Teḛ-Raga 17:2 - Maktub gə́ To gə Kəmee

² Togə́bè dəwje d’aar gə Moyis gə ta jələ-jələ. Deḛ d’ulá pana: Ar sí mán j’aije. Moyis ila dee keneŋ pana: See ban ɓa seḭ aarje səm gə ta jələ-jələ bèe wa. See ban ɓa seḭ aḭje mee Njesigənea̰ bèe wa.

Teḛ-Raga 17:2 ပူးပေါင်းရင်းမြစ်များ

Pakɔsje 106:13

Nɛ waga ndá d’ar meḛ dee unda pudum dɔ néraje’g lé ləm, Deḛ ŋgina néje gə́ yeḛ wɔji gə mba ra lé el ləm tɔ.

Pakɔsje 106:14

Deḛ d’uba rɔ dee yag d’ya̰ dan mal néje gə́ ra dee’g Ndá deḛ d’aḭ mee Ala dɔdilaloo’g.

Pakɔsje 78:18

Deḛ d’aḭ mee Ala Dejee ne nésɔ gə́ deḛ ndiŋga lé.

Pakɔsje 78:41

D’əw rɔ dee kaḭ mee Ala el ləm, D’əw rɔ dee kar mee Njerɔkunda lə Israɛlje ea̰ lé el ləm tɔ.

Pakɔsje 78:56

Nɛ deḛ d’aḭ mee Ala gə́ Njekurdɔloo’g d’ḭ komá̰ ne ləm, Deḛ d’aa dɔ torndiaje kər-kər el ləm tɔ.

Pakɔsje 95:8

Arje meḛ sí ndər to gə́ deḛ ra ne mee ɓee gə́ Meriba lé el ləm, Esé to gə́ mee ndəa gə́ Masa gə́ dɔdilaloo’g lé bèe el ləm tɔ.

Pakɔsje 95:9

Lée neelé ya ɓa bɔ síje-je d’aḭ mee neḛ keneŋ D’oo ne kula ra neḛje gao ya Nɛ deḛ d’aḭ mee neḛ ya.

Teḛ-Raga 15:24

Dəwje lé jém ta d’im ne rɔ dee dɔ Moyis’g pana: See mán ɗi ɓa j’a kai wa.

Teḛ-Raga 16:8

Moyis pana: Ɓogənè lé loo gə́ kàr a kandə lé ndá Njesigənea̰ a kar sí da mba kar sí sɔje ləm, bèlè gə ndɔ lé yeḛ a kar sí muru kar meḛ sí ndan ne ləm tɔ, mbata Njesigənea̰ lé oo ndu jém ta lə sí gə́ seḭ imje ne rɔ sí lé ya, mbata jeḛ lé see jeḛ n’toje gə́ ɗije to wa. To jeḛ ɓa seḭ jémje ta imje ne rɔ sí dɔ sí’g el, nɛ to Njesigənea̰ ɓa seḭ imje rɔ sí dəa’g ya.

Teḛ-Raga 17:7

Loo neelé deḛ d’unda ria lə Masa gə Meriba (gelee to kəm-ŋgununu) mbata Israɛlje lé maḭta ləm, deḛ d’aḭ mee Njesigənea̰ ləm tɔ pana: Njesigənea̰ lé see si mbuna sí’g əsé yeḛ si mbuna sí’g el wa.

Teḛ-Raga 5:21

Deḛ d’ula dee pana: Maji kar Njesigənea̰ orè kəmee dɔ sí’g ləm, maji karee ɔr kəm taree ləm tɔ! Seḭ ya ɓa tel síje gə́ né gə́ to kḛji kəm Parao̰’g ləm, gə kəm kuraje’g ləa ləm tɔ, to seḭ ya ɓa ulaje kiambas ji dee’g mba kar dee tuji sí ne ya.

Esai 7:12

Nɛ Akaj tel ilá keneŋ pana: M’a dəjee né kára kara el ləm, m’a kaḭ mee Njesigənea̰ el ləm tɔ.

Malasi 3:15

Ɓasinè lé seḭ ə̰jije meḛ sí’g pajena: Njébeeleje ɓa to gə́ njérɔlelje ya. Tɔgərɔ, njémeeyèrje lé deḛ teḛkɔr tɔ. Tɔgərɔ deḛ d’aḭ mee Ala lal karee gaŋgta dɔ dee’g ya.

Bula lə Israɛlje 14:2

Israɛlje lai jém ta ndɔl ne Moyis gə Aaro̰, ar koso-dəwje lai pana: Kar sí j’wəije ɓee gə́ Ejiptə əsé kar sí j’wəije dɔdilaloo’g lé kara maji yaa̰ el wa.

Bula lə Israɛlje 14:22

deḛ lai gə́ d’oo rɔnduba ləm gə némɔrije gə́ m’ra mee ɓee gə́ Ejiptə gə dɔdilaloo’g lé deḛ gə́ d’aḭ məəm as gɔl dɔg ar dee mbad koo ta ləm ndá

Bula lə Israɛlje 21:5

Koso-dəwje lé meḛ dee ila kas rəw-kaw dee’g ndá deḛ pata gə́ yèr d’ɔs ne Ala gə Moyis rəw pana: See ban ɓa seḭ ar sí j’undaje loo mee ɓee gə́ Ejiptə n’teḛje mba kar sí j’wəije dɔdilaloo’g wa. Mbata muru godo ləm, mán kara godo ləm tɔ, tɔɓəi nésɔ gə́ kəmndoo neelé teḛ baḭ əm sí’g boi.

Matiyo 4:7

Jeju tel ilá keneŋ pana: Deḛ ndaŋg mee maktub’g tɔɓəi pana: Mbaidɔmbaije, Ala ləi lé i a kaḭ mée nda̰ el.

Lugu 15:12

Yeḛ gə́ ndɔḭ lé ula bɔbeeje pana: Bɔm, unda kəm né gə́ wɔji dɔm gə́ kama lé am. Ndá bɔbeeje lé unda kəmee kai dee ya tɔ.

Lugu 4:12

Jeju tel ilá keneŋ pana: Deḛ ndaŋg mee maktub’g pana: Mbaidɔmbaije, Ala ləi lé i a kaḭ mée nda̰ el.

Néra Njékaḭkulaje 15:10

Bèe ndá see ban ɓa seḭ aḭje mee Ala ɓasinè ulaje ne nékodo gə́ wɔi gə́ dum dɔ ka síje gə dɔ síjeḛ’g lé gwɔb njékwakiláje’g bèe ɓəi wa.

Néra Njékaḭkulaje 5:9

Yen ŋga Piɛrə tel dəjee pana: See gelee ban ɓa seḭ ɔmje meḛ sí na̰’d sad ərje ne kəm Ndil Mbaidɔmbaije wa. Aa oo, deḛ gə́ dubu ŋgabije lé kaa gɔl dee to ɓar gə́ raga’n gə́ nee ndá d’a kuni-i ya tɔ.

1 Njé gə́ Kɔrḭtə 10:9

Ar sí naaje meekuru lə Mbaidɔmbaije to gə́ njé gə́ na̰je mbuna dee’g na̰ lé el, deḛ ra togə́bè ya nɛ li to̰ dee tɔl dee ar dee d’udu guduru.

Tel tura Godndu 6:16

Ala ləi gə́ Njesigənea̰ lé i a kaḭ mée to gə́ i aḭ ne mée loo gə́ Masa’g lé nda̰ el.

Tel tura Godndu 9:22

Mee looje’g Tabeera, gə Masa gə Kibrot-Hataaba lé seḭ ɔsje kudu oŋg lə Njesigənea̰ keneŋ.

Ǝbrəje 3:9

Lée neelé ya ɓa bɔ síje-je d’aḭ məəm keneŋ mba naa ne meekuru ləm, Deḛ d’oo ne kula ram ləb dee rɔ-sɔ.

1 Samel 8:6

Ta gə́ deḛ pa pana: Ar neḛje mbai mba karee gaŋg rəwta lə neḛje lé lel Samel el. Bèe ɓa Samel ra ne tamaji ta Njesigənea̰’g tɔ.