Teḛ-Raga 18:16 - Maktub gə́ To gə Kəmee

¹⁶ Loo gə́ ta gə́ kəm gɔl to mbuna dee’g ndá deḛ ree ne rɔm’g, ma m’ɔr kəm ta gə́ to mbuna dee’g ndá m’ar dee gər ne ndukunje lə Ala ləm, gə godndiaje ləm tɔ.

Teḛ-Raga 18:16 ပူးပေါင်းရင်းမြစ်များ

2 Samel 15:3

ndá Absalɔm ulá pana: Aa Oo, ta ləi maji ya ləm, to danasur ya ləm tɔ, nɛ dəw kára kara gə́ kəi lə mbai gə́ a gə koo ta ləi lé godo.

2 Sôrta Gḭka Israɛlje 19:10

Ta gə́ rara gə́ to mbuna ŋgako̰ síje gə́ mee ɓee-booje’g lə deḛ gə́ d’a ree ne no̰ sí’d gə́ wɔji dɔ tɔl dəw ləm, əsé ndukun ləm, əsé godndu ləma, əsé torndu ləm tɔ lé seḭ a ribaje sə dee dəa təsərə gə mba kar ta wa ne dɔ dee no̰ Njesigənea̰’g el ləm, mba kar oŋg lə Njesigənea̰ ḭ ne səa pu dɔ sí-seḭ’g əsé dɔ ŋgako̰ síje’g el ləm tɔ. Yee ɓa gə́ né gə́ seḭ a raje gə mba kar ta wa ne dɔ sí el.

Maktub gə́ wɔji dɔ Jɔb 31:13

Ɓó lé m’ə̰ji né gə́ wɔji dɔ kura ləm gə́ diŋgam əsé yeḛ gə́ dené bəḭ-bəḭ Loo gə́ jeḛ sə deeje j’aw gə na̰ gə ta dɔ’g ndá

Teḛ-Raga 18:17

Məm Moyisje ulá pana: Né gə́ i ra neelé to sur el.

Teḛ-Raga 2:13

Tɔɓəi bèlè yeḛ teḛ raga ndá, aa oo, Ǝbrəje joo d’aar kɔl na̰. Yeḛ ula yeḛ gə́ ta ləa to gèl lé pana: See ban ɓa i kunda gari lé bèe wa.

Teḛ-Raga 23:7

Seḭ a kundaje rɔ sí ɓad dɔ taŋgɔm’g ləm, yeḛ gə́ ta wa dəa gə njemeekarabasur lé seḭ a tɔl deeje kari ba el ləm tɔ, mbata dəw gə́ ta wa dəa lé m’a kila kam dəa’g el.

Teḛ-Raga 24:14

Yeḛ ula ŋgatɔgje pana: Ŋgina síje loo gə́ nee’g saar kar sí n’telje reeje rɔ sí’g ya. Aaro̰ gə Hur d’a nai sə sí, ɓó lé dəw aw gə ta mba gɔl ndá yeḛ a kaw ne rɔ dee-deḛ’g ya.

Ləbije 24:15

I a kula Israɛlje ta nee pana: Nana ɓa gə́ pata ndɔl ne Ala ləa ndá ta kaiya ləa a kwa dəa ya.

Bula lə Israɛlje 15:35

Njesigənea̰ ula Moyis pana: Dəw neelé d’a tɔlee gə́ tɔl ya, koso-dəwje lai d’a teḛ tilá gə kɔri-ər gir loo-si dee’g.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

1 Njé gə́ Kɔrḭtə 6:1

Loo gə́ dəwje joo ta oso mbuna dee’g ndá see ban ɓa yeḛ gə́ kára aw gə maree gə́ njetaamee-Kristi neelé no̰ njépole-magəje’g ɓa gə mba ra taree ɓó no̰ deḛ gə́ to gə kəmee’g el wa.

Tel tura Godndu 4:5

Seḭ gərje gao to gə́ ma m’ndoo sí godnduje gə ndukunje gə́ Njesigənea̰ Ala ləm ulam gə mba kar sí raje née mee ɓee gə́ seḭ a gə kawje keneŋ kaw taaje gə́ né ka̰ sí lé.

Tel tura Godndu 5:1

Moyis ɓar Israɛlje lai nea̰’g ula dee pana: Israɛlje, maji kar sí ooje ta godnduje gə ndukunje gə́ m’a gə kula sí ɓogənè. Maji kar sí taaje gə meḛ sí aaje dɔ dee kər-kər gə mba ra née.

Tel tura Godndu 6:1

Aa ooje, tornduje, gə godnduje, gə ndukunje gə́ Ala lə sí gə́ Njesigənea̰ am gə mba kam ndoo sí, gə mba kar sí raje née mee ɓee gə́ seḭ a gə kaw taaje gə́ né ka̰ sí-seḭ lé:

1 Samel 12:23

Ma ɓa yḛ̀ m’a lal ra tamaji ta Njesigənea̰’g mbata lə sí el nà a tel to kaiya gə́ m’a kɔs ne Njesigənea̰ rəw ya. Nɛ m’a ndoo sí rəw gə́ maji ləm gə gə́ danasur lé ləm tɔ.