Teḛ-Raga 16:9 - Maktub gə́ To gə Kəmee

⁹ Moyis ula Aaro̰ pana: Ula koso-dəwje lə Israɛlje lai lé pana: Rəmje pər gə́ no̰ Njesigənea̰’g mbata yeḛ oo ndu jém taje lə sí mba̰ ya.

Teḛ-Raga 16:9 ပူးပေါင်းရင်းမြစ်များ

Teḛ-Raga 16:2

Koso-dəwje gə́ Israɛl lai lé jém ta, d’im ne rɔ dee dɔ Moyis’g gə dɔ Aaro̰’g dɔdilaloo’g.

Teḛ-Raga 16:7

Tɔɓəi bèlè gə ndɔ lé seḭ a kooje rɔnduba lə Njesigənea̰ mbata yeḛ oo ndu ta jémje lə sí gə́ seḭ imje ne rɔ sí dɔ Njesigənea̰’g mbata jeḛ lé see jeḛ n’to gə́ ɗije to ɓa mba kar sí jémje ta imje ne rɔ sí dɔ síjeḛ’g wa.

Teḛ-Raga 16:8

Moyis pana: Ɓogənè lé loo gə́ kàr a kandə lé ndá Njesigənea̰ a kar sí da mba kar sí sɔje ləm, bèlè gə ndɔ lé yeḛ a kar sí muru kar meḛ sí ndan ne ləm tɔ, mbata Njesigənea̰ lé oo ndu jém ta lə sí gə́ seḭ imje ne rɔ sí lé ya, mbata jeḛ lé see jeḛ n’toje gə́ ɗije to wa. To jeḛ ɓa seḭ jémje ta imje ne rɔ sí dɔ sí’g el, nɛ to Njesigənea̰ ɓa seḭ imje rɔ sí dəa’g ya.

Bula lə Israɛlje 14:27

See saar ndɔ gə́ ra ɓa m’a kya̰ loo kar koso-dəwje gə́ njémeeyèrje neelé d’əw rɔ dee jém ta kim ne rɔ dee dɔm’g wa. Ma m’oo jém ta lə Israɛlje gə́ jém d’im ne rɔ dee dɔm’g lé ya.

Bula lə Israɛlje 16:16

Moyis ula Koré pana: Bèlè, i seḭ gə kudu-dəwje ləi lai, aw aarje no̰ Njesigənea̰’g, i seḭ sə deeje gə Aaro̰ na̰’d.