Teḛ-Raga 17:6 - Maktub gə́ To gə Kəmee

⁶ Aa oo, m’a kaar nɔḭ’g dɔ mbal gə́ Oreb’g, i a kunda mbal lé ndá mán a teḛ keneŋ kar dəwje d’ai. Moyis ra togə́bè ya kəm ŋgatɔgje’g lə Israɛlje.

Teḛ-Raga 17:6 ပူးပေါင်းရင်းမြစ်များ

Nehemi 9:15

I ar dee muru gə́ ḭ mee dara’g Mbata lə ɓó gə́ tɔl dee ləm, I ar mán uba kaar mbal’g ar dee d’ai Mbata kṵdaman gə́ tɔl dee ləm tɔ. Tɔɓəi i ula dee mba kar dee d’aw Mee ɓee gə́ i un ndui gə ndu manrɔ gə mba kar dee gə́ ka̰ dee lé.

Pakɔsje 105:41

Yeḛ ta̰ kaar mbal ar mán teḛ keneŋ Man lé ula gɔl-gɔl taa loo yal-yal To gə́ mán baa gə́ ula looje gə́ tudu kurum-kurum’g lé bèe.

Pakɔsje 114:8

Yeḛ lé ar biri mbal tel to duu-mán ləm, Biri mbal gə́ kədərə kaw-kaw lé kara Aree tel to kəm-rəw-mán gə́ aḭ kuji-kuji ləm tɔ.

Pakɔsje 46:4

Loo gə́ paŋgəm manje tuga puguju-puguju ar əmə dee uba ŋgug-ŋgug ləma, Ar manje nee d’ḭ d’ar mbalje yə ɓugu-ɓugu ləm tɔ kara Jeḛ m’ɓəl el.

Pakɔsje 74:15

I ar kəm-rəw-manje gə ŋgira-manje tuba tir-tir ləm, Man baaje gə́ d’yi kédé gə́ ləw el lé I ar dee tudu kurum-kurum ləm tɔ.

Pakɔsje 78:18

Deḛ d’aḭ mee Ala Dejee ne nésɔ gə́ deḛ ndiŋga lé.

Pakɔsje 78:20

Aa ooje, yeḛ unda biri mbal ar mán ula keneŋ, Manje gə́ turu tuma̰-tuma̰ taa loo keneŋ yəŋgəm-yəŋgəm. See yeḛ askəm kar dəwje ləa muru əsé kar dee da ya to wa.

Pakɔsje 81:7

Nékodo gə́ wɔi gə́ to dɔ tamee’g lé M’wa m’unda naŋg, M’ar jia gə́ wa ne ta karè neelé tusu yag ya̰.

Teḛ-Raga 14:16

I lé un kag-tɔs ləi gə́ tar, ula jii ndiŋ dɔ mán baa-boo’g lé kaiyee ne dana, bèe ɓa Israɛlje d’a dəs mee baa-boo’g lé loo gə́ tudu kurum-kurum’g ya.

Teḛ-Raga 16:10

Loo gə́ Aaro̰ si ula koso-dəwje gə́ Israɛl lai ta bèe lé deḛ tel kəm dee par gə́ dɔdilaloo’g ndá aa oo, rɔnduba lə Njesigənea̰ teḛ dan mum’g.

Esai 48:21

Mee dɔdilalooje gə́ yeḛ a kɔr no̰ dee keneŋ lé Kṵdaman a tɔl dee el. Yeḛ a kar mán uba tir-tir kaar biri mbal’g Gə mbata lə dee ləm, Yeḛ a ta̰ biri mbal ndá Man a kaḭ ya ləm tɔ.

Bula lə Israɛlje 20:8

Un kag-tɔs ndá i seḭ gə ŋgokɔḭ Aaro̰, mbo̰je koso-dəwje dɔ na̰’d. Seḭ a kulaje mbal ta kəm dee’g, ndá mbal lé a kar dee mán: i a kar mán teḛ kaar mbal’g neelé kar dee ndá i a kar koso-dəwje gə nékulje lə dee d’ai ya.

Tagə́maji gə́ Ja̰ ndang 4:10

Jeju ilá keneŋ pana: Ɓó lé i gər nojikwa gə́ Ala lé a kwa gə dəwje ɓa gər yeḛ gə́ kwɔii mán pana: Ar neḛ mán n’ai ndá i nja a kḭ kédé kwɔiyee mán-kai, bèe lé yeḛ kara a kari mán gə́ àr yal-yal gə́ aḭ teḛ kuji-kuji tɔ.

Tagə́maji gə́ Ja̰ ndang 4:14

Nɛ nana ɓa a kai mán gə́ m’a karee neelé ndá kunda a tɔlee gogo el ŋga. Man gə́ m’a karee lé a tel to ŋgira mán mée’g gə́ a kaḭ teḛ kuji-kuji ndá yeḛ a si gə kəmə gə́ gə no̰ lé mée’g.

1 Njé gə́ Kɔrḭtə 10:4

Deḛ lai d’ai nékai gə́ ka̰ Ndil lé yee ɓa to mán gə́ uba kaar mbal’g tir-tir gə́ ndolè goo dee. Mbal neelé m’wa m’wɔji ne Kristi.

Tel tura Godndu 1:2

Kḭ kaw Orɛb gə rəw gə́ dɔ mbal gə́ Seir ɓa teḛ Kades-Barnea ɓəi lé, a njaa as ndɔ dɔg-giree-kára ya doŋgɔ.

Tel tura Godndu 8:15

yeḛ gə́ ar sí njaaje dan boo-dɔdilaloo gə́ to ɓəl’g, to loo gə́ lije gə́ to̰ too to gə́ pər bèe to keneŋ ləm, mbai-yḭje to keneŋ ləm, to looje gə́ tudu kurum-kurum gə́ lal mán ndá yeḛ ar mán uba kaar mbal gə́ kədərə’g tir-tir mbata lə sí ləma,

Loo gə́ killa rea kəm Ja̰’g 22:17

Ndil lé gə njeŋgao-sigi lé pata pana: Maji kari gə́ ree. Yeḛ gə́ oo maji ndá aree pa togə́bè tɔ pana: Maji kari gə́ ree. Yeḛ gə́ kṵdaman tɔlee ndá maji karee ree taa mán kəmə gə́ aḭ teḛ kuji-kuji lé ai, m’a karee gə́ kar ya ɓó yeḛ a ndogo el.