Teḛ-Raga 19:2 - Maktub gə́ To gə Kəmee

² Mbata deḛ d’ḭ Repidim ndá deḛ teḛ dɔdilaloo gə́ Sinai, tɔɓəi deḛ d’isi dɔdilaloo’g waga, Israɛlje d’isi keneŋ waga mbɔr mbal’g lé ya.

Teḛ-Raga 19:2 ပူးပေါင်းရင်းမြစ်များ

Teḛ-Raga 17:1

Koso-dəwje gə́ Israɛl lai d’ḭ dɔdilaloo’d gə́ Sin d’ɔd d’aw gə goo rəw njaa lə dee gə́ Njesigənea̰ un ndia dɔ’g ar dee lé, deḛ d’isi Repidim waga ndá lé gə́ nee lé ɓa dəwje d’iŋga mán-kai dee keneŋ el.

Teḛ-Raga 17:8

Amalekje rɔ gə Israɛlje mee ɓee gə́ Repidim.

Teḛ-Raga 18:5

Jetro gə́ məəm Moyisje lé ree gə ŋgalə Moyis gə dené ləa lé, ree sə dee dɔdilaloo’g loo gə́ yeḛ si mbɔr mbal’g lə Ala waga.

Teḛ-Raga 3:1

Moyis aw ul nékulje lə məmeeje gə́ ria lə Jetro gə́ to njekinjanéməs gə́ Madian, yeḛ aw gə nékulje neelé dɔdilaloo’g teḛ sə dee dɔ mbal’g lə Ala gə́ ria lə Oreb.

Teḛ-Raga 3:12

Ala pana: Ma nja m’a korè səi rəw na̰’d més, tɔɓəi né gə́ a kari gər gao to gə́ to ma nja m’ulai ɓa to nee: Loo gə́ i ar koso-dəwje d’unda loo mee ɓee gə́ Ejiptə teḛ mba̰ ndá seḭ a kwaje kila Ala dɔ mbal’g neelé ya.

Bula lə Israɛlje 1:1

Ndɔ gə́ doŋgɔr lə naḭ gə́ njekɔm’g joo, mee ləb gə́ njekɔm’g joo gə́ orè goo kunda gə́ d’unda loo mee ɓee gə́ Ejiptə teḛ lé Njesigənea̰ ula Moyis ta dɔdilaloo gə́ Sinai mee kəi-kwa-dɔ-na̰’g pana:

Bula lə Israɛlje 33:15

Deḛ d’ḭ Repidim d’aw d’wa loo-si dee dɔdilaloo gə́ Sinai.

Néra Njékaḭkulaje 7:30

Ləb rɔ-sɔ gogo ndá kura gə́ dara teḛ kəmee’g dɔdilaloo’g mbɔr mbal gə́ ria lə Sinai dan ndo̰ pər gə́ taa ŋgon kag’d lé.

Néra Njékaḭkulaje 7:38

To Moyis neelé nja ɓa gə́ nai sə dee loo-mbo̰-dɔ-na̰’g lə deḛ gə́ dɔdilaloo’g ləm, yeḛ aw iŋga kura lə Ala gə́ dara aree wɔji səa ta dɔ mbal gə́ ria lə Sinai ləma, yeḛ nai gə bɔ síjeḛ-je ləm tɔ ɓa yeḛ iŋga ne ta godndu gə́ to kəmba ŋgəd-ŋgəd gə mba kar sí lé.

Njé gə́ Galati 4:24

Ta néje neelé to gə́ gosota ya, mbata denéje gə́ joo neelé to d’asəna gə manrɔje gə́ joo tɔ. Yeḛ gə́ kára wɔji dɔ mbal gə́ Sinai, yeḛ ɓa to Agar gə́ njekoji ŋganje gə́ d’a to gə́ gin ɓər’g lé.