Teḛ-Raga 15:20 - Maktub gə́ To gə Kəmee

²⁰ Miriam, njetegginta gə́ dené gə́ to kɔnan Aaro̰je lé un dalè bajiŋ jia’g, ar denéje lai kara ree gə dalè bajḭgje gée’g ndá deḛ ndam ne.

Teḛ-Raga 15:20 ပူးပေါင်းရင်းမြစ်များ

Gḭ-Néje 31:27

See gelee ban ɓa i aḭ gə goo ŋgəḭ ləm, ərm ləma, lal kulam taree ləm tɔ wa. Ɓó lé m’oo ndá m’a kari aw dan rɔlel’g gə dan pa’g gə ndu dalè gə ndu kṵdu tɔ.

2 Samel 1:20

Maji kar sí paje taree Gat’g el ləm, Ilaje ne mbər sor taree Rəwje gə́ Askalo̰ el ləm tɔ Nà ŋgama̰dje gə́ ɓee gə́ Pilisti’g D’a kal ne rɔ dee ləm, Nà ŋgalə njélal kinja tamɔd deeje gə́ dené D’a kun ne baŋga ləm tɔ.

2 Samel 6:14

Dabid ndam gə siŋgarea bura no̰ Njesigənea̰’g ləm, yeḛ tɔ kubu gə́ d’ṵji gə kúla palégal ɓa rḛgee’g ləm tɔ.

2 Samel 6:16

Loo gə́ d’andə gə sa̰duk-manrɔ lə Njesigənea̰ mee ɓee’g lə Dabid ndá Mikal, ŋgolə Sawul gə́ dené lé aa loo kəmbolè’g ndá yeḛ oo mbai Dabid gə́ tal ləm, gə la ləm tɔ no̰ Njesigənea̰’g ndá yeḛ ə̰jee bəḭ-bəḭ gə mée ya.

2 Samel 6:5

Dabid gə ginkoji Israɛlje lai ndam no̰ Njesigənea̰’d gə nékimje ɓəd-ɓəd gə́ ra gə kag-siprɛs ləm, gə kṵdu-kagje ləm, gə kṵdu-ko̰déje ləm, gə dalè bajiŋ ləm, gə mbarèje ləma, gə ma̰dje gə́ sa səgə-səgə ləm tɔ.

2 Mbaije 22:14

Hilkija, njekinjanéməs ləm, gə Akikam ləm, gə Akbɔr ləm, gə Sapan ləma, gə Asaja ləm tɔ d’aw rɔ Hulda gə́ to njetegginta gə́ dené’g, gə́ to dené lə Salum, ŋgolə Tikba gə́ to ŋgolə Haras, yeḛ gə́ to njeŋgəm kubuje lé. Yeḛ si kudu ŋgon ɓee kára gə́ mee ɓee-boo gə́ Jerusalem ya.

1 Sôrta Gḭka-Israɛlje 15:16

Tɔɓəi Dabid ula mbai dɔ Ləbije gə mba kar dee d’ar ŋgako̰ deeje gə́ to njékɔspaje d’aar loo-kaar dee’g gə nékimje lə dee gə́ to kṵdu-ko̰déje ləm, gə kṵdu-kagje ləm, gə ma̰dje gə́ sa səgə-səgə ləm tɔ ji dee’g gə mba kar dee d’im d’aree ɓar ɔr loo lɔi-lɔi mbata lə boo-rɔkal lə dee lé tɔ.

1 Sôrta Gḭka-Israɛlje 6:3

Ŋgalə Keat ɓa ri dee to nee: Amram, gə Jisəar, gə Ebro̰ gə Ujiel.

Nehemi 6:14

Ǝi Ala ləm, maji kari ar məəi olé dɔ Tobija gə Sanbalat gə dɔ kula ra deeje’g. Ar məəi olé dɔ Noadia gə́ to njetegginta gə́ dené ləm, gə dɔ njéteggintaje gə́ raŋg’d gə́ saŋg loo kɔm ɓəl dɔm’g lé ləm tɔ.

Pakɔsje 149:3

Maji kar dee pidee gə ndam lə dee ləm, D’ila riɓar dəa’g gə dalè bajiŋ gə kṵdu-kag ləm tɔ.

Pakɔsje 150:4

Pideeje gə dalè-bajiŋ gə ndamje ləm, Pideeje gə nékimje gə́ gə kuláje gə buulaje ləm tɔ.

Pakɔsje 30:11

Njesigənea̰, maji kari tuga mbii oo ne ndum ndá Oo ne kəm lootondoo’g ya! Njesigənea̰, maji kari ree la səm ya kari.

Pakɔsje 68:11

Lée neelé koso-dəwje ləi lé Ra loo-si dee keneŋ, To loo gə́ i Ala wa dɔ gɔlee ar njénékəmndooje Gə goo meemaji ləi bèe ya.

Pakɔsje 68:25

Ǝi Ala, deḛ lé d’oo panjaai ya, Panjaa Ala ləm gə́ to mbai ləm lé Mee loo’g ləa gə́ to gə kəmee doi.

Pakɔsje 68:26

Deḛ gə́ to njékɔspaje ɓa d’aw gə́ ŋgaw ta dee kédé Ɓa deḛ gə́ to njékim-néje lé d’orè goo dee ɓəi, Deḛ njaa mbuna ŋgama̰dje’g Gə́ d’im dalè-bajḭgje.

Pakɔsje 81:2

Ɔsje pa gə boo-rɔkal arje Ala gə́ to siŋgamoŋ lə sí lé, Ilaje ndu sí naŋg raje ne né wəl gə rɔlel gə́ rɔ Ala’g lé lə Jakob lé tɔ.

Teḛ-Raga 2:4

Konan ŋgonje neelé aar gə kuree ɗegəse mba koo né gə́ a gə teḛ dəa’g lé.

Njekillamber 3:4

Ndɔ no̰ to keneŋ ləm, ndɔ kogo to keneŋ ləm tɔ, ndɔ ndiŋga-rɔ to keneŋ ləm, ndɔ ndam to keneŋ ləm tɔ.

Jeremi 31:4

M’a tel gɔl sí gogo ndá Seḭ a kaarje njaŋg, Seḭ Israɛlje gə́ toje asəna gə ŋgoma̰də Gə́ gər ŋgaw el! Seḭ a teḛje gə mbarèje lə sí Ndamje ne gə rɔlel gə njéboa-ndamje lə sí.

Misee 6:4

See to mbata kar gə́ m’ar sí undaje loo mee ɓee gə́ Ejiptə teḛje lé wa. See to mbata kɔr gə́ m’ɔr sí ɓee-ɓər’g m’ɔm sí tar ləm Gə kula gə́ m’ula Moyis gə Aaro̰ gə Mari M’ar dee d’aw no̰ sí’g lé wa.

Bula lə Israɛlje 12:1

Miriam gə Aaro̰ pata gə́ yèr ndɔl ne Moyis d’wɔji ne dɔ dené gə́ Etiopi gə́ yeḛ təa, mbata to gə́ yeḛ to gonkoji gə́ Etiopi ya.

Bula lə Israɛlje 12:2

Deḛ pana: See Njesigənea̰ pata gə ndu Moyis ya kára ba wa. See yeḛ pata gə ndu síjeḛ to el wa.

Bula lə Israɛlje 20:1

Koso-dəwje gə́ Israɛl lai ree dɔdilaloo gə́ Sin mee naḭ gə́ dɔtar tɔɓəi deḛ d’isi loo gə́ Kades. Lée neelé ɓa Miriam wəi ar dee dubee keneŋ.

Bula lə Israɛlje 26:59

Dené lə Amram lé to Jokebed, ŋgolə Ləbi gə́ yeḛ ojee mee ɓee gə́ Ejiptə lé, ŋganeeje gə́ yeḛ oji dee gə Amram ɓa nee: Aaro̰ gə Moyis, gə kɔnan dee gə́ Miriam.

Lugu 2:36

Njetegginta gə́ dené ria lə An, to ŋgolə Panuel gə́ ginkoji lə Aser. Yeḛ ɓuga mba̰. Yeḛ si gə ma̰dee kəi lə ŋgabeeje as ləbee siri ɓa ŋgabeeje wəi.

Néra Njékaḭkulaje 21:9

Ŋganee gə́ ma̰də deḛ sɔ gə́ lal taa ŋgaw, deḛ nja to gə́ njéteggintaje.

1 Njé gə́ Kɔrḭtə 11:5

Dené gə́ rara gə́ ra tamaji əsé ɔr goo ta lə Ala lal ko̰ dəa gə né ndá yeḛ ila ndɔl dɔ dəw dəa’g ləm, dəa lé kara to asəna kára ba gə ndisa gə́ yeḛ ndisa ŋgori-ŋgori ləm tɔ.

1 Njé gə́ Kɔrḭtə 14:34

maji kar denéje d’isi gə ta dee mundu loo-kwa-dɔ-na̰’g lé mbata loo pata lə dee godo keneŋ. Maji kar dee d’oso kul to gə́ godndu lé pa tɔ.

Njéga̰g-Rəwtaje 11:34

Loo gə́ Jepte aw tel ree gə́ kəi ləa gə́ Mispa ndá aa oo, ŋgonee gə́ dené unda loo teḛ tila kəmee gə dalè gə ndamje. To ŋgonee gə́ kára ba kiao ya, yeḛ aw gə ŋgon gə́ diŋgam əsé ŋgon gə́ dené gə́ raŋg el.

Njéga̰g-Rəwtaje 21:21

Seḭ a kaaje loo gərərə ndá aa ooje, loo gə́ ŋgama̰dje gə́ Silo d’a teḛ mba ndam ndá seḭ a kundaje loo mee ndɔ-nduúje’g teḛje, tɔɓəi nana kara a kwa ŋgoma̰də kára mba karee to dené ləa-ləa ndá seḭ a kawje sə dee mee ɓee’g lə Bḛjamije tɔ.

Njéga̰g-Rəwtaje 4:4

Mee ndəaje’g neelé Debora gə́ to njetegginta gə́ dené gə́ to dené lə Lapidot lé to njegaŋ-rəwta lə Israɛlje.

1 Samel 10:5

Gée gə́ gogo ndá i a teḛ Gibea-Elohim, loo gə́ kudu njérɔje lə Pilistije d’isi keneŋ lé. Loo gə́ i a gə kandə mee ɓee-boo’g lé ndá i a kiŋga kudu-njéteggintaje gə́ d’ḭ dɔdərloo’g ləm, d’ɔr no̰ dee gə kṵdu ləm, gə dalè ləm, gə tébé ləma, gə kṵdu-ko̰dè ləm tɔ, tɔɓəi deḛ kara d’isi tegginta ləm tɔ.

1 Samel 18:6

Ndɔ gə́ d’ḭ loo-rɔ’g tel loo gə́ Dabid tɔl dəw gə́ Pilisti lé ndá denéje d’unda loo mee ɓee-booje gə́ Israɛl bura teḛ d’aw tila kəm mbai Sawul lé. D’ɔs pa ləm, là ləm tɔ gə dalèje gə nékimje ra ne né wəl-wəl gə rɔlel tɔ.