Teḛ-Raga 18:20 - Maktub gə́ To gə Kəmee

²⁰ Maji kari ndoo dee godndiaje gə torndiaje, ar dee-deḛ gər rəw gə́ kəm kar dee njaa keneŋ ləma, gə né gə́ kəm kar dee ra ləm tɔ.

Teḛ-Raga 18:20 ပူးပေါင်းရင်းမြစ်များ

Pakɔsje 143:8

Un kudee teḛ gə ndɔ rad ya ndá Am m’oo meemaji ləi Mbata ma lé m’ɔm məəm dɔi’g ya. Ar kəm inja dɔ rəw gə́ kəm njaa keneŋ lé Mbata ma lé m’tel kəm par gə́ rɔi’g ya.

Pakɔsje 32:8

M’a ndooi ləm, M’a tɔji rəw gə́ kəm kari njaa keneŋ ləm tɔ, M’a kwɔjii ta kəmkàr ləm, M’a korè kəm sḭ dɔi’g ləm tɔ.

Teḛ-Raga 18:16

Loo gə́ ta gə́ kəm gɔl to mbuna dee’g ndá deḛ ree ne rɔm’g, ma m’ɔr kəm ta gə́ to mbuna dee’g ndá m’ar dee gər ne ndukunje lə Ala ləm, gə godndiaje ləm tɔ.

Esai 30:21

Loo gə́ seḭ a gə kawje dɔkɔl əsé dɔgel ndá Mbi sí a koo ndu gə́ ɓar goo sí’g gogo pana: Aa ooje, rəw ɓa nee, njaaje keneŋ!

Jeremi 42:3

Maji kar Njesigənea̰, Ala ləi tɔji sí rəw gə́ kəm kar sí j’unje ləm, gə né gə́ kəm kar sí n’raje ləm tɔ.

Jeremi 6:16

Njesigənea̰ pa togə́bè pana: Undaje rɔ sí rəwje’g aaje loo ooje. Dəjije kila-rəwje gə́ ləw ooje, See rəw gə́ ra ɓa maji wa. Bèe ndá njaaje keneŋ Ndá seḭ a kiŋgaje loo-kwa-rɔ sí keneŋ! Nɛ deḛ d’ilá keneŋ pana: Jeḛ j’a njaaje keneŋ el.

Ejekel 3:17

Ma ŋgon-dəw lé n’undam gə́ njeŋgəmloo mbata gel-bɔje lə Israɛl. M’a koo ta gə́ teḛ ta neḛ’g ndá m’a kula dee mbata lə neḛ.

Misee 4:2

Ginkoji dəwje gə raŋg bula d’a kaw keneŋ ndá d’a pana: Gə́ reeje ar sí j’awje dɔ mbal’g lə Njesigənea̰ ləm, Gə j’awje mee kəi’g lə Ala lə Jakob ləm tɔ Gə mba karee ndoo sí kar sí njaaje kila-rəwje’g ləa. Mbata godndu a kḭ Sio̰ ləm, Ta lə Njesigənea̰ a kḭ Jerusalem ləm tɔ.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Mark 13:34

To kára ba asəna gə dəw gə́ uba kəi ləa ya̰ sí aw gə mbá’g. Yeḛ un ndia ar kuraje ləa ləm, yeḛ wɔji dee kula gə lée-lée ləma, yeḛ un ndia ar njeŋgəm takəi mba karee sí dɔkəjee’g kəgəgə tɔ.

Tel tura Godndu 1:18

Gelee gə́ nee ɓa mee ndəaje’g neelé ma m’un ne ndum m’ar sí dɔ néje lai gə́ kəm kar sí raje’g lé.

Tel tura Godndu 4:1

Israɛlje, maji kar sí ooje godnduje gə ndukunje gə́ ma m’ndoo sí lé. Maji kar sí raje née gə mba kar sí síje ne kəmba ləm, gə mba kar sí a̰dje ne mee ɓee gə́ Njesigənea̰ Ala lə bɔ síje ar sí gə́ né ka̰ sí lé ləm tɔ.

Tel tura Godndu 4:5

Seḭ gərje gao to gə́ ma m’ndoo sí godnduje gə ndukunje gə́ Njesigənea̰ Ala ləm ulam gə mba kar sí raje née mee ɓee gə́ seḭ a gə kawje keneŋ kaw taaje gə́ né ka̰ sí lé.

Tel tura Godndu 5:1

Moyis ɓar Israɛlje lai nea̰’g ula dee pana: Israɛlje, maji kar sí ooje ta godnduje gə ndukunje gə́ m’a gə kula sí ɓogənè. Maji kar sí taaje gə meḛ sí aaje dɔ dee kər-kər gə mba ra née.

Tel tura Godndu 5:27

I ya aw oo ta néje lai gə́ Ala lə sí gə́ Njesigənea̰ a gə pa lé ndá i nja a ndaji ta néje lai gə́ Ala lə sí gə́ Njesigənea̰ a gə kulai lé kar sí ndá jeḛ j’a kooje ya ləm, j’a raje née ya ləm tɔ.

Tel tura Godndu 7:11

Bèe ndá, maji kar sí aaje dɔ tornduje, gə ndukunje gə́ m’ar sí ɓogənè gə mba kar sí raje née ya.

1 Njé gə́ Tesalonikə 4:1

Ŋgakɔmje, ta gə́ raŋg ya to ŋga. Né gə́ kəm ra karee taa kəm Ala lé seḭ ooje rɔ sí’g mba̰ ləm, seḭ raje née ləm tɔ ndá jeḛ n’tɔg sí j’wa ta sí gə ri Mbaidɔmbaije Jeju Kristi mba kar sí awje ne kəm sí gə́ kédé-kédé ya.

1 Samel 12:23

Ma ɓa yḛ̀ m’a lal ra tamaji ta Njesigənea̰’g mbata lə sí el nà a tel to kaiya gə́ m’a kɔs ne Njesigənea̰ rəw ya. Nɛ m’a ndoo sí rəw gə́ maji ləm gə gə́ danasur lé ləm tɔ.