Teḛ-Raga 15:6 - Maktub gə́ To gə Kəmee

⁶ Ǝi Njesigənea̰, jikɔli tɔji loo-siŋgamoŋ ləi ləm, Ǝi Njesigənea̰, jikɔli ɓa rəd njéba̰je ləi lé naŋg mbə̰ji-mbə̰ji ləm tɔ.

Teḛ-Raga 15:6 ပူးပေါင်းရင်းမြစ်များ

Pakɔsje 17:7

Maji kari nduba meemaji ləi gə́ raga, I gə́ njekaji deḛ gə́ saŋg njo̰loo-kula-dɔ dee rɔi’g lé ləm, I gə́ ɔr dee ji njéba̰je’g lə dee gə jii gə́ ɓar mèr-mèr lé ləm tɔ.

Pakɔsje 2:9

M’a təd dee rém-rém gə kag-lar ləm, M’a tɔ dee pɔs-pɔs to gə́ tɔ ne jo lə njékubajoje bèe ləm tɔ.

Pakɔsje 24:8

See na̰ ɓa to mbai gə́ njedo̰gɔr-ronduba lé wa. Njesigənea̰ gə́ to njesiŋgamoŋ gə bao-rɔ ləm, Njesigənea̰ gə́ to njedumdɔloo loo-rɔ’g ləm tɔ lé Yeḛ nja ɓa gə́ mbai gə́ njedo̰gɔr-ronduba lé.

Pakɔsje 44:3

Ji siŋgamoŋ ləi gə́ ɓar mèr-mèr lé I tuba ne ginkoji dəwje gə raŋg Ya̰ loo unda dəwje ləi keneŋ ləm, I tɔl ginkoji dəwje gə raŋg Ya̰ loo ar dəwje ləi taa loo keneŋ pəl-pəl ləm tɔ.

Pakɔsje 44:4

Mbata kiambas lə dee ɓa deḛ taa ne ɓee el ləm, Kag ji dee ɓa aji dee el ləm tɔ, Nɛ to jikɔli gə kag ji gə́ ɓar mèr-mèr ləm, To kəmi gə́ ndogó wər-wər ləm tɔ ɓa d’aji ne Mbata i unda dee dan kəmi’g.

Pakɔsje 60:5

Koso-dəwje ləi lé I nja ar dee d’oo néje gə́ kədərə, Man-nduú gə́ mḭ gə́ to ka̰ tel dɔ wagəsa lé I nja ɔs sí ar sí j’ai.

Pakɔsje 74:11

See gelee ban ɓa i ɔm jii kaari’g bèe wa. Maji kari wa jii gə́ tar tuji dee ne.

Pakɔsje 77:10

See mee Ala wəi dɔ koo kəmtondoo’g lə sí wa. See loo gə́ oŋg ḭ ne səa lé Yeḛ ya̰ goo meekɔrjol ləa wa.

Pakɔsje 89:14

Kag jii to kɔgərɔ-kɔgərɔ ləm, Jii ɓar mèr-mèr ləma, Jikɔli to gə́ tar ndiŋ ləm tɔ,

Pakɔsje 98:1

Pakɔs lé. Ɔsje pa gə́ sigi arje Njesigənea̰ Mbata yeḛ ra néje gə́ dumkoo ləm, Jikɔlee gə kag jia gə́ àr ŋgad-ŋgad ɓa lá səa.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Teḛ-Raga 15:12

I ula jikɔli ndiŋ, Ndá naŋg uru dee mée’g mag.

Teḛ-Raga 15:16

Ɓəl gə ndəb lé a teḛ dɔ dee’g wai, Gə goo siŋgamoŋ lə jii lé ɓa D’a tel kisi ne dɔ mundu to gə́ mbal bèe, Saar njen kar dəwje ləi dəs d’aw, əi Njesigənea̰, Saar njen kar dəwje gə́ i uga dee lé dəs d’aw ya.

Teḛ-Raga 18:8

Moyis ndaji ta néje lai gə́ Njesigənea̰ ra gə Parao̰ gə njé gə́ Ejiptə mbata lə Israɛlje ləm, gə némeekonje lai gə́ teḛ dɔ dee’g rəbə ləma, gə rəbee gə́ Njesigənea̰ ɔr dee ne keneŋ ləm tɔ, ar məmeeje oo.

Teḛ-Raga 3:20

M’a kila tuji dɔ ɓee gə́ Ejiptə ndá m’a kar nédumkooje gə́ gə ria-ria teḛ dan dee’g. Gée gə́ gogo ndá yeḛ a kya̰ loo kar sí awje ya.

Teḛ-Raga 6:1

Njesigənea̰ ula Moyis pana: Ɓasinè i a koo né gə́ m’a gə ra gə Parao̰, ji siŋgamoŋ gə́ ɓar mèr-mèr lé ɓa a kɔsee ɓɔḭ-ɓɔḭ gə mba karee ya̰ dee ar dee d’aw ləm, ji siŋgamoŋ gə́ ɓar mèr-mèr lé ɓa a kɔsee karee tuba dee ne mee ɓee’g ləa ləm tɔ.

Esai 30:14

Ndògo-bɔrɔ neelé d’a tɔ pɔs-pɔs To gə́ tɔ ne jo lə njekubajo Gə́ deḛ tɔ d’ar gailá nai el ləm, Esé a kiŋga əb keneŋ Gə mba kun ne pər mee pil’g el ləma, Esé d’a kɔr ne mán ɓul-mán’g bèe el ləm tɔ.

Esai 51:9

Njesigənea̰, teḛ kəmi, Teḛ kəmi, ula ji siŋgamoŋ ləi ndiŋ! Teḛ kəmi to gə́ mee ndəaje gə́ kédé ləm, Asəna gə mee ndəaje gə́ ləw-ləw lé ləm tɔ. See to i ɓa tur Rahab gə́ to da-kɔb lé gə niŋga el wa.

Esai 52:10

Njesigənea̰ ula ji meenda ləa ndiŋ Kəm ginkoji dəwje gə raŋg’g lai ar dee d’oo, Dəw-kundaje lai gə́ d’ɔr rudu naŋg nee rɔd lé D’a koo kaji gə́ Ala lə sí gə kəm dee nda̰-nda̰ ya.

Esai 63:12

Yeḛ lé gəd jikɔl Moyis Gə kag ji rɔnduba ləm, Yeḛ kai mán dana no̰ dee’g Gə mba kar riɓar ləa to ne saar-saar gə no̰ ləm tɔ.

Jeremi 13:14

Njesigənea̰ pana: N’a kunda dee dɔ na̰’d kar dee təd njigi-njigi, bɔ ŋganje gə ŋgan deeje na̰’d, n’a koo kəmtondoo lə dee el ləm, n’a kar mee neḛ oso lemsé dɔ dee’g el ləm, meekɔrjol a to mbata lə dee el ləma, né kára kara a kɔg neḛ dɔ tuji dee’g el ləm tɔ.

Matiyo 6:13

Loo gə́ j’a gə ndəm lé ndá taa sí ji njekurai’g Ɓó ya̰ sí dan nékər’g el. Loo-ko̰ɓee ləm, gə siŋgamoŋ ləma, gə doŋgɔr rɔnduba ləm tɔ, Deḛ to kaḭ gə ləbi-ləbi saar-saar gə nɔḭ. Amen.

Loo gə́ killa rea kəm Ja̰’g 2:27

Yeḛ a kon dee gə kag-lar to gə́ dəw tɔ ne jo a̰jije pɔs-pɔs bèe to gə́ ma kara Bɔm un ndia am gə mba ra togə́bè ya tɔ.

1 Samel 2:10

Njéba̰je lə Njesigənea̰ lé D’a kunda bala. Yeḛ a kar ndi ḭ mee dara gə́ tar Mba ndaŋ dɔ dee’g: Njesigənea̰ a gaŋg rəwta Kun ne rudu naŋg nee lad. Yeḛ a kar mbai ləa siŋgamoŋ, Yeḛ a kar siŋgamoŋ lə yeḛ gə́ yeḛ wa dəa gə́ ubu lé Ḭ dɔ maree’d gə́ kédé-kédé.