Teḛ-Raga 19:4 - Maktub gə́ To gə Kəmee

⁴ Seḭ ooje né gə́ m’ra gə njé gə́ Ejiptə ləm, gə goo rəw gə́ m’odo sí ne seḭ Israɛlje m’ree ne sə sí rɔm’g lé ləm tɔ.

Teḛ-Raga 19:4 ပူးပေါင်းရင်းမြစ်များ

Esai 40:31

Nɛ deḛ gə́ d’ɔm meḛ dee dɔ Njesigənea̰’g lé Siŋga dee ḭ dɔ maree’d gə́ kédé-kédé. Deḛ nar to gə́ niŋgatə̰də bèe ləm, Deḛ d’aiŋgwɔd nɛ rɔ dee as dee el ləma, Deḛ njaa kara dao el ləm tɔ.

Esai 63:9

Dan nékəmndooje’g lə deḛ lai lé D’isi lal njela sə dee el, Kura ləa gə́ dara gə́ aar nea̰’g lé To njekaji dee, Dan meenoji gə kookəmtondoo’g ləa lé Yeḛ nja uga ne dɔ dee. Ta-ta mee ndɔje gə́ ləw lé Yeḛ gəd dee ləm, Yeḛ odo dee ləm tɔ.

Ojee 11:1

Njesigənea̰ pana: Loo gə́ Israɛlje nai ne ŋganje ɓəi lé Neḛ n’unda dee dan kəm neḛ’g, Neḛ m’ɓar dee ŋgan neḛje N’ar dee d’unda ne loo mee ɓee gə́ Ejiptə teḛ.

Ajee 2:5

Neḛ n’aar dɔ manrɔ’g lə neḛ gə́ neḛ man ne rɔ neḛ n’ar sí loo gə́ seḭ undaje ne loo mee ɓee gə́ Ejiptə teḛje lé ya mbata Ndil neḛ nai mbuna sí’g ya. Maji kar sí gə́ ɓəlje el!

Malasi 2:10

Jeḛ lai lé see bɔ síje to gə́ kára ba kiao el wa. See Ala ya kára ba kiao ɓa to gə́ njekunda sí el wa. Ŋga see gelee ban ɓa jeḛ j’ərje kəm na̰ j’ulaje ne sul dɔ manrɔ’g lə bɔ síje-je lé ɓəi wa.

Tel tura Godndu 1:30

Ala lə sí gə́ Njesigənea̰ gə́ aw no̰ sí’g lé yeḛ nja a rɔ mbata lə sí gə goo néje lai gə́ yeḛ ra mbata lə sí kəm sí’g mee ɓee gə́ Ejiptə lé

Tel tura Godndu 1:31

tɔɓəi loo gə́ dɔdilaloo’g lé seḭ ooje to gə́ Ala lə sí gə́ Njesigənea̰ odo sí to gə́ dəw odo ne ŋgonee bèe, gə rəwje lai gə́ seḭ awje keneŋ saar teḛje ne lée’g neelé.

Tel tura Godndu 29:1

Moyis ɓar Israɛlje lai ula dee pana: Loo gə́ seḭ síje mee ɓee gə́ Ejiptə lé, seḭ ooje néje lai gə́ Njesigənea̰ ra kəm sí’g gə Parao̰ gə kuraje ləa lai gə ɓee ləa lai ləm,

Tel tura Godndu 29:2

seḭ ooje nénaaje gə́ boo gə némɔrije gə nédumkooje gə́ boo ləm tɔ.

Tel tura Godndu 4:9

Né kára ba lé undaje kəmkàr dɔ rɔ sí’g ləm, gə aaje dɔ rɔ sí kər-kər ləm tɔ, gə ndɔje lai gə́ seḭ síje ne kəmba lé bèe ɓa néje lai gə́ seḭ oo deeje gə kəm sí lé d’a kigi sí nda̰ el nɛ seḭ a ndooje ŋgan síje taree ləm, a ndooje ŋgan meḛ ŋgan síje kara taree ləm tɔ.

Jujé 23:3

Seḭ ooje néje lai gə́ Njesigənea̰, Ala lə sí ra gə ginkoji. dəwje gə raŋg lai no̰ sí’g, mbata to Njesigənea̰, Ala lə sí ɓa rɔ mbata lə sí ya.

Loo gə́ killa rea kəm Ja̰’g 12:14

Deḛ d’ar dené lé bag magəra gə́ joo gə mba karee ḭ aw ne dɔdilaloo’g par gə́ loo’g ləa ndá deḛ ŋgəm keneŋ as mbuna-loo kára, gə mbuna-looje gə́ raŋg, gə ges mbuna-loo kára tɔ. Dené lé a si ŋgərəŋ ɓó gə mba kar kəm li lé oso dəa’g el.