Teḛ-Raga 16:23 - Maktub gə́ To gə Kəmee

²³ Moyis ula dee pana: Yee ɓa to né gə́ Njesigənea̰ un ne ndia dɔ’g ya. Bèlè to ndɔ-kwa-rɔ, to ndɔ-kwa-rɔ gə́ to gə kəmee mbata lə Njesigənea̰, gesee gə́ kəm ndao lé maji kar sí ndaoje ya, gesə né gə́ kəm ndiri-kolé kara ndirije-oléje ya tɔ ndá gesee gə́ nai lé undaje kul saar teḛ bèlè gə ndɔ.

Teḛ-Raga 16:23 ပူးပေါင်းရင်းမြစ်များ

Nehemi 9:13

I risi ur dɔ mbal’d gə́ Sinai Ndá i ula dee ta gə ndui gə́ ḭ mee dara gə́ tar, Tɔɓəi i ar dee ndukunje gə́ danasur ləm, Gə godnduje gə́ to kankəmta ləm, Gə tornduje ləma, gə godnduje gə́ maji dum ləm tɔ.

Nehemi 9:14

I ar dee gər ndɔ-kwa-rɔ ləi gə́ to gə kəmee ləm, I un ndui ar dee godnduije gə tornduije Gə ndu kura ləi Moyis ləm tɔ.

Teḛ-Raga 16:19

Moyis ula dee pana: Maji kar dəw kára kara ya̰ unda kul ar loo àr dɔ’g el.

Teḛ-Raga 23:12

Ndɔje gə́ misa̰ lé seḭ a raje kula lə sí. Nɛ ndɔ gə́ njekɔm’g siri ndá seḭ a kwaje rɔ sí mba kar maŋgje lə sí gə mulayḛ̀je-je lə sí d’wa rɔ dee ləm, mba kar ŋgalə ɓərje lə sí gə́ dené gə dəw-dɔ-ɓee kara d’isi naŋg taa kəmə ləm tɔ.

Teḛ-Raga 31:15

D’a ra kula ndɔ dee misa̰, nɛ ndɔ gə́ njekɔm’g siri to ndɔ-kwa-rɔ, to ndɔ-kwa-rɔ gə́ d’unda gə kəmee d’ar Njesigənea̰. Dəw gə́ rara ɓa a ra kula gə́ ban-ban kara ndɔ-kwa-rɔ’g lé d’a tɔlee gə́ tɔl ya.

Jeremi 17:22

Ndɔ ndɔ-kwa-rɔ neelé seḭ a kunje nékodo gə́ wɔi mee kəi’g lə sí teḛje ne raga el ləm, kula kára kara seḭ a raje keneŋ el ləm tɔ. Nɛ ndɔ ndɔ-kwa-rɔ lé seḭ a kundaje gə kəmee to gə́ m’un ne ndum m’ar bɔ síje-je lé.

Ləbije 23:3

D’a ra kula ndɔ dee misa̰, nɛ ndɔ gə́ njekɔm’g siri lé to ndɔ-kwa-rɔ gə́ to ndɔ kya̰ goo kula ləm tɔ loo-mbo̰-na̰ gə́ to gə kəmee mba kwam ne meḛ sí’g ləm tɔ. Seḭ a raje kula mee loo-si síje’g lai el tɔ, to ndɔ-kwa-rɔ lə Njesigənea̰ ya.

Bula lə Israɛlje 11:7

Muru gə́ dara lé to asəna gə kandə kamnaḭ gə́ ɓaree kɔria̰drə ləm, ndajee to asəna gə jər gə́ ɓaree bdelium ləm tɔ.

Bula lə Israɛlje 11:8

Koso-dəwje d’aw daa muru neelé ndá deḛ ree d’usu dɔ mbal kusu né’g ləm, əsé d’ur mee biri’g ləm tɔ, deḛ ndiri mee jo’g ləm, d’ila gə́ bina ləm tɔ. Lel ta dee’g asəna gə bina gə́ d’ila gə ubu bèe.

Lugu 23:56

ndá deḛ d’ɔs tel d’aw ɓée, d’aw d’uru kuma̰ gə ubu gə́ ə̰də sululu lé na̰’d podé ne. Tɔɓəi deḛ rəm d’isi d’wa rɔ dee gə ndɔ-kwa-rɔ gə goo godndu lé tɔ.

Tel tura Godndu 5:12

Ndɔ-kwa-rɔ lé ar məəi to dɔ’g bururu gə mba kunda gə kəmee to gə́ Ala ləi gə́ Njesigənea̰ un ne ndia ar sí lé.

Loo gə́ killa rea kəm Ja̰’g 1:10

Ndɔ lə Mbaidɔmbaije lé Ndil taa məəm yal-yal ndá m’oo ndu dəw ɓar girm’g wəl asəna gə ndu to̰to̰ gə́ ɓar bèe,