Teḛ-Raga 16:4 - Maktub gə́ To gə Kəmee

⁴ Njesigənea̰ ula Moyis pana: Aa oo, m’a kar muru ḭ dara gə́ tar gəḭ naŋg mbata lə sí. Dəwje lé d’a teḛ raga gə ndɔ dee ndɔ dee mba kodo né gə́ d’aw ndée gə mba kam m’aḭ ne meḛ dee m’oo see d’a njaa gə goo godndum əsé d’a njaa ne el wa.

Teḛ-Raga 16:4 ပူးပေါင်းရင်းမြစ်များ

Nehemi 11:23

Mbata mbai un ndia wɔji ne dɔ né gə́ d’a kar njékɔspaje ndá d’wɔji njaŋg mba kar dee gə ndɔ dee ndɔ dee ya.

Nehemi 9:15

I ar dee muru gə́ ḭ mee dara’g Mbata lə ɓó gə́ tɔl dee ləm, I ar mán uba kaar mbal’g ar dee d’ai Mbata kṵdaman gə́ tɔl dee ləm tɔ. Tɔɓəi i ula dee mba kar dee d’aw Mee ɓee gə́ i un ndui gə ndu manrɔ gə mba kar dee gə́ ka̰ dee lé.

Nehemi 9:20

I ar dee ndili gə́ maji Mba kar kəm dee àr ne ləm, I ɔg dee muru ləi gə́ ḭ dara el ləma, I ar dee mán d’ai mbata kṵdaman gə́ tɔl dee ləm tɔ.

Pakɔsje 105:40

Gə goo ta dəji lə dee lé Yeḛ ar yel biriwije ree ne ləm, Muru gə́ ḭ dara kara Yeḛ ar meḛ dee ndan ne tub-tub ləm tɔ.

Pakɔsje 78:23

Yeḛ un ndia ar kilje lə ndi Ndá yeḛ ɔr tarəw dara lé ila tag.

Teḛ-Raga 15:25

Moyis no̰ gə́ rɔ Njesigənea̰’g, ndá Njesigənea̰ tɔjee ŋgəw kag aree ila dan mán’g ndá mán lé tel kul. Lée gə́ neelé ɓa Njesigənea̰ ar dəwje godndiaje keneŋ ləm, gə ndukunje ləa ləm tɔ, lé gə́ neelé ɓa yeḛ aḭ meḛ dee keneŋ tɔ.

Teḛ-Raga 16:15

Israɛlje d’aa loo d’oo ndá d’ula na̰ ta mbuna na̰’d pana: See ɗi bèe wa. Mbata deḛ gər né neelé el. Moyis ula dee pana: To muru gə́ Njesigənea̰ ar sí gə́ nésɔ sí lé ya.

Gosota-Kəmkàrje 30:8

Ta gə́ gə goo rəbee el, gə taŋgɔm lé ɔs dee rəw rɔm’d gə́ raŋg, Am m’to njendoo el ləm, gə bao el ləm tɔ, Maji kari am nésɔ gə́ asm béréré ya,

Matiyo 6:11

Ar síjeḛ muru lə sí gə́ ɓogənè aree as lée béréré ya,

Lugu 11:3

Ar sí muru j’o̰ as meḛ sí béréré gə ndɔ sí ndɔ sí ləm,

1 Njé gə́ Kɔrḭtə 10:3

deḛ lai d’usɔ nésɔ gə́ ka̰ Ndil lé.

Tel tura Godndu 8:16

yeḛ gə́ ar sí muru gə́ ḭ dara gə́ bɔ síje-je gər el dɔdilaloo’g o̰je, gə mba kar sí ndooje kulje ne ləm, gə mba kaḭ ne meḛ sí mba̰ ɓa gə mba ra sə sí né gə́ maji gogo ɓəi ləm tɔ.

Tel tura Godndu 8:2

Arje meḛ sí olé dɔ rəwje lai gə́ Njesigənea̰ Ala ar sí njaaje keneŋ as ləb rɔ-sɔ dɔdilaloo’g, gə mba kar sí osoje ne kul ləm, gə mba kaḭ ne meḛ sí koo ne taje gə́ to meḛ sí’g, see seḭ a kaaje dɔ tornduje neḛ əsé a kaaje dɔ dee el wa.

Jujé 24:15

Nɛ ɓó lé seḭ ooje to gə́ to maji kəm kwa Njesigənea̰ meḛ’g sí el ndá ɓogənè ya maji kar sí mbərje yeḛ gə́ seḭ ndigije poleeje né kaareeje, lé to magəje gə́ ka síje pole dee kel tura-baa gə́ nu əsé lé to magəje lə Amɔrje gə́ seḭ síje mee ɓee’g lə dee nee kara, ma ɓa yḛ̀ jeḛ gə njémeekəije ləm lé j’a kwaje Njesigənea̰ ɓa meḛ sí’g ya.