Teḛ-Raga 17:4 - Maktub gə́ To gə Kəmee

⁴ Moyis no̰ gə́ rɔ Njesigənea̰’g pana: See ɗi ɓa m’a ra gə koso-dəwje neelé wa. Nai lam bèe gə mba kar dee tilam gə kɔri-ər.

Teḛ-Raga 17:4 ပူးပေါင်းရင်းမြစ်များ

Pakɔsje 99:6

Moyis gə Aaro̰ mbuna njékinjanéməsje’g ləa ləm, Samel kara mbuna deḛ gə́ no̰ ɓar ria’g lé ləm tɔ Deḛ neelé no̰ ɓar ri Njesigənea̰ ndá Yeḛ ar dee né gə́ deḛ dəjee lé ya.

Teḛ-Raga 14:15

Njesigənea̰ ula Moyis pana: See ban ɓa ila boo ndui naŋg no̰ ɓarəm bèe wa. Ula Israɛlje lé ar dee d’ḭta d’aw.

Teḛ-Raga 15:25

Moyis no̰ gə́ rɔ Njesigənea̰’g, ndá Njesigənea̰ tɔjee ŋgəw kag aree ila dan mán’g ndá mán lé tel kul. Lée gə́ neelé ɓa Njesigənea̰ ar dəwje godndiaje keneŋ ləm, gə ndukunje ləa ləm tɔ, lé gə́ neelé ɓa yeḛ aḭ meḛ dee keneŋ tɔ.

Bula lə Israɛlje 11:11

ndá Moyis ula Njesigənea̰ pana: See gelee ban ɓa i ula ne kəm kura ləi ndòo bèe wa, see ma m’taa kəmi el ɓa i ɔm ne koso-dəwje nee lai dɔm’g asəna gə nékodo gə́ wɔi bèe wa.

Bula lə Israɛlje 14:10

Boo-dəwje lai d’wɔji-kwɔji tila dee gə kɔri-ər. Ndá rɔnduba lə Njesigənea̰ teḛ dɔ kəi-kubu-kiŋga-na̰’g kəm Israɛlje’g lai.

Bula lə Israɛlje 16:19

Koré ɓar koso-dəwje lai dɔ na̰’d tarəw kəi-kubu-kiŋga-na̰’g mba kar dee d’ḭ gə Moyis gə Aaro̰. Yen ŋga rɔnduba lə Njesigənea̰ teḛ kəm koso-dəwje’g lai təsərə.

Tagə́maji gə́ Ja̰ ndang 10:31

Yen ŋga Jibje d’odo kɔri-ər gə mba tilá ne tɔɓəi.

Tagə́maji gə́ Ja̰ ndang 8:59

Yen ŋga Jibje d’odo kɔri-ər gə mba tilá ne. Nɛ Jeju sa rəa ḭ mee kəi-Ala’g unda loo teḛ raga.

Néra Njékaḭkulaje 14:19

Yen ɓa Jibje gə́ d’ḭ Antiɔs gə Ikɔnə ree d’iŋga dee keneŋ ndá d’ula meḛ koso-dəwje na̰’d, d’ar dee tila Pool gə kɔri-ər, deḛ ndɔree d’ilá ŋgaŋloo’g d’ə̰ji ta meḛ dee’g pana: Yeḛ wəi mba̰.

Néra Njékaḭkulaje 7:50

See ji neḛ nja ɓa ra néje neelé lai el wa.

1 Samel 30:6

Dabid si dan boo-néurti’g mbata d’wɔji-kwɔji tilá gə kɔri-ər. Meḛ njérɔje lai adə dee mbag-mbag, nana kara mbata ŋganeeje gə́ diŋgam gə njé gə́ dené tɔ. Nɛ Dabid wa mée kɔgərɔ, gəd ne rəa rɔ Njesigənea̰, Ala’g lé ləa.