Teḛ-Raga 18:11 - Maktub gə́ To gə Kəmee

¹¹ Ɓasinè, ma m’gər gao to gə́ Njesigənea̰ lé ur dɔ magəje’g lai, mbata némeeyèr lə njé gə́ Ejiptə lé tel oso dɔ dee-deḛ’g ya.

Teḛ-Raga 18:11 ပူးပေါင်းရင်းမြစ်များ

1 Mbaije 17:24

Dené lé tel ula Eli pana: Ɓasinè ma m’gər gao to gə́ i to dəw lə Ala ya, togə́bè ɓa ta lə Njesigənea̰ gə́ teḛ tai’g lé to kankəmta ya.

2 Mbaije 5:15

Léegəneeya yeḛ ɔs tel gə dəwje gə́ gée’g lai aw ne rɔ dəw lə Ala’g lé aw aar ne nea̰’g ulá pana: Aa oo, ɓasinè ma m’gər to gə́ dɔ naŋg nee lai lé Ala gə́ raŋg godo nɛ mee ɓee’g lə Israɛlje ya kára ba. Ma m’ra ndòo rɔi’g mba kari taa gə́ nénoji ji kura’g ləi ya.

1 Sôrta Gḭka-Israɛlje 16:25

Mbata Njesigənea̰ lé boo ya ləm, Yeḛ nja ɓa askəm kiŋga pidi ləma, Yeḛ to ɓəl kədm-kədm Ur dɔ magəje lai-lai ya ləm tɔ.

2 Sôrta Gḭka Israɛlje 2:5

Nɛ see na̰ ɓa siŋgá askəm ra kəi karee wa, mbata dara gə́ tad rəg-rəg kara asee el, nɛ ɓəd ɓa see ma nee ya m’a ra kəi karee wa. Kəi gə́ m’a gə ra lé a to gə mba tuu né gə́ ə̰də sululu ɓa keneŋ karee ya.

Nehemi 9:10

I ra nékɔbje gə néje gə́ dum koo Koma̰ ne Parao̰ gə kuraje ləa Gə koso-dəwje lai gə́ mee ɓee’g ləa. Mbata i oo némeeyèrje gə́ deḛ ra gə bɔ síje-je lé, Yee ɓa i riba ne dɔ rɔnduba ləi to gə́ i ra bèe lé tɔ.

Nehemi 9:16

Nɛ dee bɔ síje-je lé tel to njébeeleje ləm, D’uba gwɔbkelkwɔije ləm tɔ. Deḛ d’un mbi dee rəw dɔ godnduije’g ləm,

Nehemi 9:29

I ndəji dee kɔr mba kar dee tel ree dɔ godndui’g Nɛ deḛ d’aar njaŋg dɔ beelé’g lə dee ləm, D’un mbi dee rəw dɔ godnduije’g ləm, Ndukunje ləi gə́ a kar dəw gə́ njera née a kisi ne kəmba lé Deḛ ra kaiya d’ɔs ne rəw ləm, Deḛ d’ɔs bag dee gə́ tar-tar d’ɔs ne ta ləi rəw ləm, Deḛ d’uba gwɔbkelkwɔi ləma, Deḛ mbad kila ŋgonkoji saar ləm tɔ.

Pakɔsje 119:21

I ḭ gə njébeeleje, Deḛ gə́ ndɔl wa dɔ dee ləm, Deḛ gə́ ndəm dɔ godnduije’g lé ləm tɔ.

Pakɔsje 135:5

Ma m’gər gao Njesigənea̰ lé to gə́ boo, Mbaidɔmbaije lə sí lé ur dɔ magəje’g lai ya.

Pakɔsje 31:23

Ta teḛ tam’g pe’d am m’pana: I nja tubam ɔsm rɔi’g rəw gə́ raŋg! Nɛ loo gə́ m’ila ndum naŋg m’ra ne ndòo rɔi’g ndá I ilam keneŋ ya.

Pakɔsje 95:3

Mbata Njesigənea̰ lé to Ala gə́ boo dum dɔ loo ya ləm, Yeḛ to mbai gə́ boi gə́ ur dɔ magəje’g lai-lai dɔ naŋg nee ya ləm tɔ.

Pakɔsje 97:9

Mbata i Njesigənea̰ to Njekurdɔloo gə́ dɔ naŋg nee lai ya, I lé boo ur dɔ magə-poleje gə́ dɔ naŋg nee lai.

Teḛ-Raga 1:10

Yen! ar sí n’ra deeje gə kəmkàree j’ɔg deeje loo koji na̰ gə́ kédé-kédé nà banelə ɓó lé rɔ a tɔ ndá d’a kɔm gel njéba̰je’g lə sí gə mba rɔ sə sí ləm, gə mba teḛ kya̰ ɓee gə́ nee lé ləm tɔ.

Teḛ-Raga 1:16

Mbai gə́ njeko̰ɓee gə́ Ejiptə lé un ndia ar dee pana: Loo gə́ seḭ si taaje dené Ǝbrəje ndóo ɓa seḭ ooje to gə́ d’a gə koji ŋgon’g lé ɓó lé to ŋgon gə́ diŋgam ndá seḭ a kuduje ŋgon neelé kəmə, nɛ ɓó lé to ŋgon gə́ dené ndá a kyá̰je kaareeje si kəmba tɔ.

Teḛ-Raga 1:22

Togə́bè ɓa Parao̰ un ndia ar koso-dəwje ləa lai pana: Ŋganje gə́ diŋgam lai gə́ to Ǝbrəje gə́ d’oji dee lé seḭ a kɔm deeje dan mán baa’g nɛ ŋganje gə́ dené ɓa seḭ a kya̰ deeje kəmba ya.

Teḛ-Raga 10:3

Moyis gə Aaro̰ d’aw rɔ Parao̰’g d’ulá pana: Njesigənea̰ gə́ to Ala lə Ǝbrəje lé pa togə́bè pana: See ndɔ gə́ ra ɓa i a kəw rɔi mbad koso kul no̰ neḛ’g lé wa. Ya̰ dəwje lə neḛ ar dee d’aw gə mba kar dee d’aw pole neḛ.

Teḛ-Raga 12:12

Mee til’g neelé n’a njaa mee ɓee gə́ Ejiptə ndá n’a kila tuji dɔ ŋgandərje lai gə́ mee ɓee gə́ Ejiptə’g, un kudee dɔ ŋgandər dəwje’g saar teḛ ne dɔ ŋgandər daje’g ləm, n’a gaŋgta dɔ magəje’g lai gə́ to Ejiptə lé ləm tɔ. Neḛ n’to Njesigənea̰.

Teḛ-Raga 14:18

Bèe ɓa njé gə́ Ejiptə lé loo gə́ Parao̰ gə pusu-rɔje ləa, gə njérɔ gə kundaje ləa lé d’a kar rɔnduba ləm kila rəa kɔd ndá d’a gər gao to gə́ ma lé m’to Njesigənea̰ ya.

Teḛ-Raga 14:8

Njesigənea̰ ar mee Parao̰ mbai gə́ Ejiptə ndər ya tɔ ndá yeḛ tuba goo Israɛlje. Njé gə́ Israɛl lé d’unda loo teḛ gə ji dee gə́ ɓar tar mèr-mèr.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Teḛ-Raga 5:2

Parao̰ ila dee keneŋ pana: See Njesigənea̰ to gə́ na̰ ɓa m’a kila ŋgonkoji dɔ tapea’g mba kya̰ ne Israɛlje kar dee d’aw wa. Njesigənea̰ lé ma m’gəree el ləm, m’a kya̰ Israɛlje kar dee d’aw bèe el ləm tɔ.

Teḛ-Raga 5:7

Seḭ a karje dəwje neelé mu d’ɔr ne bɔrɔ to gə́ ar deeje ne kédé lé el ŋga, maji kar dee-deḛ ya d’aw gə rɔ dee d’aw d’wa mu.

Bula lə Israɛlje 33:4

Njé gə́ Ejiptə lé dubu dəwje lə deḛ lai gə́ Njesigənea̰ tɔl deḛ gə́ to ŋgandər deeje lé, togə́bè ɓa Njesigənea̰ gaŋg ne ta dɔ magəje’g lə dee tɔ.

Lugu 1:51

Jia ɓar mèr-mèr, Yeḛ jané njébeeleje dɔ kəstaje’g lə dee kad-kad.

Maktub gə́ Jak ula ne ar ngan-Allaje 4:6

Nɛ Ala lé wa sə sí noji gə́ maji unda nje gə́ kédé, gelee gə́ nee ɓa maktub gə́ to gə kəmee lé pa ya tɔɓəi pana: Ala ɔs njébeeleje rəw nɛ yeḛ wa noji gə njékula dɔ deeje.

1 Piɛrə 5:5

Seḭ basaje kara osoje kul no̰ ŋgatɔgje’g lə sí. Seḭ lai lé ulaje dɔ sí arje na̰, mbata Ala lé ɔs njébeeleje rəw, Nɛ yeḛ wa noji gə njekula dɔ deeje.

1 Samel 2:3

Paje ta beelé bèe el ləm, Maji kar ta kəsta teḛ ta sí’g el ləm tɔ Mbata Njesigənea̰ to Ala Gə́ njegər néje lai ləm, Yeḛ nja wɔji kwɔi lə néra dəwje lai ləm tɔ.