Teḛ-Raga 19:3 - Maktub gə́ To gə Kəmee

³ Moyis tuga loo aw rɔ Ala’g lé, Njesigənea̰ ɓaree wəl par gə́ dɔ mbal’g tar pana: I a pa togə́bè kar ŋgaka Jakob gə́ to Israɛlje lé pana:

Teḛ-Raga 19:3 ပူးပေါင်းရင်းမြစ်များ

Teḛ-Raga 19:20

Togə́bè ɓa Njesigənea̰ ḭ tar ree ur dɔ mbal gə́ Sinai’g, dɔ sém mbal gə́ tar, Njesigənea̰ ɓar Moyis gə́ dɔ sém mbal gə́ tar. Ndá Moyis al aw ya.

Teḛ-Raga 20:21

Koso-dəwje neelé d’aar ŋgərəŋ, nɛ Moyis rəm pər gə́ rɔ ndi gə́ ḭ ŋgwɔḭ-ŋgwɔḭ’g loo gə́ Ala si keneŋ lé.

Teḛ-Raga 24:12

Njesigənea̰ ula Moyis pana: Al gə́ rɔm’g dɔ mbal’g neelé ndá sí keneŋ nee, m’a gə kari bəgərə mbalje, loo gə́ ma m’ndaŋg godndumje gə torndumje keneŋ mba kari ndoo dee lé.

Teḛ-Raga 24:13

Moyis ḭta, deḛ gə Juje gə́ nje la səa dɔ kula’g lé, ndá Moyis al aw dɔ mbal’g lə Ala.

Teḛ-Raga 3:12

Ala pana: Ma nja m’a korè səi rəw na̰’d més, tɔɓəi né gə́ a kari gər gao to gə́ to ma nja m’ulai ɓa to nee: Loo gə́ i ar koso-dəwje d’unda loo mee ɓee gə́ Ejiptə teḛ mba̰ ndá seḭ a kwaje kila Ala dɔ mbal’g neelé ya.

Teḛ-Raga 3:4

Njesigənea̰ oo to gə́ yeḛ tel aw gə́ keneŋ mba koo ndá Ala nja ɓaree mee ŋgon kag’d neelé pana: Moyis, Moyis. Yeḛ ndigi təa’g pana: Yḛ̀ m’aar nee!

Teḛ-Raga 34:2

Wa dɔ gɔl rɔi ndá bèlè gə ndɔ i a kuba dɔ mbal gə́ Sinai, bèe ɓa i a kaar tar nɔm’g dɔ sém mbal’g tar lé tɔ.

Teḛ-Raga 34:4

Moyis tɔl bəgərə mbalje joo to gə́ kédé lé ndá yeḛ ḭta gə ndɔ rad ɓa al aw dɔ mbal gə́ Sinai gə goo ndukun gə́ Njesigənea̰ un ne ndia aree tɔɓəi yeḛ odo bəgərə mbalje gə́ joo neelé jia’g tɔ.

Ləbije 1:1

Njesigənea̰ ɓar Moyis wəl mee kəi-kubu-kiŋga-na̰’g ulá pana:

Néra Njékaḭkulaje 7:38

To Moyis neelé nja ɓa gə́ nai sə dee loo-mbo̰-dɔ-na̰’g lə deḛ gə́ dɔdilaloo’g ləm, yeḛ aw iŋga kura lə Ala gə́ dara aree wɔji səa ta dɔ mbal gə́ ria lə Sinai ləma, yeḛ nai gə bɔ síjeḛ-je ləm tɔ ɓa yeḛ iŋga ne ta godndu gə́ to kəmba ŋgəd-ŋgəd gə mba kar sí lé.