Teḛ-Raga 15:22 - Maktub gə́ To gə Kəmee

²² Moyis ar Israɛlje d’ḭ ta baa-boo gə́ ria lə Baa-Kas lé d’aw. Deḛ d’un rəw gə́ par gə́ dɔdilaloo gə́ Sur, deḛ njaa dɔdilaloo’g as ndɔ dee munda nɛ d’iŋga mán el.

Teḛ-Raga 15:22 ပူးပေါင်းရင်းမြစ်များ

Gḭ-Néje 16:7

Kura lə Njesigənea̰ gə́ dara iŋgá mbɔr kəm-rəw-mán gə́ to dɔdilaloo’g, mbɔr kəm-rəw-mán gə́ to rəw gə́ aw gə́ Sur.

Gḭ-Néje 20:1

Abrakam ḭ loo gə́ nee’g aw dɔ naŋg gə́ to par gə́ dɔkɔl. Yeḛ ra ɓee mbuna Kades gə sur’g ɓa yeḛ aw si Gerar tɔ.

Gḭ-Néje 25:18

Ŋganeeje ra ɓee un kudee Habila saar teḛ Sur gə́ to no̰ Ejiptə’g loo gə́ aw par gə́ Asiri lé. Yeḛ ra ɓee ləa kəm ŋgakea̰je’g lai tɔ.

Pakɔsje 136:16

Yeḛ nja ɔr no̰ koso-dəwje ləa dɔdilaloo’g lé Mbata meekɔrjol ləa lé to saar-saar gə no̰.

Pakɔsje 77:20

I woḭ rəw dan baa-boo-kad’g, I gɔl kila-rəw dan manje gə́ boo’g, Tor gɔlije lé dəw oo gogo el.

Pakɔsje 78:52

Yeḛ ar koso-dəwje ləa d’unda loo teḛ to gə́ badje bèe ləm, Yeḛ ɔn dee dɔdilaloo’g to gə́ koso-nékulje bèe ləm tɔ.

Pakɔsje 78:53

Yeḛ ɔr no̰ dee gəd-gəd Ar dee ɓəl né kára kara bèe el Ndá baa-boo-kad tula dɔ njéba̰je lə dee yal.

Teḛ-Raga 17:1

Koso-dəwje gə́ Israɛl lai d’ḭ dɔdilaloo’d gə́ Sin d’ɔd d’aw gə goo rəw njaa lə dee gə́ Njesigənea̰ un ndia dɔ’g ar dee lé, deḛ d’isi Repidim waga ndá lé gə́ nee lé ɓa dəwje d’iŋga mán-kai dee keneŋ el.

Teḛ-Raga 3:18

D’a tuga mbi dee koo ne ndui ya, tɔɓəi i a kaw, i seḭ gə ŋgatɔgje lə Israɛlje tɔ, a kawje rɔ mbai gə́ njeko̰ɓee gə́ Ejiptə, a kuláje pajena: Njesigənea̰ Ala lə Ǝbrəje teḛ dɔ sí’g. Bèe ndá un ndui ar sí mba kar sí j’aw njaa dɔdilaloo’g as ndɔ sí munda mba kinja nékinjanéməsje kar Ala lə sí gə́ Njesigənea̰.

Bula lə Israɛlje 33:8

Ndá deḛ d’ḭ no̰ Pi-Hahirot’g d’unda baa-boo-kad dana gaŋg d’aw par gə́ dɔdilaloo’g, deḛ njaa dɔdilaloo gə́ Etam ndɔ dee munda ndá deḛ d’wa loo-si dee Mara.

1 Samel 15:7

Sawul tɔl Amalekje un kudee ɓee gə́ Habila saar teḛ ne Sur gə́ wɔji dɔ Ejiptə njoroŋ lé.

1 Samel 27:8

Dabid gə njérɔje ləa d’aw wai ɓee lə Gesurje ləm, gə Girjije ləma, gə Amalekje ləm tɔ. Mbata ginkoji dəwje lé d’isi dɔ naŋg’d nee ləw ba wɔji dɔ kel loo gə́ Sur saar teḛ ne dɔ naŋg ɓee gə́ Ejiptə tɔ.