Teḛ-Raga 19:9 - Maktub gə́ To gə Kəmee

⁹ Njesigənea̰ ula Moyis pana: Aa oo, m’a ree rɔi’g dan mum’d gə́ dəb bigim’g, mba kar dəwje d’oo ndum loo gə́ ma k’aar kwɔji səi ta ləm, gə mba kar dee d’ɔm ne mee dee dɔi’g ta-ta ləm tɔ. Ndá Moyis lé ndaji ta lə koso-dəwje lé ar Njesigənea̰ ya.

Teḛ-Raga 19:9 ပူးပေါင်းရင်းမြစ်များ

1 Mbaije 8:12

Yen ŋga Salomo̰ pana: Njesigənea̰ ndigi si dan mee loo gə́ ndul njudu-njudu’g.

2 Sôrta Gḭka Israɛlje 20:20

Bèlè lookàree deḛ d’ḭ gə ndɔ rad njaa d’aw dɔdilaloo gə́ Tekoa. Loo gə́ d’a gə kḭ mba kaw ndá Josapat aar no̰ dee’g ula dee pana: Ooje ta ləm, seḭje gə́ Juda gə Jerusalem! Maji kar sí ɔmje meḛ sí dɔ Njesigənea̰, Ala’g lə sí ndá seḭ a ŋgəŋje ne ŋgəŋ-ŋgəŋ. Maji kar sí ɔmje meḛ sí dɔ njéteggintaje’g ləa ndá seḭ a teḛje ne kɔr tɔ.

2 Sôrta Gḭka Israɛlje 6:1

Yen ŋga Salomo̰ pana: Njesigənea̰ pana n’a si dan loo gə́ ndul njudu-njudu’g ya.

Pakɔsje 97:2

Kil lə ndi gə loo gə́ ndul njudu-njudu lé D’aḭ dəa sub ləm, Meekarabasur gə néra gə́ gə dɔ najee lé ɓa To gə́ gin kalimbai ləa ləm tɔ.

Pakɔsje 99:7

Yeḛ pata dan mum gə́ mbo̰ dɔ na̰ sururu’g ar dee ləm, Deḛ d’orè kəm dee ndəŋ dɔ godndiaje’g Gə dɔ torndia gə́ yeḛ ar dee lé ləm tɔ.

Teḛ-Raga 14:31

Israɛlje d’oo ji siŋgamoŋ lə Njesigənea̰ gə́ ɓar mèr-mèr gə́ yeḛ ula ndiŋ dɔ njé gə́ Ejiptə’g lé. Togə́bè ɓa koso-dəwje ɓəl ne Njesigənea̰, tɔɓəi deḛ d’ɔm ne meḛ dee dɔ Njesigənea̰’g ləm, gə dɔ Moyis gə́ to kura ləa ləm tɔ.

Teḛ-Raga 19:16

Ndɔ gə́ njekɔm’g munda teḛ gə ndɔ lé ndi ndaŋg ləm, ndi tel ləma, ndi ḭ ŋgwɔḭ-ŋgwɔḭ ɔn dɔ mbal ləm tɔ, ndu to̰to̰ ɓar po̰-po̰, ar koso-dəwje lai gə́ d’isi loo-si dee’g neelé ɓəl unda dee badə gaŋg dee .

Teḛ-Raga 20:21

Koso-dəwje neelé d’aar ŋgərəŋ, nɛ Moyis rəm pər gə́ rɔ ndi gə́ ḭ ŋgwɔḭ-ŋgwɔḭ’g loo gə́ Ala si keneŋ lé.

Teḛ-Raga 34:5

Njesigənea̰ risi uru dan mum’g ree aar mbɔree’g dəb ndá yeḛ ɔr ndia gə́ tar wəl teg ne gin ria gə́ to Njesigənea̰ lé.

Teḛ-Raga 4:31

Togə́bè ɓa koso-dəwje lé d’ɔm ne meḛ dee dɔ’g. Deḛ d’oo gao to gə́ Njesigənea̰ ila kəmee dɔ Israɛlje’g ləm, yeḛ oo kəmtondoo lə dee ləm tɔ, ndá deḛ d’unda barmba dəb kəm dee naŋg tɔ.

Teḛ-Raga 4:5

Njesigənea̰ pana: Yee ɓa i a ra togə́bè mba kar dee d’ɔm ne meḛ dee dɔi’g to gə́ Njesigənea̰ Ala lə bɔ deeje-je teḛ dɔi’g ya, Ala lə Abrakam gə Isaak gə Jakob tɔ.

Esai 19:1

Ndərta gə́ pa wɔji dɔ ɓee gə́ Ejiptə. Aa ooje, pélé lə ndi gə́ aiŋgwɔd kalaŋ lé Yee ɓa Njesigənea̰ uba aw ne Ejiptə, Bèe ɓa magəje gə́ Ejiptə d’unda bala tigi-tigi nea̰’g ləm, Mee Ejiptəje kara təd ne mán ləm tɔ.

Esai 7:9

Samari ɓa to gə́ ko̰ɓee gə́ Eprayim Ar ŋgolə Remalia ɓa to mbai dɔ Samari tɔ. Ɓó lé aarje njaŋg dɔ ta’g neelé el ndá Seḭ a síje kəmba el.

Bula lə Israɛlje 12:5

Njesigənea̰ ree dan mum’g, yeḛ aar tarəw kəi-kubu’g. Yeḛ ɓar Aaro̰ gə Miriam ndá deḛ joo bɔr d’aw lam gə́ kédé.

Matiyo 17:5

Ta gə́ pa nai təa’g ɓəi ndá mum ree liriri dəb dɔ dee’g rigim ar ndu dəw ɓar mee mum’g neelé wəl pana: Yeḛ neelé to Ŋgonəm gə́ gəd-gəd gə́ m’undá dan kəm’g gə́ taa kəm rəgm ya. Taaje ta təa’g.

Mark 9:7

Yen ŋga mum ree liriri dəb dɔ dee’g rigim, tɔɓəi ndu dəw ɓar mee mum’g wəl pana: Yeḛ gə́ aar neelé to gə́ ŋgonəm gə́ m’undá dan kəm’g ya. Maji kar sí ooje ta təa’g ya.

Lugu 10:16

Yeḛ gə́ oo ta lə sí ndá yeḛ oo ta ləm-ma ya tɔɓəi yeḛ gə́ ɔs sí-seḭ rəw lé ndá yeḛ ɔsm-ma rəw ya tɔ. Dəw gə́ ɔsm-ma rəw lé ndá yeḛ ɔs dəw gə́ njekulam lé rəw ya tɔ.

Tel tura Godndu 4:10

Arje meḛ sí olé dɔ ndɔ gə seḭ aarje no̰ Njesigənea̰ Ala’g le sí dɔ mbal’d gə́ Orɛb, loo gə́ Njesigənea̰ ulam ne pana: Maji kam mbo̰ koso-dewje rɔm’g. Neḛ ndigi kar dee d’oo taje le neḛ kar dee gər loo ɓəl neḛ gə mee ndɔje lai gə́ d’a si ne kəmba dɔ naŋg nee, Tɔɓəi gə mba kar dee ndo ŋgan deeje taree tɔ.

Tel tura Godndu 4:36

Yeḛ ar sí ooje ndia gə́ ɓar mee dara’g gə mba ndoo sí ne né, yeḛ ar sí ooje pər ləa gə́ boo dɔ naŋg nee ləm, seḭ ooje taje ləa gə́ pa dan pər’g ləm tɔ.

Loo gə́ killa rea kəm Ja̰’g 1:7

Aa ooje, yeḛ a gə ree dan loo-kil’g lə ndi. Kəm dəwje lai a mbo̰ na̰ dəa’g ndá deḛ gə́ d’ɔsee gə niŋga kara d’a kée tɔ. Gin koji dəwje-dəwje lai dɔ naŋg nee d’a no̰ sii mbig-mbig gə mbəa. Bèe ya.