Teḛ-Raga 15:7 - Maktub gə́ To gə Kəmee

⁷ Mbɔl dɔ boo-ronduba ləi gə́ dum dɔ loo lé Deḛ gə́ d’oma̰ səi ndá i ɓugu dee naŋg, I rɔg oŋg ləi piriŋ ila tar Ndá yeḛ roo dee dula-dula Asəna gə ləm mu bèe tɔ.

Teḛ-Raga 15:7 ပူးပေါင်းရင်းမြစ်များ

Maktub gə́ wɔji dɔ Jɔb 9:4

Kəmkàr gə siŋgamoŋ to kea̰-yeḛ nja doŋgɔ, See na̰ ɓa a kɔsee rəw lal kar ta wa dəa wa.

Pakɔsje 148:13

Maji kar sí-seḭ lai pidije ri Njesigənea̰ ya Mbata ria-yeḛ ya kára ba to ri gə́ maji dum ləm, Boo-ronduba ləa ur dɔ naŋg nee gə dara ləm tɔ.

Pakɔsje 59:13

Taje kára-kára lai gə́ teḛ ta dee’g lé Teḛ gə́ ta kaiya-kaiya, Maji kar ta beelé lə dee tel wa dɔ dee, Mbata deḛ lé ta kila ndɔl gə taŋgɔm ɓa teḛ ta dee’g ya.

Pakɔsje 68:33

Seḭ gə́ síje mee ɓeeko̰je gə́ dɔ naŋg neelé Ɔsje pa arje Ala ləm, Ilaje riɓar dɔ Mbaidɔmbaije’g lé ləm tɔ.

Pakɔsje 83:13

Mbata deḛ lé pana: Ar neḛ n’taaje kəije lə Ala neelé gə́ ka̰ neḛje

Teḛ-Raga 14:27

Moyis ula jia ndiŋ gə́ dɔ mán baa-boo’g. Loo àr yərərə mba̰ ndá mán baa-boo lé tel ula pujuju-pujuju, ndá njé gə́ Ejiptə d’aḭ, loo gə́ mán si jura gə́ dɔ dee’g, nɛ Njesigənea̰ ɓugu njé gə́ Ejiptə dan baa-boo’g wɔlɔg.

Teḛ-Raga 5:12

Dəwje neelé sanéna̰ gə loo-loo mee ɓee gə́ Ejiptə mba kwa ləm muje ŋga ɓa tor mu’g.

Teḛ-Raga 9:16

Nɛ neḛ n’ya̰ loo n’ari si kəmba gə mba kari oo siŋgamoŋ lə neḛ ləm, gə mba kar ri neḛ ɓar ne dɔ naŋg nee gə loo njal-njal ləm tɔ.

Esai 37:17

Njesigənea̰, maji kari tuga mbii par gə́ rɔm’g oo ne ta ləm, Njesigənea̰ maji kari teḛ kəmi aa ne loo oo. Maji kari oo ta lə Sa̰kɛrib gə́ yeḛ ula ne Rabsake aree ula ne sul dɔi-i Ala gə́ Njesikəmba’g lé.

Esai 37:23

See na̰ ɓa i tajee ila ne ndɔl dəa’g wa. See na̰ ɓa i ndɔḭ ndui dəa’g ləm, I teḛ kəmi bəsəsə dəa’g ləm wa. Dɔm ma gə́ m’to Njerɔkunda lə Israɛlje lé ya wa.

Esai 37:29

Mbata məəi ḭ səi jugugu dɔ neḛ’g ya Ar ta beelé ləi aw njal oso mbi neḛ’g tɔ. Ndá n’a kula niŋga lə neḛ əmi’g ləm, Gə kéŋgəlé lə neḛ tai’g ləm tɔ, Tɔɓəi n’a kari tel gə rəw gə́ i ḭ keneŋ ree lé ya.

Esai 37:36

Yen ŋga kura lə Njesigənea̰ unda loo teḛ kunda dəwje tɔl dee as tɔl-dɔg-loo tɔl dəa rɔ-jinaijoo giree-mi (100.085) loo-si Asirije’g. Loo gə́ d’ḭta gə ndɔ ndá aa oo, nin dəwje to naŋg rib-rib tɔ.

Esai 37:38

Nɛ ndɔ kára bèe loo gə́ yeḛ unda barmba mee kəi’g lə Nisrok gə́ to magə ləa ndá Adramelek gə Sareser gə́ to ŋganeeje lé tɔlee gə kiambas ndá d’aḭ d’aw d’isi ɓee gə́ Ararat. Nɛ ŋgonee Esar-Hado̰ ɓa o̰ ɓee toree’g tɔ.

Esai 47:14

Aa ooje, deḛ to d’asəna gə ləm mu Ndá pər a roo dee. Deḛ d’a kaskəm kaji rɔ dee Dan ndo̰ pər gə́ teḛ bilim-bilim’g el, A to gə́ kɔr pər gə́ dəw a ndibi el ləm, A to pər gə́ dəw a si ta’g el ləm tɔ.

Esai 5:16

Rəwta gə́ gaŋg gə goo rəbee lé A riba dɔ boo lə Njesigənea̰ gə́ njeboo-néje ləm, Néreaje gə́ gə dɔ najee lé A riba dɔ meenda londoŋ lə Ala ləm tɔ.

Esai 5:24

Gelee gə́ nee ɓa to gə́ ndo̰ pər o̰ ne ləm mu ləm, Pər o̰ ne mu gə́ tudu ləm tɔ lé Ŋgira dee a to to gə́ né gə́ ndum bèe ləm, Pudu dee a sané pá asəna gə kor bèe ləm tɔ, Mbata deḛ d’ə̰ji godndu Njesigənea̰ gə́ njeboo-néje bəḭ-bəḭ ləm, Deḛ d’oo tapa Njemeenda lə Israɛlje gə́ né gə́ to kḛji kəm dee’g ləm tɔ.

Jeremi 10:6

Ǝi Njesigənea̰! Dəw kára bèe Gə́ to tana səi pai godo. I to gə́ boo ləm, riɓar ləi to gə́ boo Gə goo siŋgamoŋ ləi ləm tɔ.

Misee 4:11

Ɓasinè lé ginkoji dəwje gə raŋg Mbo̰ na̰ gə mba rɔ sə sí mba̰. Deḛ pana: Maji kar dee d’ula sul dɔ sí’g ləm, Maji kar kəm neḛje oo tuji lə Jerusalem ləm tɔ!

Jakari 14:3

Njesigənea̰ a teḛ ndá A rɔ gə ginkoji dəwje gə raŋg neelé To gə́ yeḛ rɔ ne ndɔ rɔ gə́ kédé lé tɔ.

Jakari 14:8

Mee ndəa’g neelé manje gə́ d’aḭ teḛ kuji-kuji d’a kḭ Jerusalem Kar gesee a kula par gə́ baa-boo-kad gə́ par gə́ bər ləm, Kar Gesee gə́ raŋg a kula par gə́ baa-boo-kad gə́ dɔ-gó ləm tɔ. A to togə́bè gə naḭ kàr ləm, gə naḭ ɓar ləm tɔ.

Jakari 2:8

Yeḛ ulá pana: Aḭ aw ula basa neelé pana: Jerusalem lé a to ɓee-boo gə́ to raga ndəgsə lal ndògo-bɔrɔ gə mbata dəwje gə́ bula digi-digi gə́ d’isi keneŋ ləm, gə nékulje gə́ dum tura gə́ d’a kaar keneŋ ləm tɔ.

Matiyo 3:12

Nékwayiŋga dɔ kó ləa to jia’g. Yeḛ a kwa ne yiŋga dɔ kó loo-kunda-kó’g ləa nɛ yeḛ a mbo̰ kandə kó ləa kɔm dàmá ndá yeḛ a roo yiŋga dəa gə pər gə́ a kwəi nda̰ el lé tɔ.

Néra Njékaḭkulaje 9:4

Yeḛ guru naŋg rug ndá yeḛ oo ndu dəw ɓar dəa’g wəl-wəl pana: Sool, Sool, see ban ɓa i ula kəm ndòo bèe wa.

Tel tura Godndu 33:26

Moyis pa ya tɔɓəi pana: Dəw kára kara gə́ njetana gə Ala lə Israɛlje lé godo, Yeḛ uba dɔ dara aw Gə mba ree la sə sí ləm, Yeḛ uba dɔ mumje Gə rɔnduba ləa ləm tɔ.

Tel tura Godndu 4:24

Mbata Ala lə sí gə́ Njesigənea̰ lé to pər gə́ roo loo ləm, to Ala gə́ kəmee əḭ mba njé’g ləa ləm tɔ.

Ǝbrəje 12:29

mbata Ala lə sí lé to pər gə́ roo loo ya.