Teḛ-Raga 18:7 - Maktub gə́ To gə Kəmee

⁷ Moyis teḛ aw tila kəm məmeeje ndá yeḛ unda barmba nea̰’g tɔɓəi yeḛ il ɓɔlee tɔ. Deḛ dəji na̰ ta gə́ wɔji dɔ roŋgəŋ lə dee-deḛ ləm gə ka̰ njémeekəije ləm tɔ ndá deḛ d’andə d’aw mee kəi-kubu’g lə Moyis.

Teḛ-Raga 18:7 ပူးပေါင်းရင်းမြစ်များ

Gḭ-Néje 14:17

Loo gə́ Abram dum Kedorlaomer gə mbaije lai gə́ d’aw səa na̰’d ɓa tel ɓəi ndá mbai gə́ Sɔdɔm teḛ tila kəmee iŋgá kəm wəl-loo gə́ sabe gə́ ɓaree Wəl-loo lə mbai lé.

Gḭ-Néje 18:2

Yeḛ un kəmee gə́ tar ndá aa oo, yeḛ oo dəwje munda gə́ d’aar mbɔree’g dəb. Loo gə́ yeḛ oo dee ndá yeḛ ḭ ta kəi-kubu’g ləa aiŋgwɔd mba tila kəm dee, tɔɓəi yeḛ unda barmba naŋg no̰ dee’g tɔ.

Gḭ-Néje 19:1

Kuraje lə Ala gə́ dara gə́ joo lé teḛ Sɔdɔm kàrkemetag ndá Lɔt si tarəwkɔg’d lə Sɔdɔm. Loo gə́ Lɔt oo dee ndá yeḛ ḭta aw gə mba tila kəm dee ndá yeḛ unda barmba ɔs dəa naŋg no̰ dee’g.

Gḭ-Néje 29:13

Loo gə́ Laba̰ oo ta lə Jakob gə́ to ŋgolə lə kɔnanee lé ndá yeḛ aḭ aw tila kəmee ləm, wá kaaree’g sud il ɓɔlee ləma, aree ree səa mee kəi’g ləa ləm tɔ. Jakob ɔr sor néje neelé lai ar Laba̰ oo tɔ.

Gḭ-Néje 31:28

I ɔgm loo kil ɓɔl ŋganəmje gə́ diŋgam gə njé gə́ dené tɔ. Né gə́ i ra səm lé to kula mbə ya.

Gḭ-Néje 43:26

Bèe ɓa loo gə́ Jisəb tel kəi ndá deḛ d’un né-lapia lə dee gə́ deḛ ree ne lé d’aree tɔɓəi deḛ d’unda barmba naŋg nea̰’g tɔ.

Gḭ-Néje 45:15

Tɔɓəi yeḛ il ɓɔl ŋgakea̰je lai, no̰ ne dɔ dee’g. Gée gə́ gogo ndá ŋgakea̰je d’wɔji səa ta.

Gḭ-Néje 46:29

Jisəb wa dɔ gɔl pusu ləa al si keneŋ mba kaw Gosen mba tila kəm bɔbeeje gə́ Israɛl. Loo gə́ yeḛ teḛ aar nea̰’g ndá yeḛ tuga gwɔbee ka̰ bɔbeeje’g no̰ ne gə́ kuree ya.

2 Samel 11:7

Loo gə́ Uri teḛ rɔ Dabid’g ndá yeḛ dəjee ta lə Joab ləm, gə ta lə njérɔje ləma, gə ta lə rɔ ləm tɔ.

1 Mbaije 2:19

Bat-Seba aw rɔ mbai Salomo̰’g mba kulá ta gə́ wɔji dɔ Adonija lé. Mbai lé ḭta aw tila kəmee, yeḛ unda barmba nea̰’g ɓa tel si dɔ kalimbai’g ləa ɓəi. D’unda kag-si kára d’ar ko̰ mbaije lé si ne dɔ jikɔlee’g tɔ.

Pakɔsje 2:12

Maji kar sí ilaje koji dɔ ŋgon’g Nà banelə a ra oŋg Kar sí uduje ne bo̰ rəw-kaw sí’g. Mbata oŋg ləa nduba kalaŋ ya. Deḛ gə́ d’ɔm meḛ dee dəa’g lé D’isi gə rɔlel ya.

Teḛ-Raga 18:6

Yeḛ ar dee d’ula Moyis pana: Neḛ Jetro gə́ n’to məmeeje lé ɓa n’aw n’ree gə́ rəa’g gə dené ləa gə ŋganeeje gə́ diŋgam gə́ joo lé.

Teḛ-Raga 33:7

Moyis la kəi-kubu gir loo-si dee gə́ raga gə kuree ɗegəse, togə́bè ɓa deḛ lai gə́ ndigi dəji Njesigənea̰ ta lé teḛ d’aw gə́ kəi-kubu-kiŋga-na̰ gə́ to gir loo-si dee gə́ raga lé tɔ.

Teḛ-Raga 4:27

Njesigənea̰ ula Aaro̰ pana: Ɔd aw dɔdilaloo’g aw tila kəm Moyis. Aaro̰ ɔd aw ndá yeḛ iŋga Moyis mbɔr mbal’g lə Ala ndá yeḛ il ɓɔlee.

Bula lə Israɛlje 22:36

Balak oo to gə́ Balaam si ree ndá yeḛ teḛ aw mba tila kəmee, aw saar teḛ ɓee-boo gə́ Moab gə́ to ta baa gə́ Arno̰ gə́ to ŋgaŋ rəw-nim-ɓee.

Lugu 7:45

I tɔnəm el, nɛ dené neelé loo gə́ m’andə kəi pət ya ɓəi ndá yeḛ to̰ gɔlm saar ɓasinè ɓó yeḛ əw rəa el nja ɓəi tɔ.

Néra Njékaḭkulaje 20:37

Deḛ lai neelé kəm dee təd gə mán-no̰, ar dee nim na̰ dɔ tamee’g njururu.

Néra Njékaḭkulaje 28:15

Ŋgako̰ síjeḛ gə́ d’oo no̰ sí lé d’ḭ Rɔm ree tila kəm sí saar d’iŋga sí loo-suk gə́ ria lə Apius ləm, gə Kəi-to-mbàje gə́ Munda lé ləm tɔ. Loo gə́ Pool aa loo oo dee ndá yeḛ ra Ala oiyo wa rəa kɔgərɔ tɔ.

Njéga̰g-Rəwtaje 11:34

Loo gə́ Jepte aw tel ree gə́ kəi ləa gə́ Mispa ndá aa oo, ŋgonee gə́ dené unda loo teḛ tila kəmee gə dalè gə ndamje. To ŋgonee gə́ kára ba kiao ya, yeḛ aw gə ŋgon gə́ diŋgam əsé ŋgon gə́ dené gə́ raŋg el.

1 Samel 17:18

Odo kuba mbà gə́ ɓi dɔg aw ne ar njekaa dɔ njérɔje gə́ tɔl-dɔg (1.000) lə dee tɔ. I a koo ɓó lé ŋgakɔḭje d’isi gə́ majee ndá i a tel ree kulam ta lə dee gəd kam m’oo.

1 Samel 17:22

Dabid ɔm néje ləa gə́ yeḛ odo lé ji njeŋgəm nékodoje’g ndá yeḛ aḭ aw loo-kaar njérɔje’g. Léegəneeya gə́ yeḛ teḛ rɔ ŋgakea̰je’g ndá yeḛ dəji dee pana: See d’isi ban wa.