Teḛ-Raga 15:9 - Maktub gə́ To gə Kəmee

⁹ Njéba̰je lé pana: N’a tubaje goo dee, n’a kwa deeje garəm, N’a kunda deeje banrɔ tɔ, Dal ba̰ lə neḛje kara n’a raje karee as lée’g ya, N’a kɔrje kiambas haar ndá Ji neḛje ɓa n’a tuji deeje ne.

Teḛ-Raga 15:9 ပူးပေါင်းရင်းမြစ်များ

Gḭ-Néje 49:27

Bḛjami to jagmjər gə́ njétɔr-kwɔi-néje. Teḛ gə́ ndɔ lé yeḛ sɔ néndo̰ ləa ləm, Kàrkemetag ndá yeḛ kai nésɔ ndo̰ ləa ləm tɔ.

2 Samel 22:38

Ma m’korə njéba̰je ləm saar M’tuji dee ya, Ma m’ɔs goo dee’g m’tel el saar M’tuji dee pugudu-pugudu.

1 Mbaije 19:2

Ndá Jejabel ula njekaḭkula kára rɔ Eli’g gə mba karee ulá pana: Ɓó lé bèlè kàr gə́ togə́bè ya m’ar kəmə ləi godo to gə́ i ar ka̰-dee deḛ godo ne bèe el ndá maji kar magəje ra səm nédɔkudu gə́ al dɔ ka̰ dee-deḛ ya!

1 Mbaije 20:10

Ben-Adad ula kula ar Akab pana: Ɓó lé nduji naŋg gə́ Samari nai as rusu ŋgo ji koso-dəwje gə́ d’un goom’g nee ndá maji kar magəje ra səm nédɔkudu ya.

Teḛ-Raga 14:5

D’ula mbai gə́ Ejiptə d’aree oo to gə́ koso-dəwje neelé d’aḭ gə́ kaḭ. Togə́bè ɓa mee Parao̰ gə meḛ kuraje ləa tel to ɓəd dɔ koso-dəwje’g neelé ar dee pana: See ɗi ɓa neḛ n’raje bèe ɓa n’ya̰je ne Israɛlje n’ar deeje d’uba ne ta kula lə neḛje d’ya̰ d’aw bèe wa.

Gosota-Kəmkàrje 16:19

Koso kul na̰’d gə njékula dɔ deeje lé Maji unda kai gə njébeeleje nébanrɔ.

Esai 36:20

Mbuna magəje lai gə́ wɔji dɔ ɓeeje neelé see njé gə́ ra ɓa taa ɓee lə dee ji neḛ’g ŋga ɓa Njesigənea̰ ɓa a taa Jerusalem ji neḛ’g ɓəi wa.

Esai 53:12

Gelee gə́ nee ɓa m’a karee ne né gə́ wɔji dəa Gə dəwje gə́ boo-boo na̰’d, Yeḛ lé a kai nébanrɔ kar njésiŋgamoŋje Mbata yeḛ ḭ gə mée ya̰ rəa ar yoo ləm, Deḛ turá na̰’d gə njéramajelje ləm, Mbata yeḛ odo kaiya lə dəwje bula ɔm dəa’g ləma, Yeḛ ra tamaji mbata lə dəwje gə́ ta wa dɔ dee ləm tɔ.

Jeremi 46:17

Lée neelé deḛ ra né wəl keneŋ pana: Parao̰, mbai gə́ Ejiptə, To kaa né gə́ ɓar gə́ ɓar ba ya, Yeḛ ar kàree dəs mba̰.

Habakuk 3:14

I tɔs dɔ mbaije lə dee lé gə kandə ɓandaŋgje lə dee-deḛ ya mbudu Deḛ gə́ d’ḭ kalaŋ gə mba sané sí kad to gə́ lel-mal bèe ləm, Deḛ gə́ ra né gə ndu dee wəl gə rɔlel Asəna gə deḛ gə́ tuji njenékəmndooje duu-looje’g lə dee mba̰ bèe ləm tɔ.

Lugu 11:22

Nɛ ɓó lé dəw gə́ njesiŋgamoŋ gə́ ur dəa-yeḛ’g lé ree teḛ dəa’g tədee rém-rém dumee ndá a kiri nérɔje ləa gə́ yeḛ ɔm mée dɔ dee’g rigim ləm, tɔɓəi néje gə́ maree unda banrɔ neelé a kai dəwje pə-pə ləm tɔ.

Njéga̰g-Rəwtaje 5:30

See d’iŋga nébanrɔ el wa. See deḛ kai na̰ né el wa. Ŋgoma̰də kára əsé ŋgama̰dje joo Mbata dəw gə́ njérɔ kára-kára ləm, Néba̰rɔ gə́ to kubu-ndajije Mbata lə Sisera ləm, Néba̰rɔ gə́ to kubu-ndajije gə́ d’ɔs gə́ kɔs ləma, Kubu-ndaji kára gə kubuje joo gə́ d’ɔs dee ləm tɔ Mbata lə gwɔb njekungaŋga.

1 Samel 30:8

Bèe ɓa Dabid dəji Njesigənea̰ pana: See m’a kun dɔ gɔl njérɔje nee wa. See m’a kiŋga dee ya wa. Njesigənea̰ tel ilá keneŋ pana: Un dɔ gɔl dee ndá i a kiŋga dee ləm, i a taa dee gə́ d’wa dee ɓər lé kɔm dee tar ya ləm tɔ.