Teḛ-Raga 19:5 - Maktub gə́ To gə Kəmee

⁵ Ɓasinè lé ɓó lé seḭ ooje ndum ləm, gə seḭ aarje dɔ ndu manrɔ’g ləm ləm tɔ ndá seḭ a toje dəwje ləm ma ya doŋgɔ mbuna dəwje’g lai mbata dɔ naŋg nee lai lé to kama ya ,

Teḛ-Raga 19:5 ပူးပေါင်းရင်းမြစ်များ

Gḭ-Néje 17:9

Ala ula Abrakam pana: I lé i a kaa dɔ manrɔ ləm kər-kər, i gə ŋgakaije gə́ d’a gə korè gooi gə goo ŋgaka deeje.

1 Mbaije 8:53

Mbata i ɔr dee mbuna koso-dəwje gə́ raŋg’d lai gə́ dɔ naŋg nee mba kar dee tel to kaḭje, to gə́ i pa ne taree njaŋg gə ndu kura ləi Moyis, loo gə́ i ar bɔ síjeḛ-je d’unda loo mee ɓee gə́ Ejiptə teḛ lé, Mbaidɔmbaije gə́ Njesigənea̰.

1 Sôrta Gḭka-Israɛlje 17:22

I unda Israɛlje gə́ koso-dəwje ləi ya saar-saar gə no̰ ləm, mba kari-i Njesigənea̰ kara tel to ne Ala lə dee ləm tɔ.

Maktub gə́ wɔji dɔ Jɔb 41:11

Ndo̰ pər teḛ təa’g bilim-bilim Ar ndɔbee ubu pur-pur tɔ.

Maktub gə́ wɔji dɔ Jɔb 41:3

See na̰ ɓa un né am unda ne ɓaŋg dɔm’g mba kam m’uga wa. Néje lai gə́ to gin dara’g lé to kama ya.

Pakɔsje 135:4

Mbata Njesigənea̰ lé nja ɓa mbər Jakob ləm, Ar Israɛl to gə́ kea̰ nja doŋgɔ doi ləm tɔ.

Pakɔsje 24:1

Pa lə Dabid Naŋg neelé gə néje lai gə́ to keneŋ ləm, Dɔ naŋg neelé gə dəwje gə́ d’isi keneŋ ləm tɔ lé Deḛ to ka̰ Njesigənea̰ nja kára ba.

Pakɔsje 25:10

Deḛ gə́ d’aa dɔ ndu manrɔ lə Njesigənea̰, gə torndia lé ndá Kila rəwje lə Njesigənea̰ lai to meekɔrjol gə kankəmta mbata lə dee.

Teḛ-Raga 15:26

Yeḛ pana: Ɓó lé seḭ tugaje mbi sí ooje ne ndu Njesigənea̰, Ala lə sí ləm, lé seḭ raje né gə́ taa kəmee ləm, lé seḭ urje mbi sí ooje ne torndiaje ləma, lé seḭ raje godndiaje ləm tɔ ndá rɔko̰je gə́ ɓəd-ɓəd gə́ m’tuji ne njé gə́ Ejiptə lé m’a tuji sí ne el, mbata ma lé m’to Njesigənea̰ gə́ njekaji sí ya.

Teḛ-Raga 23:22

Nɛ ɓó lé seḭ ooje ta ləa tɔgərɔ ɓa raje néje lai gə́ ma m’ula sí ndá ma nja m’a to njeba̰ lə njéba̰je lə sí ləm, m’a to njekoma̰ gə njékoma̰ sə síje ləm tɔ.

Teḛ-Raga 24:7

Yeḛ un maktub manrɔ tura kəm dəwje’g, ndá deḛ pana: Jeḛ j’a raje néje lai gə́ Njesigənea̰ pa ləm, j’a kilaje ŋgonkoji dəa’g ləm tɔ.

Teḛ-Raga 34:9

Yeḛ pana: Mbaidɔmbaije, ɓó lé ma m’taa kəmi rəgm ndá ma m’ra ndòo rɔi’g mba kari orè sə sí rəw na̰’d més mbata dəwje neelé to njégwɔbkelkwɔije ya, ar məəi oso lemsé dɔ néra sí gə́ gə goo rəbee’g el ləm, gə dɔ kaiya ra síjeḛ’g ləm tɔ ndá wa sí gə́ rɔi’g gə́ nédɔjije ləi ya.

Teḛ-Raga 6:7

M’a kar sí toje dəwje ləm doŋgɔ doi ləm, m’a to Ala lə sí ləm tɔ, ndá seḭ a gərje gao to gə́ ma m’to Ala lə sí gə́ Njesigənea̰ gə́ ɔr sí kula ɓərje gə́ njé gə́ Ejiptə d’ɔm dɔ sí’g lé.

Teḛ-Raga 8:22

Moyis ilá keneŋ pana: Yee ɓa to nékəmra el mbata nékinjanéməsje gə́ j’a kun kar Ala lə sí gə́ Njesigənea̰ lé to né gə́ to kḛji kəm Ejiptəje’g. Bèe ɓa ɓó lé jeḛ j’inja nékinjanéməsje gə́ to kḛji kəm dee’g j’ar Ala kəm dee-deḛ’g lé see d’a tila sí gə kɔri-ər el wa.

Teḛ-Raga 9:29

Moyis ulá pana: Loo gə́ m’a kunda loo mee ɓee-boo’g nee teḛ raga ndá m’a kodo jim par gə́ rɔ Njesigənea̰’g ndá ndi a kəw rəa ndaŋg ləm, ndi kwɔji kara a koso teŋ el ləm tɔ, mba kari gər ne gao to gə́ dɔ naŋg neelé to ka̰ Njesigənea̰ ya.

Pa gə́ ur dɔ paje 8:12

Ndɔ-nduú gə́ to kama lé M’aa dəa kər-kər Larnda gə́ as tɔl-dɔg (10.000) lé To kaḭ-i Salomo̰ ya. Nɛ yeḛ gə́ tɔl-joo (200) gə́ keneŋ lé To ka̰ njéŋgəm ka̰deeje tɔ.

Esai 1:19

Ɓó lé seḭ ḭje gə meḛ sí Mba koo ne ta ləm ndá Seḭ a sɔje némajije Gə́ ur dɔ mareeje mee ɓee’g neelé,

Esai 41:8

Nɛ seḭ Israɛlje gə́ toje kuraje ləm, Seḭ ŋgaka Jakob gə́ ma m’ɔr sí, Seḭ ŋgaka Abrakam gə́ m’unda sí dan kəm’g lé.

Esai 43:1

Nɛ ɓasinè Njesigənea̰, yeḛ gə́ njekunda sí-seḭ njé’g lə Jakob ləm, Gə yeḛ gə́ njekuba sí-seḭ Israɛlje ləm tɔ lé Pa togə́bè pana: Maji kar sí ɓəlje el Mbata ma nja m’uga dɔ sí, Ma m’ɓar sí gə ri sí Ndá seḭ toje kamaje ya!

Esai 56:4

Mbata Njesigənea̰ pata togə́bè pana: Njékujije gə́ d’a kaa dɔ ndɔ-kwa-rɔ ləm ləm, Gə́ d’a mbər néje gə́ taa kəm rəgm ləma, Gə́ d’a kaar dɔ manrɔ’g ləm njaŋg ləm tɔ

Jeremi 10:16

Yeḛ gə́ to ka̰ Jakob lé To asəna gə magəje el, Mbata yeḛ nja ɓa gə́ njera néje lai, Ginkoji Israɛlje to gə́ nédɔji ləa. Njesigənea̰ gə́ njeboo-néje ɓa gə́ ria.

Jeremi 13:11

To gə́ d’wa ne reŋ dəw gə ndar bèe lé neḛ kara n’tɔ gel-bɔje lə Israɛl gə gel-bɔje lə Juda lai reŋ neḛ’g togə́bè tɔ, gə mba kar dee to koso-dəwje lə neḛ ləm, gə riɓar lə neḛ ləm, gə népidi lə neḛ ləma, gə nérɔnduba lə neḛ ləm tɔ, nɛ deḛ d’un mbi dee rəw dɔ ta’g lə neḛ.

Jeremi 7:23

Nɛ ndukun gə́ m’un m’ar dee ɓa nee: Ooje ndum ndá m’a to Ala lə sí ləm, seḭ a toje dəwje ləm ləm tɔ. Njaaje gə goo rəwje gə́ ma m’tɔji sí mba kar sí síje ne dan rɔlel’g.

Ejekel 16:8

Neḛ n’dəs mbɔri’g péd ndá neḛ n’aa loo n’ooi nɛ aa oo, kàree ləi teḛ mba̰, to kàr taa ŋgaw ləi ŋga. Neḛ n’teḛ ta kubu lə neḛ gə́ ŋgal yududu n’ila dɔi’g n’o̰ ne kudi gə́ to dum lé. Neḛ n’un ndu neḛ n’ari gə mba kɔm səi na̰’d sad ləm, neḛ manrɔ neḛ n’ari ləm tɔ, Mbaidɔmbaije gə́ Njesigənea̰ ɓa pa bèe ndá seḭ toje ka̰ neḛje ya.

Ləbije 20:24

Ma m’ula sí m’pana: Seḭ nja ɓa dɔ naŋg lə dee a to ka̰ sí ya, M’a kar sí gə́ ka̰ sí ya: To ɓee gə́ mbà gə ubu tə̰ji d’aḭ keneŋ tɔ. Ma m’to Njesigənea̰, Ala lə sí gə́ m’kɔdə sí m’ɔr sí dan ginkoji dəwje gə raŋg’g.

Amɔs 3:2

Ma mbər sí-seḭ ya kára ba Mbuna ginkoji dəwje’g lai-lai gə́ dɔ naŋg nee: Gelee gə́ nee ɓa m’a kar bo̰ néra majel lə sí lai ɔs ta sí’g ya.

Amɔs 6:1

Meeko̰ a koso dɔ deḛ gə́ d’isi lɔm mee ɓee’g Sio̰ ləm, Gə deḛ gə́ d’isi gə́ majee dɔ mbal’g Samari Lal ɓəl ləm tɔ. Mbata deḛ gə́ to mbaije gə́ boo lə ginkoji dəwje Gə́ d’uru dɔ mar deeje’g lé Ɓa Israɛlje d’aw rɔ dee’g!

Malasi 3:17

Njesigənea̰ gə́ njeboo-néje lé pana: D’a to koso-dəwje gə́ to ka̰ ma ya mee ndəa gə́ m’wa dɔ gɔlee’g lé. M’a koo kəmtondoo lə dee to gə́ dəw oo ne kəmtondoo lə ŋgonee gə́ ra né aree bèe.

1 Njé gə́ Kɔrḭtə 10:26

Mbata naŋg neelé gə néje lai gə́ to keneŋ lé to gə́ ka̰ Mbaidɔmbaije ya.

1 Njé gə́ Kɔrḭtə 10:28

Nɛ ɓó lé dəw ula sí pana: Né gə́ neelé d’inja gə́ məs pole ne né ndá maji kar sí sɔje el gə mbəa-yeḛ gə́ njekula sí taree ləm, gə mba meḛ sí gə́ to kərm ləm tɔ.

Tel tura Godndu 10:14

Aa ooje, Ala lə sí gə́ Njesigənea̰ lé ɓa dara gə́ to dɔ na̰’d dɔ na̰’d lé to kea̰ ləm, gə naŋg nee gə néje lai gə́ to keneŋ to kea̰ ləm tɔ.

Tel tura Godndu 11:27

Ɓó lé seḭ ilaje koji dɔ godnduje’g lə Ala lə sí gə́ Njesigənea̰ gə́ ma m’un m’ar sí ɓogənè lé ndá ndutɔr ɓa wɔji dɔ sí,

Tel tura Godndu 14:2

Mbata seḭ toje koso-dəwje gə́ toje gə kəmee gə mbata lə Ala lə sí gə́ Njesigənea̰. Ala lə sí gə́ Njesigənea̰ mbər sí gə mba kar sí toje gə́ kea̰je ya mbuna koso-dəwje lai gə́ dɔ naŋg nee.

Tel tura Godndu 14:21

Nékul gə́ wəi gə́ kwəi lé seḭ a sɔje kára kara el, seḭ a karje dəw-dɔ-ɓee gə́ a si mee ɓee’g lə sí ɓa gə mba karee sɔ əsé a karje dəw-dɔ-ɓee lé ndogo sə sí, mbata seḭ toje koso-dəwje gə́ toje gə́ kəmee mbata lə Ala lə sí gə́ Njesigənea̰. Seḭ a ndirije ŋgon bya̰ gə mbà kea̰ el.

Tel tura Godndu 26:18

Tɔɓəi ɓogənè Njesigənea̰ ar sí unje ndu sí gə mba toje ne koso-dəwje gə́ d’a to kea̰je ya doŋgɔ doi to gə́ yeḛ ula sí ne ləm, gə mba kar sí aaje ne dɔ torndiaje lai kər-kər ləma,

Tel tura Godndu 26:19

gə mba karee ar sí urje ne dɔ ginkoji dəwje gə raŋg’g lai gə́ yeḛ nja unda dee lé gə rɔnduba ləm, gə riɓar ləma, gə boo-némajije ləm tɔ, gə mba kar sí toje ne koso-dəwje gə́ toje gə kəmee mbata lə Ala lə sí gə́ Njesigənea̰ to gə́ yeḛ ula sí lé tɔ.

Tel tura Godndu 28:1

Ɓó lé seḭ ilaje ŋgonkoji dɔ tapa Njesigənea̰ Ala’g lə sí ləm, gə́ aaje dɔ godnduje lai gə́ ma m’un m’ar sí ɓogənè mba ra née ləm tɔ ndá Ala lə sí gə́ Njesigənea̰ a kar sí urje dɔ ginkoji dəwje gə raŋg’g lai dɔ naŋg nee.

Tel tura Godndu 28:9

Seḭ a toje ginkoji dəwje gə́ to gə kəmee mbata lə Njesigənea̰, to gə́ yeḛ man ne rəa ar sí, loo gə́ seḭ a kaaje dɔ godnduje lə Ala lə sí gə́ Njesigənea̰ ləm, gə seḭ a njaaje gə kila-rəwje ləa ləm tɔ.

Tel tura Godndu 4:20

Nɛ seḭ lé Njesigənea̰ ɔr sí ar sí undaje loo mee ɓee gə́ Ejiptə gə́ to loo gə́ nuŋga kəd-kəd asəna gə loo-kula-bṵda bèe teḛje, gə mba kar sí toje koso-dəwje gə́ toje kea̰je ya doŋgɔ doi to gə́ seḭ toje ne ɓogənè lé tɔ.

Tel tura Godndu 5:2

Ala lə sí gə́ Njesigənea̰ man rəa ar sí kaar mbal gə́ Orɛb’g.

Tel tura Godndu 7:6

Mbata seḭ lé seḭ toje gə́ koso-dəwje gə́ toje gə kəmee mbata lə Ala lə sí gə́ Njesigənea̰, Ala lə sí gə́ Njesigənea̰ ɔr sí mba kar sí toje koso-dəwje gə́ toje kea̰-yeḛje mbuna koso-dəwje lai gə́ dɔ naŋg nee tɔ.

Tel tura Godndu 9:29

Lé to togə́bè kara deḛ to koso-dəwje ləi gə́ to nédɔjije ləi gə́ i ar dee d’unda loo Ejiptə teḛ gə goo boo-siŋgamoŋ ləi gə jii gə́ ula ndiŋ lé ya.

Titə 2:14

Yeḛ neelé ya̰ rəa ar yoo mbata lə sí mba kuga ne néra sí gə́ yèr gə́ rara kara ləm, gə mba togo ne won sí kɔr ɓə̰dərə-ɓə̰dərə ləma, mba kunda sí ne gə́ koso-dəwje ləa-yeḛ nja doŋgɔ doi gə mba kar sí j’ɔs ne rɔ sí ɓad-ɓad dɔ néraje gə́ maji’g ləm tɔ.

Ǝbrəje 11:8

Meekun lé ɓa Abrakam ila ne ŋgonkoji dɔ Ala’g. Loo gə́ yeḛ ɓaree ne mba karee aw si dɔ naŋg gə́ yeḛ a gə kiŋga gə́ dɔ nduba ləa ndá yeḛ ḭ aw ne, nɛ yeḛ gər loo kabee el.

Ǝbrəje 8:9

Manrɔ gə́ sigi lé a to kasəna gə yeḛ gə́ ləw gə́ ma man ne rɔm m’ar bɔ deeje el. To ndɔ gə́ m’wa ji dee wɔgədɔ m’ɔr dee Ejiptə’g m’teḛ sə dee Mbata deḛ d’ai meḛ dee sam-sam dɔ manrɔ’g ləm el, Bèe ɓa ma kara dɔm to̰ ne kəw el. Mbaidɔmbaije ɓa pa bèe.

Jujé 24:24

Koso-dəwje lé d’ula Juje pana: J’a kwaje Njesigənea̰, Ala lə sí meḛ sí’g ya ləm, j’a kila ŋgonkoji dɔ tapea’g ya ləm tɔ.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.

1 Samel 15:22

Samel pana: See Njesigənea̰ iŋga rɔlel dɔ nékinjanéməsje gə́ roo gə nékinjanéməsje gə́ raŋg to gə́ yeḛ iŋga ne rɔlel loo kila ŋgonkoji dɔ godndu Njesigənea̰’g to wa. Aa oo, kila ŋgonkoji lé maji unda nékinjanéməsje ləm, kaa dɔ ta ɓa maji unda ubu bàl badje ləm tɔ.