Teḛ-Raga 16:14 - Maktub gə́ To gə Kəmee

¹⁴ Loo gə́ mán-tàl neelé gəḭ mba̰ ndá dɔ naŋg gə́ dɔdilaloo’g lé né gə́ tḛ́-tḛ́ bèe gə́ asəna gə kandə kó ləm, né gə́ tḛ́-tḛ́ bèe gə́ asəna gə tàl gə́ ndá to gə́ bu bèe ləm tɔ taa toree keneŋ.

Teḛ-Raga 16:14 ပူးပေါင်းရင်းမြစ်များ

Nehemi 9:15

I ar dee muru gə́ ḭ mee dara’g Mbata lə ɓó gə́ tɔl dee ləm, I ar mán uba kaar mbal’g ar dee d’ai Mbata kṵdaman gə́ tɔl dee ləm tɔ. Tɔɓəi i ula dee mba kar dee d’aw Mee ɓee gə́ i un ndui gə ndu manrɔ gə mba kar dee gə́ ka̰ dee lé.

Pakɔsje 105:40

Gə goo ta dəji lə dee lé Yeḛ ar yel biriwije ree ne ləm, Muru gə́ ḭ dara kara Yeḛ ar meḛ dee ndan ne tub-tub ləm tɔ.

Pakɔsje 147:16

Yeḛ ar ndi ər gə kwɔji gə́ to asəna gə bḭ badə bèe ləm, Yeḛ ar kul gə́ o̰ yaa̰ lé tel ndá to gə́ bu bèe ləm tɔ.

Pakɔsje 78:24

Yeḛ ar dee muru gə́ ḭ dara Aree gəḭ dɔ dee’g to gə́ ndi bèe lé Ndá yeḛ ar dee kó gə́ dara.

Teḛ-Raga 16:31

Deḛ Israɛlje lé d’unda ri muru neelé lə muru gə́ ḭ dara. Yee ɓa to asəna gə kandə né gə́ ɓaree kɔria̰drə, yee to gə́ ndá ləm, lel ta dee’g asəna gə bina gə́ kɔb gə́ ra gə ubu tə̰ji bèe ləm tɔ.

Tel tura Godndu 8:3

Yeḛ ar sí ndooje kulje kɔji-kɔji ləm, yeḛ ula kəm sí ndòo gə ɓó ləma, yeḛ ul sí gə muru gə́ ḭ dara gə́ seḭ gərje el ləm, bɔ síje-je kara gər el ləm tɔ, gə mba ndoo sí ne to gə́ muru nja kára ba ɓa dəw a si ne kəmba el, nɛ taje kára kára lai gə́ teḛ ta Ala’g lé ɓa dəw a si ne kəmba lé tɔ.