndu no̰ ləm lé Aw saar teḛ ne rɔi’g ya.

Pakɔsje 12:5

To deḛ gə́ pana: Tapa neḛje ar neḛ n’toje njésiŋgamoŋje ləm, Ta neḛje to ka̰ neḛje ya ləm tɔ, Ŋga see na̰ ɓa a to dəw dɔ neḛje ɓəi wa.

Pakɔsje 18:6

Ta dɔɓar to tag mbata ləm ləm, Bandəje lə yoo kara d’aḭ dɔm kɔr-kɔr ləm tɔ.

Teḛ-Raga 1:14

Deḛ d’ar meḛ dee adə dee mbag-mbag dɔ kula gə́ kədərə gə́ wɔji dɔ mbɔḭ a̰ji ləm, gə kɔr bɔrɔ ləma, gə kula ndɔje lai ləm tɔ, gə goo meeyèr gə́ to kḛji ɓa deḛ d’ɔm ne kulaje gə́ wɔi dɔ dee’g bèe ya.

Teḛ-Raga 4:19

Njesigənea̰ ula Moyis mee ɓee gə́ Madian pana: Tel aw ɓee gə́ Ejiptə gogo mbata deḛ lai gə́ saŋg loo mba tɔli lé d’wəi mba̰.

Teḛ-Raga 6:5

Ma m’oo ndu tuma̰ rɔ lə Israɛlje gə́ njé gə́ Ejiptə d’wa dee ɓər ndá m’ar məəm olé dɔ ndu manrɔ’g ləm tɔ.

Teḛ-Raga 6:9

Moyis ula Israɛlje taree togə́bè. Nɛ néurti gə́ ra dee ləm, gə kula ɓər gə́ wɔi dɔ dee’g ləm tɔ lé ɓa ɔg dee loo koo ta lə Moyis ya.

Teḛ-Raga 7:7

Loo gə́ deḛ pata d’ar Parao̰ lé, ləb koji Moyis aḭ rɔ-jinaijoo ləm, ka̰ Aaro̰ kara aḭ rɔ-jinaijoo-giree-munda ləm tɔ.

Esai 19:20

Yee ɓa a to nétɔji gə nékɔrgoota lə Njesigənea̰ gə́ njeboo-néje mee ɓee gə́ Ejiptə tɔ. D’a no̰ ɓar Njesigənea̰ mbata lə deḛ gə́ to njékula kəm dee ndooje ndá yeḛ a kar dee njekaji dee ləm, gə njekaḭ bada dɔ dee’g mba kɔm dee ne tar ləm tɔ.

Esai 5:7

Ndɔ-nduú lə Njesigənea̰ gə́ njeboo-néje lé Yee ɓa to gel-bɔje lə Israɛl. Dəwje gə́ Juda lé To gə́ loo ndɔ gə́ yeḛ unda dan kəmee’g. Yeḛ unda mée yel gə mba koo ne néra gə́ danasur rɔ dee’g Nɛ aa ooje, məs ɓa d’ila! Yeḛ unda mée yel gə mba koo ne néra gə́ gə dɔ najee Nɛ aa ooje, ndu kii no̰ ndòo ɓa oo keneŋ!

Bula lə Israɛlje 20:16

Jeḛ no̰ rɔ Njesigənea̰’g ndá yeḛ oo ndu no̰ lə sí ya. Yeḛ ula kura ləa gə́ dara aree ar sí j’undaje loo mee ɓee gə́ Ejiptə n’teḛje. Aa oo, ɓasinè j’isije Kades, ɓee-boo gə́ to ŋgaŋ dɔ naŋg ɓee’g ləi.

Néra Njékaḭkulaje 7:30

Ləb rɔ-sɔ gogo ndá kura gə́ dara teḛ kəmee’g dɔdilaloo’g mbɔr mbal gə́ ria lə Sinai dan ndo̰ pər gə́ taa ŋgon kag’d lé.

Tel tura Godndu 24:15

Seḭ a kaareeje nékoga-dɔ-jia mee ndəa’g ya ɓa kar kàr ur naŋg ɓəi, mbata yeḛ to njendoo ndá mal kiŋga lar lé rəa ŋgwɔd-ŋgwɔd. Ɓó lé bèe el ndá yeḛ a no̰ rɔ Njesigənea̰’g kwɔji ne dɔ sí ndá seḭ a karje ta kaiya wa dɔ sí tɔ.

Maktub gə́ Jak ula ne ar ngan-Allaje 5:4

Aa ooje, njékulaje gə́ d’inja kó mee ndɔje’g lə sí gə́ seḭ bəŋgərə deeje nɛ lar kuga ji dee lé ɓaŋgee ɓar yor-yor, ndu kii no̰ lə njékulaje kara oso mbi Mbaidɔmbaije gə́ njeboo-néje gə́ dara lé tɔ.

Njéga̰g-Rəwtaje 4:3

Israɛlje no̰ ɓar Njesigənea̰ mbata Jabḭ aw gə pusu-rɔje gə́ ra gə larndul tɔl-jinaikara (900) ndá yeḛ ra sə dee néje gə́ kərm-kərm gə́ al dɔ dee sula as ləb rɔ-joo.

1 Samel 12:8

Loo gə́ Jakob ree Ejiptə mba̰ ndá bɔ síje-je no̰ ɓar Njesigənea̰. Bèe ɓa Njesigənea̰ ula Moyis gə Aaro̰ ar dee d’ar bɔ síje-je d’unda loo mee ɓee’d gə́ Ejiptə teḛ ləm, d’ar dee d’isi loo gə́ nee’g ləm tɔ.

1 Samel 9:16

Bèlè, kàr gə́ bèe ndá m’a kula dəw gə́ ɓee’g lə Bḛjami karee ree rɔi’g ndá i a kwa dəa gə ubu mba karee to mbai dɔ koso-dəwje ləm gə́ Israɛl. Yeḛ a taa koso-dəwje ləm ji Pilistije’g mbata ma m’aa loo m’oo koso-dəwje ləm ndá ndu no̰ lə dee aw saar teḛ rɔm’g ya.