Teḛ-Raga 2:14 - Maktub gə́ To gə Kəmee

¹⁴ Dəw neelé ilá keneŋ pana: See na̰ ɓa undai gə́ mbai gə́ njegaŋ-rəwta dɔ sí’g wa. See i ndigi tɔlm to gə́ i tɔl ne dəw gə́ Ejiptə tagə́nè bèe lé wa. Moyis ɓəl ndá ə̰ji ta mée’g pana: Tɔgərɔ ya, né neelé to raga kəm dəwje’g mba̰.

Teḛ-Raga 2:14 ပူးပေါင်းရင်းမြစ်များ

Gḭ-Néje 13:8

Abram ula Lɔt pana: M’ra ndòo rɔi’g, maji kar ta tḭ-na̰ oso mbuna sí-jeḛ səi’g el ləm, mbuna njéŋgəm nékulje ləm gə njéŋgəm nékulje ləi’g el ləm tɔ, mbata jeḛ n’to ŋgako̰ na̰je.

Gḭ-Néje 19:9

Deḛ tel d’ulá pana: Ɔd gə́ gogo! Deḛ tel pa ya tɔɓəi pana: Yeḛ gə́ ree gə́ dəw-dɔ-ɓee ɓa yeḛ ndigi tel to njegaŋ-rəwta! Maji ya, j’a ra səi majel unda dee-deḛ ya. Deḛ d’ɔs Lɔt piriŋ gə́ raŋg mba təd takəi kandə keneŋ.

Gḭ-Néje 34:27

Ŋgalə Jakob lé d’ur dɔ yoo-dəwje’g ndá d’odo némajije mee ɓee’g neelé mbata tuji gə́ deḛ tuji ŋgoko̰ dee gə́ dené lé.

Gosota-Kəmkàrje 19:12

Oŋg lə mbai lé to asəna gə ndu kinja miḭ lə toboḭ bèe ləm, Koo kəmtondoo ləa lé to asəna gə mán-tàl gə́ wa dɔ mu’g bèe ləm tɔ.

Gosota-Kəmkàrje 29:25

Ɓəl dəwje lé to gə́ gum, Nɛ yeḛ gə́ ɔm mee jəb-jəb dɔ Njesigənea̰’g lé a si lɔm.

Bula lə Israɛlje 16:13

Tɔɓəi deḛ pana: see kunda gə́ i ar sí j’undaje loo mee ɓee gə́ mbà gə ubu tə̰ji to keneŋ n’teḛje mba kar sí j’wəije dɔdilaloo’g lé asi el ya ɓəi ɓa i aw ra rɔi gə́ mbai dɔ sí ya tɔɓəi wa.

Bula lə Israɛlje 16:3

Deḛ mbo̰ dɔ na̰ rɔ Moyis’g gə rɔ Aaro̰’g d’ula dee pana: Ɓasinè lé as ŋga! Mbata koso-dəwje lai lé to gə kəmee ləm, Njesigənea̰ si mbuna dee’g ləm tɔ. See ban ɓa seḭ ooje rɔ sí gə dəwje gə́ boo ur dɔ koso-dəwje’g lə Njesigənea̰ lé ɓəi wa.

Matiyo 21:23

Jeju andə mee kəi-Ala’g si ndoo dee ta ndá mbai dɔ njékinjanéməsje gə ŋgatɔg-dəwje ree pər gə́ rəa’g dəjee pana: See néje gə́ i ra lé see na̰ ɓa un ndia ari gə mba kari ra togə́bè wa.

Lugu 12:14

Jeju tel ila dəw gə́ neelé pana: I dəw nee, see na̰ ɓa ɔrm undam gə́ njera rəwta lə sí əsé njekunda kəm né lə sí dana kai sí wa.

Lugu 19:14

Nɛ njéɓeeje ləa d’ə̰jee bəḭ-bəḭ ndá d’ula njékaḭkulaje gée’g mba kar dee pana: Jeḛ ndigi kar dəw neelé o̰ ɓee dɔ sí’g el.

Lugu 19:27

Ges ta gə́ nai ɓa nee: Njéba̰je ləm gə́ ndigi karm m’o̰ ɓee dɔ dee’g el lé wa deeje gə́ nee amje ndá tɔl deeje kəm’g nee ya.

Néra Njékaḭkulaje 7:35

Moyis neelé gə́ deḛ d’ɔsee rəw pana: See na̰ ɓa undá gə́ mbai gə́ njegaŋ-rəwta’g lə dee wa lé yeḛ nja Ala lé ulá gə́ mbai ləm, gə njekɔm dee tar ləm tɔ ar kura ləa gə́ dara gə́ teḛ kəmee’g dan ŋgon kag’d lé aw la səa tɔ.

Ǝbrəje 11:27

Meekun lé ɓa yeḛ ya̰ ne Ejiptə, dəa to̰ ne kəw dɔ oŋg’g lə mbai el, yeḛ wa mée kɔgərɔ mbata yeḛ oo yeḛ gə́ dumkoo.